Катастрофа на приемен тест во Орце Николов - Колку петките на учениците се навистина заслужени?

Татко ми, Бог да го прости беше професор на времето.
Ни имаше речено: Јас имав петки, оти учев. Ако сакате и вие петки, учете.

То е едно од најдобрите школи што сум ги добила.
Иако не сум официјално образована, в гла ми е влезено, дека јас растам кога учам.
Никој друг.

Епа сеа да не глумиме 'изненадени' и да бараме виновници во сите други, освен во себе си.

 

Првпат има приемен во Орце. Не знам порано како било, последниве години немаше приемен.
Требаше да има лани/прелани ама направија плус паралелка наместо приемен. Секако пологично беше тогаш да има наместо сега.

 

Ама не знам што сте запнале мама, тато и врски
Не е до врските и мама и тато. Туку што многу од учениците учат само колку да запамтат за тестот оти оценката ќе им ја гледаат понатаму за сите предмети, не колку го бива во една област. Некогаш сум разбрала математика, сум имала 5ки. Еве сега нема да ми текнат сите формули за геометрија, задачи за компаративност или тригонометрија или уатевр, јер нажалост ми било битно само за тогаш да научам, не зашо мама и тато ми фаќале врски.
И сум си вадела и живци да го научам солидно и гес уат? Пак по неколку дена ќе го заборавам. Не уживам во сѐ да учам.

И патем Орце како гимназија е преценета.

 

Децата треба да разберат дека не треба да учат за оценка, туку за да знаат.

Вистинскиот свет започнува после училиштето.
Дури и да ги примаат поради тоа што ги имаат сите 5.00/10.00, оценките не работат.
Личноста работи со тоа што го научила до тогаш (и она што го учи на работата).

Ако немаш знаење џабе ти се оценките, како што видовме во случајот.

Денес за работа во некои компании мора прво да поминеш тест па после врз основа на тестот се оди на интервју... тогаш не знам дали корона/стрес/штрајк ќе поминат како изговори

 

Ама се додека е системот поставен дека за упис (средно,факултет) се потребни оценки,а не приемен тест на знаење, ке бидат битни оценките, и ке се учи за оценка и ке бркаат врски и сл.

 

Затоа пишав претходно дека ни се потребни промени од корен во системот.

 

Точно така но со исклучоци за пример ќе ја земам мојата наставничка по Хемија која не ни предаваше само ќе кажеше страна на лекцијата и ние самите пишувавме 30 минути НАШ ПЛАН за часот последните 10 мин решававме вежби кој сфатил сфатил кој не нема ... Ако не си разјаснував лекцијата дома односно сам пак да си учам немаше да имам 5 Хемија ја сакам Хемијата но Наставнкчката што ми предаваше мислам дека згрешила работно место

 

Според мене во гимназиите треба да има таканаречен општ тест од 5-6 предмет кој би бил заоснован на 100 бода и од секој предмет по 20-15 бода пример предмети(МАкедонски,Математика,Биологија,Физика,Хемија,Граѓанско)

 

И ја би го рекла истото. Од збор до збор си у право.

 

Леле ме изнасмеа!
Немам што да замислам јас го поминав тоа. Исто и 99% од мојата генерација што заврши факултет.
Ќе учиш ко луд, ете како!
Како некој што се запишувал на факултет во 90-те еве ќе ти кажам дека тогаш само со реален успех и можеше да се запишеш на факс во квотата без партиципација. И бараше сериозно учење во средно, висок просек за старт и сериозно учење за приемен за да добиеш максимум поени на приемен.
Врски имало секогаш ама тоа биле многу, многу мал процент.
Само ако имаш чичко владика..
Немаше тогаш приватни факултети. Штуловиот го отворија додека студирав ама не беше признаен како установа и дури откако дипломирав ги признаа тие дипломи.
Не можеше да си купиш диплома.
Значи опцијата беше државен универзитет во квота без партиципација или вон неа со партиципација.
На испит пријавени 200 кандидати (на популарни факултети беа и повеќе) од кои 100 се со 5.00, а само најдобрите 20 влегуваат без плаќање. И примаа +10 најдобри кандидати од друга националност. 30 вкупно значи за без партиципација.

Значи од старт мора да имаш просек 5.00 и максимални поени на приемен. Се полагаше стручен и општобразовен испит. Во општиот испит имаше 50 прашања од македонски и право. Стручниот беше различен за различен факултет и во мојот случај беа 100 прашања.
Имав 5.00 ама тоа беше само старт а не гаранција.
За приемен испит се убив од учење цел месец пред него. Ми беше најтешкото нешто што го учев дотогаш во мојот живот, не затоа што беше за мене тежок материјалот, туку затоа што чувствував голем притисок да влезам во квотата.
На брат ми, кој веќе беше студент на електро, кога му го кажав ова, ми се изнасмеа дека тоа ќе ми биде најлесниот испит што некогаш ќе го полагам на факултетот и дека допрва ќе треба да загреам стол.
На приемен положив со 2 поени помалку од просекот. Мислев дека нема шанси да влезам во квотата. Дека сите скроз одлични ќе бидат со максимум поени на приемен.
Ама кога ја објавија ранг листата, испадна дека добар дел од другите со 5.00 потфрлиле на приемниот испит. И тоа најмногу на општобразовниот изгубиле поени. И јас влегов во првите 10.
Не дека тоа беа деца што не учеле за петките.. повеќе беше до недоволно учење за приемен. Сите тогаш вадеа некој муабет дека е тоа полесниот дел од испитот и се тресеа за стручниот и мислам дека тука згрешија, повеќето го потценија.

