Како се справувате со дамки (флеки)?

За дамки користам т.н. свински сапун.
Баба ми има направено од поодамна ама тој си стои и кога ми треба земам од него.

Ќе го покиснам парчето облека и со сапунот ќе го истријам местото каде што е флеката и ќе го оставам да отстои некое време.
Комшика ми има кажано дека така истриено може и на сонце да се остави ко демек поефикасно било вадењето на флеките, ама не сум пробала така.
Имам вадено разноразни флеки со свинскиов сапун и знам дека помага. Ма каков вениш мениш и слични чуда, свински сапун и то је то

 

Е тоа мајка ми го знае.

 

девојки, јас експриментирав нешто со боја за јајца и сега не знам како да ја измијам од рацете. Кажете некој совет!
фала однапред

 

^ Со лимонтус или прашок за перење алишта пробај да ги измиеш

 

Ај помош ве молам.
При перење на еден фустан, кој иначе е од црвен и бел сатен, белиот сатен на некои места ми има прифатено од црвената боја. Го перев во ладна вода со течен прашок за шарени алишта, ама ете ми се вапца...
Не пробав со ништо бидејќи се работи за сатен, а фустанот повторно ми е потребен, бидејќи не е обичен фустан туку со друга намена :/

 

И јас сум со иста мака.
Маливе ми ги исшкртаа тренерките со пенкало, и сега после толку перења не се вади. А тренерките се црвени-еднобојни, па ептен се познава.
И за маркер да си прашам
Пошто учам по пижами, најкомотно ми е, пижамите ми се цели испошкртани со маркери. Ама не оние црни маркери што не се бришат, туку оние во најразлични бои за подвлекување. Зелена, жолта, розева, портокалова...
Како да ја извадам бојата сега?

 

Или ова



Првото се става директно на флеката (има и спреј, можеби е поефикасен, ама не сум го пробала), се остава да постои, па се пере нормално (вади и чкртаници од пенкала, за маркери не сум сигурна, ама мислам дека и нив ги вади).
А ова второто - обично се раствора во вода и се кисне исфлеканата облека во таа вода - ова мене ми е најефикасно за чаршави, астали, навлаки и сл. ако имаат флеки, ги оставам закиснати цел ден и после нормално си ги перам. Бели, цут се после

 

Пенкало може да се исчисти со чист алкохол натопен на памукче или крпче. Јас така ги чистам секојдневните шкртаници од облеката на син ми.

 

Кога ќе се исфлекате веднаш ставете сјај за миење садови на тоа место и протријте.Нека си стои додека не ги пикнете алиштата во перална.Друга опција е Вениш

 

^^Сјајот за садови помага само за мрсни дамки, за друго тешко. А Вениш... па баш и не, има далеку подобри средства.

 

Вчера на ручекот ми падна домата ( од шопска салата) на бледи панталони, веднаш ставив сол и после ручекот ги исправ со прашок. Гледам денес флеката не испаднала. може хелп
ми е страв вениш да ставам за да не ги побелеам.
да ставам сега сјај ќе има ефект?

 

