Дали во вашиот плакар имате парчиња кои лесно се комбинираат, следите иста палета на бои и тонови или купувате било што ќе ви се допадне?? Capsule wardrobe е термин за колекција од облека која лесно се комбинира и скоро секое парче може да се комбинира со било кое друго парче. Се следи неутрална палета на бои која го овозможува тоа.. секако тука може повеќе бои да се вклучат се додека се надополнуваат една со друга.. Позитивното е што не треба да имаме многу облека а таа што ја имаме да ја искористиме максимално и да можеме да ја комбинираме за различни пригоди Spoiler A capsule wardrobe is a collection of clothing that is composed of interchangeable items only, to maximise the number of outfits that can be created. The aim is to have an outfit suitable for any occasion without owning excessive items of clothing. In the 1970s, Susie Faux, owner of a London-based boutique called Wardrobe, coined the term "capsule wardrobe." She defined it as a limited number of essential or staple items that you can wear for multiple seasons. Spoiler: Слики како инспирација
Поголемиот дел од плакарот ми е со такви парчиња. Гледам да се наједноставни, чисти бои за лесно да вклопам. Не ми се губи време за стоење пред плакар.
Мојата гардероба е баш ваква. Воглавно постојано купувам парчиња со неколку бои кои се лесно комбинираат , инаку незнаев дека постои ваков тип на гардероба. Баш се пронајдов.
Да Имам еден тон, бели, црни, сиви работи.И сѐ што купувам, гледам да може да го спарам бар со 2-3 работи
Можеби ќе имав повеќе од 2 убави аутфита да не купував што ми текне туку да следев некоја палета на бои или стил. Баш сум ужас во овој поглед, имам милион работи што не одговараат со ништо, а сакам да сум поорганизирана и барем една јакна да ми оди со повеќе работи.
Во последните 2-3 години си градам capsule wardrobe и многу сум позадоволна вака отколку со купување сѐ и сешто. Некогаш секако си купувам работи кои се избацени ама ако ептен ми се свиѓаат, најчесто гледам сѐ да ми одговара со сѐ друго. Плус, преферирам понеутрални бои или еднобојни парчиња во појака боја, не сакам многу шаренила или принтови.
Пола и повеќе од гардеробата ми е ваква. Сакам се што сум купила да си го износам што повеќе. Уште кога купувам одма си планирам дали можам со другата облека што ја имам да го комбинирам тоа што ќе го купам.
Мене воопшто не ме бива за комбинирање, а и не се замарам многу за изгледот.Купувам што ми се свиѓа во моментот не размислувам за после. Цел плакар дречи од бои. Фала богу мм знае да ме врати на пресоблекување ако ептен забегам.
Последниве години многу обрнувам внимание на тоа каква гардероба купувам, затоа што претходно купував парчиња без да размислам со што ќе ги комбинирам и колку пати ќе ги носам, па така секогаш имав полн плакар, а немав што да носам , секогаш. Сега кога купувам гледам да е едноставно парчето и по можност да се комбинира со се и да оди на се, да се комбинира и кежуал варијанта и класично по можност. Најмногу имам бели маички, обични, со принт, пократки, подолги, со ракави, без ракави, со бела маичка никогаш нема утка. Втора боја ми е пастелно розева имам и маички и пантолони за летно време, сива, црна, маслинеста. Имам сакоа бело, црно и маслинесто, секогаш може со нив да се прават убави комбинации. Фармерки во сите бои посветли и потемни, пантолони црни и бели. Патики бели обавезно мора да имам и црни, чевла сандали црни и сандали беж. Btw мислам дека имаше ваква тема.
Цел ормар ми е со ваква облека. Многу лесно се наоѓаат комбинации и секогаш ќе имате што да облечете.
Мој тип на гардероба, порано не размислував вака но стварно се исплати. Ќе купите убаво промислени парчиња, поубаво и полесно ќе ги комбинирате и ќе ги изнаносите работите.Јас пролет лето гарб ми се состои од 2 пара фармерки, 1 црни панталони 1 бели, маички 2 бели 1 црна 1 темно плава, темно плаво сако, 3 сукњи (шарена, црвена, и црна) 2 кошули (небесно плава и темно плава) и еден фустан... и уште некои темни маички ама тоа е тоа
Го обожавам овој стил. Има и за мажи феноменални capsules. Баш на мм му ги покажував порано. Веќе долго време стремам кон ова.
Мене ми беше чудно што се плашам да купувам патики со повеќе бои на нив и облека во други бои, освен црна, сива, кафеава, бела. Истото важи и за ташни. Да не случајно нема со што да ги комбинирам. Затоа купување на облека ме изморува. Но секогаш се стремам да купувам ваков стил на облека, иако во неколку наврати го скршив мразот и купив во други бои.
Гледам сите се фатија за боите.. Дали Capsule wardrobe значи отсуство на парчиња облека со јака боја? Мене ми личи дека не значи. Многу фино може да функционира и со друга палета на бои кои не се монохроматски (бело, сиво, црно) и се доста впечатливи. За пример црвена дури и да е јака нијанса може да се комбинира со еден куп други бои... Научуваш кои бои се твои бои и играш на тие палети. Зборот ми е дека немора да е облеката сива, беж или црно бела или џинс за да може лесно да се комбинира со други работи... На пример и мене ми е плакарот на таков начин организиран да имам повеќе можни комбинации со едно парче облека. Правилото ми е обично да се обезбедат добри, квалитетни и меѓусебно компатибилни чевли, чанта и палто (капут, јакна). Тие се и поскапи обично и ми се побитни од другите парчиња од гардеробата. Другите делови од облеката (маичка, блуза, пантолони, сукња) на некој начин ми се полесни да ги најдам и да ги купам, зошто има секакви и се наоѓаат и поефтини.
Не воопшто не значи тоа.. Сум пишала дека може да се вклучат и појаки бои, целата поента е ова што го имаш напишано изборот на палета и следење на истата. Колку бои ќе има е индивидуално се додека е лесно за комбинирање..се бираат неколку неутрални бои како базни бои и акценти. Скроз е индивидуално, некој може сака само неутрални бои, некој ќе сака да вклучи и појаки бои, како и дезени... Секако зависи и од сезоната..
Според мене, капсулната гардероба треба да си опфаќа оние најосновните базични парчиња кои секој треба да ги поседува во својот плакар. Парчиња кои се безвременски и кои може да се носат сега и за 10-15 години. Црно сако, Црни/бели/крем/сиви панталони Црна кожна јакна, Бела кошула, Светло плава кошула. Мал црн фустан, Салонки во црна и беж нијанса и останати парчиња во најосновните бои. Потоа може да се експериментира со бои/модели/дезени и слично. Поентата на капсулната гардероба е ако се купува облека во основните бои секогаш ќе има што да се облече затоа што секое парче ќе одговара на се останато. За да не биде здодевен изгледот се меша со аксесоари, чевли, чанти.