Само ќе кажам дека добро смислен систем на тестирање може да даде посакуван резултат. Односно да ги селектира оние кои се за таму од оние кои не се. Тоа е поентата на тестирањето.
Овој систем каков-таков ама испадна дека бил успешен. Зошто сите што влегоа без партиципација и добар дел од тие што влегоа со повисоки поени на испит (било во квота или надвор од неа) завршија факултет со добар просек. Повеќе од пола од запишаните не ги завршија студиите особено оние што влегоа со послаби бодови.

 

Јас сум за тоа да се воведе систем на професионална ориентација кој ќе започне од основно образование. Значи да се следи успехот на секој ученик преку оценки, тестови од повеќе предмети и да се насочува со советување. Точките на проверка да бидат повеќе и во тек на образованието.
Тоа значи тестирање еднаш на крај на седмо, па еднаш после втора средно на пример.
Со тоа што овие тестови би биле без потреба од претходна подготовка на учениците за да се добие реално претстава што му лежи повеќе. Детето да се советува да продолжи во правец за кој дотогаш покажал успех.

Приемни испити за средно образование и за факултет мислам дека треба да има, ама најавени и организирани.

 

Инаку за слабото знаење на децата воопшто не се чудам.
Се изнагледав секакви наставници додека моиве две деца проаѓаат низ средно и основно.
За наставниците ова би го сумирала:
Пола (што не е малку) од нив место со децата се занимаваат со политика. Тераат политика преку децата. На штета на децата нормално.
Дел не се политичари ама не се ни педагози. Имаат стручно знаење ама не знаат да го пренесат добро.
Некои имаат квалификации ама им фали да се усовршуваат, да се обучуваат, не се носат со децата.
Некои ги мрзи да работат, ништо не предаваат ништо не објаснуваат, не се ни присутни на настава. Само кога треба да се оценат ќе им дадат тест и ќе им мачкаат слаби.
Некои имаат лични психички проблеми и фрустрации заради кои буквално трпат и децата.
Некои наставници се оптеретени со тоа да задржат имиџ на авторитет и се престроги кон децата, ги научуваат, ама тоа учење е со негативен емотивен контекст за детето. Така да кај некои деца ствара обратен ефект , страв, револт и одбивност од предметот.
Некои со другите наставници се во натпреварувачки однос и во меѓусебните односи ги користат децата или во најмала рака ги оптеретуваат нив со информации за нивните меѓусебни релации. Тие работи децата не треба да ги интересираат.

И конечно има еден мал дел прекрасни наставници кои не само што ги научуваат туку имаат воспоставено со учениците и убав однос. Индивидуален однос имаат кон ученикот. Со нив процветуваат децава. Се вложуваат целосно за да ги научат нешто повеќе. Работат прекувремено и не жалат труд и време за да детето постигне максимум. И верувајте и тие се оштетени од другиве колеги, не само децата.

 

Вистина е ова што се збори за Корчагин дека 100 тина деца сакале да отпишат ???

 

Прв пат останале празни места во Корчагин после прв уписен рок. А за ова не знам.

 

На времето во 5 то одделение се понављаваше ако не те бива,подеднакво и во шесто,седмо и осмо.

Средно имаше до 5 ученици во клас максимум одлични, од кои само 1 или 2 ца скроз.

И во најјаките гимназии се паѓаше година и се идеше на полагање.

Сега...сите петки сите одлични.

И тие оценки што се добиени на приемниот се нереални.Верувам дека се попуштало ради врски

 

А каква е состојбата низ другите скопски гимназии во тој поглед?

 

Многу добро памтам дека уште во второ одделение се оставаа 4ки во свидетелство, сега е незамисливо. И пак ќе кажам дека даалеку беше од добро и тогаш, ама место да се работи на подобрување, се оди на затупување, величање лажни вредности и така.

 

1.Да се смени програма. Кембирџ веќе на ништо не личи, ептен лошо и неразбирливо објаснето.
2.Да се направи 'чистка' на наставен кадар. Пола од моите професори во основно не го заслужуваа местото, нити предаваа нити па се трудеа ние да научиме.
3.Појдете од себе и тие околу Вас. Не ги учете децата да добиваат сè во раце, мора да научат ако сакаат нешто да се борат. Не им помагате со тоа што преговарате за оценки.

 

Кембриџ е најлошото нешто што е додадено во образованието но според мене ова за кембриџот е веќе друга тема , ако збориме за приемниот тест тој може да се заоснова на повеќе факти како на пример 1. Не заслужена оцена/подмитени оценки
2. Не заентересираните наставници/Не образувани
3. Стрес и Страв
4. Тежина на тестот



5. Исто така и година со онлајн настава и штрајк на наставниците НО ако тие ученици имале 5,00 значи дека не им пречело тоа.

 

https://www.facebook.com/elena.naum...DMKs9BXZr3hG29daZCx2z11NFxGQP69vpE5yV4HJaNjFl
Прочитајте.