http://boza.mk/2012/oslobodete-se-damki ... tko-vreme/
Ви претставуваме неколку совети како најлесно и најбрзо да се ослободите од дамките од:
1. Кафе и какао – Свежата дамка, прелијте ја со ладно млеко и веднаш исперете ја во вода со детергент. Старата дамка намокрете ја во вода и детергент за рачно перење или истријте ја со мешавина од вода и алкохол. Дамките од волна и памук, исперете ги со кисела вода.
2.Сос – Соблечете го извалканото парче облека, под дамката ставете чиста крпа и исперете го со ладна вода. Ова би требало „ делумно“ да ја отстрани дамката. Или, држете ја ткаенината под млаз вода. Налејте течен детергент и чистете со мека четка, но не грубо. Нека отстои пет минути, а потоа исперете ја. Прелијте ја флеката со алкохолен оцет, а потоа исперете ја со вода. Поновете ја постапката уште еднаш, ако дамката сеуште е видлива, па ставете ја облеката во машина за перење. Ако и после тоа дамката остане, натопете ја во течен детергент или детергент за миење садови и оставете ја облеката во топла вода 30 минути.
3.Пиво – Намокрете ја облеката во млака вода и оставете ја 30 минути. Дамката исчистете ја со ладна вода и сапун. Добро насапунете ја и истријте ја.Ако останат траги, пробајте да ги отстраните со силен солен раствор во млака вода.
4.Вино – Развлечете ткаенина врз сад со вода и на висина од половина метар, налевајте вода врз дамката. Или, исперете ја со минерална вода: Важно е да не нанесувате сапун, бидејќи тоа би можело да ја влоши ситуацијата. Добро делува и млекото. Ставете млеко во сад, доволно за да ја потопи облеката. За брзо време, дамката ќе стане бледа. Потоа, веднаш исчистете ја со сапун и облеката ставете ја во машина за перење алишта.
5.Боровница – Исчистете ја со ладна вода. Измешајте лажица алкохолен оцет и половина лажичка во течен детергент, во литар ладна вода. Флеката треба да отстои 15 минути, а потоа исперете ја со ладна вода. Ако и понатаму е видлива, со помош на сунѓер и алкохол, пробајте да ја отстраните, па добро исперете ја. Или, подгответе паста од еднакво количество вод и сода бикарбона и нежно тријте ја на дамката. Исперете ја повторно.
6.Кечап – Соблечете ја облеката и исчистете ја со ладна вода ( идеја: ставете хартиена крпа под дамката, а потоа попрскајте ја со млаз вода. Ова би требало да ја „ разнесе “ флеката. Нанесете течен детергент и внимателно чистете со мека четка. Нека отстои неколку минути, па добро исперете ја. Со сунѓерче, на дамката нанесете оцет и повторно исперете ја. Ако е потребно, повторно повторете ја постапката. Ако и ова не донесе резултати, нанесете течен детергент и натопете ја облеката во топла вода. Нека отстои 30 минути…
7.Трева- Дамките од трева на бела ткаенина, исчистете ги со белка од јајце. На обоена ткаенина, натапкајте памук, натопен во 90% алкохол. За волна, свила и синтетички материјали, користете оцет и топла вода.
8.Сладолед и чоколадо – Помешајте лажичка течен детергент ( може за миење садови ) со шолја вода и натопете ја дамката. Против млечни дамки добро делуваат таблетите со дигестивни ензими ( купете ги во продавниците за здрава храна ) , искршете 3-4 таблети и додајте исто количество вода. Добиената паста нежно натапкајте ја на дамката. Оставете ја да отстои барем еден час.
9. Мајонез – Изгребете го вишокот мајонез. Ако дамката е свежа, обичен детергент е сосема доволен. Ако се работи за постара или посилна дамка, направете паста од сода бикарбона и вода и нажно натапкајте ја на дамката. Оставете ја да отстои барем еден час. Исперете ја во топла вода, според упатството на етикетата на гардеробата.
10. Сенф – Внимателно отстранете го вишокот, ставете ја дамката под ладен млаз вода и нанесете средство за отстранување дамки или веднаш нанесете глицерин ( достапен е во аптеките ). Нека отстои неколку минути па исперете ја дамката. Исперете ја со топла вода и додајте избелувач ( но не на свила и волна или ако на етикетата пишува дека избелувањето е забрането ). Сите останати бели ткаенини, можат да се натопат во благ раствор од домашен избелувач и да отстојат околу 15 минути ( 20 милилитри избелувач на пет литри вода ). Дамката исперете ја со вода пред вообичаеното перење во машина за перење алишта.
11.Безалкохолни пијалаци – Облеката натопете ја во ладна вода и оставете ја да отстои околу 30 минути. Во претперењето користете средство за отстранување дамки, па облеката исперете ја со избелувач ( проверете ја етикетата ).
12.Јагоди – Исперете ја дамката со ладна вода. Помешајте лажицалкохолен оцет, половина лажичка течен детергент и литар топла вода. Нека се натапка 15 минути, потоа исперете ја. Ако дамката не се отстрани, пробајте со сунѓер и алкохол и повторно исперете ја.
13. Пот – Во вода додајте оцет, оставете малку да отстои па исперете.
14. Лосион за сончање – Отстранете го вишокот лосион па нанесете средство за отстранување дамки. Исперете ја облеката со топла вода.
15. Мастика за жвакање – Облеката ставете ја во ќеса, па во замрзнувач. Кога мастиката ќе замрзне, ќе можете да ја отстраните со прсти од ткаенината.

 

Ако е мрсна флеката, тогаш може сјај. А Вениш не би требало да ги избледе панталоните. А бе Омино Бјанко му е мајката... не ја вади бојата, ама ги вади флеките. Со гаранција!

 

Ако е мрсна флеката, тогаш може сјај. А Вениш не би требало да ги избледе панталоните. А бе Омино Бјанко му е мајката... не ја вади бојата, ама ги вади флеките. Со гаранција![/quote]

kade mozam da najdam Omnio bjanko? Fala odnapred

 

kade mozam da najdam Omnio bjanko? Fala odnapred[/quote]


Во сите поголеми маркети, Тинекс, Веро, Мај Маркет, Туш....

 

Ве молам за помош! имам една блузичка, под пазувите од стикот ми се направија бели дамки, никако неможам да ги отстранам! ПОМОШ!!???

 

неколку совети од ГорЊе
А што е со р`ѓата?
Малите флеки истриј ги со сол. Врз солта исцеди лимон и остави да отстои преку ноќта. Следниот ден, измиј ја флеката перфектно, а потоа испери во машина. Поголемите флеки треба да се третираат на друг начин: користи специјални средства за р`ѓа и следи ги инструкциите на пакувањето од производителот.

 

Незнам дали ми е за ваму прашањето но да си прашам.
Свекрва ми вчера при перење му ја офарбала блузата на маж ми. Блузата е жолта, а сега е темна, со некои шари низ неа од темни алишта. Дали има спас за вакво нешто, може ли да ја спасиме или???

 

Мислам дека може да се проба, да ја оставиш да кисне барем 12 саати во вода со растворено средство за флеки коене ја вади бојата. Јас ова го користам


прашок е, има и во жолто пакување, а тоа е појако, се раствора во вода и се кисне облеката во тој раствор. Досега не ми потфрлило. Ама, го нема во големите маркети, единствено во Веро може да го има, ама не сум побарала. Јас го купувам од Охрид, од Топ Маркет, а порано од Грција ми го носеа.

Исто да раствориш Омино Бјанко во вода, па да ја киснеш блузата... ама не знам дали би ти помогнало така, бидејќи тоа директно на флека се става, а блузава ти е прошарана од бојата.
Пробај и со Вениш прашокот, може ќе успее...