Како се справувате со дамки (флеки)?

Мрснотиите и зејтинот не изгледаат убаво на твојата облека
Веднаш истури пудра на флеката. Остави ја флеката да се исуши, а потоа нежно исчеткај ја пудрата од облеката. Повтори го ова додека флеката целосно не се отстрани. Потоа, облеката испери ја во машина.


Флеки од кечап
Подготви раствор составен подеднакво од иста количина на глицерин и жешка вода. Натопи ја облеката во растворот еден час, а потоа нормално испери ја во машината.

 

Да, не се работи за флека туку за целосно прошарана од некои темни алишта жолта блуза . Значи баш жолта беше, сега е како бледо мастило низ неа да се истурило.
Уфф, ке пробам со вениш вечер, ептен ми е мака.
А Аннатх кажи ми ова што ми го кажа, ти вади така офарбани алишта, или за флеки го користиш???
Ако вади офарбани ќе го порачам од Грција да ми го донесат, па да знам да не ми е за џабе .
Фала ти

 

Со што да отстранам дамка од течна пудра на бели пантолони?
Еднаш ги исправ веќе, ама дамката стои. Мора да ја исчистам додека не ги видела мајка ми, инаку 3та светска.

 

Крвта не е вообичаена на нашата облека. Да видиме како се отстранува
Свежа флека: само натопи ги алиштата во ладна вода и флеката ке исчезне.
Стара флека (сува): направи раствор на бикарбонат од сода или сол и ладна вода. Натопи ги алиштата и флеката ке се отстрани.


Гумата за џвакање може да биде проблем, нели? Обиди се со ова...
Стави ги алиштата во замрзнувач за да ја замрзнеш мастиката или стави коцка мраз на мастиката. Потоа изгреби ја мастиката со нокти и испери во машината

 

И за флеки го користам, директно на нив ставам ако немам Омино Бјанко, го ставам во машина заедно со прашокот за перење кога перам бели алишта, и често ги киснам вака чаршавите и крпите од кујна кои знаат да се ишараат со различни флеки (кујна де), и после киснење со ова средство и нормално перење во машина, една флека не останува. Мене средствово ми вреди за сите пари, во Охрид го има во Топ Маркет, околу 150-160 ден е, мала е кутијата. Најчесто значи го користам вака како што опишав погоре за блузата.

Спојлер

Баш пред да замине мажот ми кога ги перев и средував неговите алишта имаше една поло маица во крем боја што беше прошарана со плава боја на места. Ја закиснав и ја исправ - маицата не е веќе шарена

Ама и Омино Бјанко ми е незаменлив, особено за тврдокорни флеки - ајвар и трева вади - а тие не се вадат со ништо. Да не ми беше тој, секој ден ќе требаше алишта на малиов да му купувам - нонстоп се валка, а ова ме спасува.

 

^ А би помогнале за флеки од праска? Барем мислам дека се од праска флеките, знам дека тие не се вадат, имам такви жолти големи преку цела маичка, и не се вадат со прашок

 

Секако, само треба да го ставиш средството на флеката (ако е прашок да ја намокриш флеката прво, ако е течност, директно на неа). Ќе го истриеш, ќе го оставиш да постои неколку часа, па си ја переш нормално. И да има флеки на испраната блуза, кога ќе се исуши ги снемува. Инаку флеките од праски тешко се вадат, многу се тврдокорни.

 

Дали постојано имаш проблем со сладолед, чоколадо, овошје, џусеви ит.н. На облеката на твоите деца?
Пробај го овој совет: Натопи ја флеката во раствор со цет (2 супени лажици од чист оцет во четврт литар вода) исплакни и потоа вообичаено испери во машината со соодветниот прашок (прашок-бели алишта или гел-шарени алишта).


Дали сакаш кафе/чај, но не на твојата омилена блуза?
Ако се случи ова, пробај го следново:
• Бел памук:натопи ја флеката со хидроген пероксид а потоа испери нормално
• Шарен памук: натопи ја флеката во раствор подготвен од истата количина на алкохол и чист оцет. Потоа исплакни го материјалот и испери го во машината.
• На волна: натопи ја флеката во раствор подготвен од истата количина на алкохол и чист оцет. Потоа исплакни го материјалот и испери го во машината.

