Општи прашања Првпат слушам, ама има на интернет. Сте слушнале ли за зрното киноа? Киноа или златно „зрно“ Киноа
Киноата е супер храна, накратко речено. Добро е што има тема, еве еден рецепт од мене, здрав, нискокалоричен, а вкусен. И за деца е одличен. Се мислев да го ставам во темата за сирова храна, ама бидејќи е готвено, не припаѓа таму, па еве тука ќе пишам. Може да споделувате и вие рецепти со киноа тука. Сутлијаш со киноа Шолја киноа 3 шолји млеко по избор - кравјо или растително (јас го направив со бадемово млеко) лажица кафеав шеќер (дарк мусковадо на Виталиа), може и 1/4 шолја агаве нектар или јаворов сируп лажица екстракт од ванила цимет. Се става млекото со шеќерот на оган, а киноата убаво се мие со ладна вода во цедалка и се додава во млекото. Се додава екстрактот од ванила, може ванилин шеќер ако повеќе сакате така и се вари на тивко 30-45 минути со повремено мешање. Кога ќе се згусне, се трга од оган и се сервира ладно или топло, попрскано со цимет одозгора. Може да додадете и овошје по свој избор. На здравје!
Ја има во поголемите маркети, јас ја земам од БиоКулт во ГТЦ, во Скопје, 500г чини некаде околу 300-350ден.
Лани бев истражувач на оваа култура и јас дигам рака како конзуматор на киноа. Еве ви рецепт за вкусен оброк - полнети домати. Потребно ви е - 1 чаша сварена киноа, 1 лаж. путер, 1 чешне лук, 1 рака листови од спанаќ, ¼ лажица сок од лимон, 2- 3 лажици рендан памезан (ако имате по дома), 150 г моцарела , 4- 6 домати (зависно од големината), зачини по желба. Јас ставам босилек Приготвување: Сварете ја киноата и ставете ја да се излади. Во голем сад ставете го путерот да се стопи и додајте го сечканиот лук. Пропржете го малку. Спанаќот исечкајте го крупно, додајте го во садот и него пропржете го. Тргнете го садот од оган. Додајте го пармезанот и 120 г рендана моцарела, киноата, сок од лимон па измешајте. Исечете ги горните делови од доматите, како капачиња, исчистете ги од семе и со лажица полнете ги со смесата од киноа и спанаќ. Горе ставете од останатата (50 г) рендана моцарела. Ставете ги во плех со хартија за печење и печете во загреана рерна на 200 степени околу 20 – 30 минути, покриено со алуминска фолија, за да не изгорат доматите и моцарелата. На крај одозгора јас наросувам босилек
Jas I kerkickata mi go jademe zivo ne vareno kinoata so jogurt mnogu e vkusno kerkickata mi go obozava