Најновиот албум на Каролина Гочева е насловен како „ИЗВОР“. Не е практика, но, одлуката била сите песни од албумот уште веднаш да бидат објавени на официјалниот YouTube-канал на Каролина, во вид на lyrics-видеа. „Убав живот“ „Газам боса“ „Бели цветови“ „Да е сон“ „Земи го срцево“ „Будна“ „Ти не дојде“ „Нема песна за мене“ „Млади багреми“ ...се имињата на новите песни кои се во препознатливиот стил на нашата поп-принцеза, откако направи БУМ со нејзината трансформација од комерцијала во нешто поинакво. Секако, на оваа листа ѝ се придружува и песната „Ѕвона“ која беше промовирана како најавен сингл за албумот пред Новогодишните празници во 2017. ЛИНК од една песна: Слушнете ги песните и - да анализираме, да коментираме... P.S. Денеска, „прашината“ ја крена песната „Будна“ која има текст напишан од Весна Петрушевска - Бејби. Во меѓувреме, почнувајќи од вчеравечер (23.02.2018 па се' до 26.02.2018 - секоја вечер се случуваат промо-концерти во живо, во МОБ - Скопје. Сите се распродадени, па, поради тоа, пуштени се влезници за нова „тура“ концерти на 1,2 и 3 март.
Мене албумот ми делува баш фино. Песните имаат убава мелодија, интересни текстови. И не е воопшто за пензионери како што некои велат. Ги отсликува животот и љубовта на еден поинаков начин.
Првиот ваков албум на Каролина од 2008. ми се допадна, наредните два - не. Ми звучат многу простодушно, баш како за пензионери и внуци.
Албумот е супер, сите пофалби за Каролина и композиторот Александар Мицевски со тимот музичари. Вистинско уживање и празник за уши