 

За мрсни флеки користам Арис де Грас, за флеки од фломастери, боици - smacio tutto, а за црвени флеки (вино, сок) само бело вино.

 

Здраво девојки.. Пред некое време си купив панталони мастило боја и најпрво ги исправ на рака..но потоа ги ставив и омекнувач. Но, ставив ддури цело капаче од омекнувачот и кога се исушија изгледаа како некој со четка да поминал низ нив. Значи на едно место се потемни на друго се посветли..како недобро искречен ѕид. И сега не знам што да правам, а не ги облеков ниту еднаш Ако знаете некое чаре, помагајте.. Еве ви приложувам слика..поздрав и фала ви однапред..

 

Препери ги со благ детергент најдобро течен во последното плавење стави малку оцет-алкохолен.Ќе изветрее мирисот и би требало да се освежи бојата.Не ги пери со сапун.

 

Што да се направи со флеките од трева на панталоните на твоите деца?
Натопи ја флеката со чист оцет или 90% алкохол (ако ткаенината го дозволува тоа), исплакни го и вообичаено испери го во машината со соодветниот прашок(прашок-бели алишта или гел-шарени алишта).
А што е со восокот на твоите алишта?
Пробај да го изгребеш поголемиот дел од флеката, потоа стави хартија на двете страни од ткаенината и стопи го остатокот од восокот со пегла.

 

Како да се перат бели завеси а да обезбедиме нивна белина?
Секогаш пери ги одделно од другите алишта и никогаш не ги суши во машина за сушење. Извади ги сите делови кои служат за закачување-инаку можеш да ги оштетиш механичките делови на машината, а и завесите. Наполни само четвртина од капацитетот на машината. Завесите пери ги на 30°C (програма за деликатни алишта) со многу вода (екстра вода), намали го триењето и вртежите колку што е можно повеке и стави специјален прашок за завеси (тој содржи специјални состојки за белење). По перењето, завесите веднаш закачи ги, инаку ке имаат набори кои нема да ти се допаднат.

 

Твоите деца сакаат да цртаат насекаде освен на хартија? Како да отстраниш мастило, боја, и др.?
Мастилото отстрани го со крпа колку што можеш повеќе. Потоа под флеката стави бело крпче и натопи ја флеката со друго бело крпче. Може да помогне и ако употребиш и чист оцет или алкохол (ако е дозволено да се користи на таа ткаенина)


Шминката е добра на твоето лице, но не и на твојата облека...
Стави го делот со флеката на книжна салфетка и намокри го задниот дел со 90% алкохол (ако материјалот го дозволува тоа и ако флеката не е мрсна). Ако флеката е мрсна, тогаш користи некој отстранувач на мрснотии.

 

Не си ги исплавила убаво, ова е најверојатно остаток од детергентот... најубаво стави ги само нив во машина, или заедно со некои стари крпи, па убаво ќе се исплават и тие флеки би требало да исчезнат.

 

Девојки си купив болеро бело и тегет на риги и велам ај да го исперам пред да го носам, но за жал ми се вапца од тегетната боја и сега на некои делови од белите риги имам тегет боја. Доколку ми кажете некој совет како можам да го отсранам би ви била благодарна. Ептен се изнервирав бидејќи ми е ново и ниту еднаш го немам облечено

 

Кaко поубаво да ги исчистам гаќичите
имам едни во црвена боја и од бело прање ли незнам не се вади бре пери пери пак бело си е
а други па бели има како така кафеаво...е ајде де кај да им го најдам чарето 2 000 пати ги исправ...изгледаат ко да не се испрани ...глупости ...а не ми се ни стари
помош некој?
Леле бруки што прашувам

 

http://interesno.com.mk/fun/34-interesting/17225-kako-da-otstranite-damki-od-mastilo
Otstranuvawe na damki od mastilo

 

Како да исчистиме дамка од лак за нокти од тепих ? Дали има некој начин или мајка ми ќе ме убие

 

^ Би можело ова да ти послужи
http://boza.mk/2011/kako-da-ischistite- ... d-tepihot/