Кино, театар, опера и балет

Кино... ретко. Домашно кино ми е најпрекрасно.
Балет некако не... не дека не сакам, ама не сум се наканила.
Опера љубам... ама последно немам отидено подолго време... обврски и други глупости...
А без театар неможам. Зависник сум голем... ми треба за да постојам...
Особено ги сакам аматерските авангардни театри....

 

На кино, опера и балет одам колку што може да ми дозволи Велес, значи никогаш. Ептен некој филм убав ако даваат може да се одвлечкам до Скопје. Аама за театар фрик сум. Најредовна сум си, на секоја претстава сум таму веќе бесплатно треба да почнат да ме пуштаат. Премиерите со душа ги чекам,а за гостувањата прва сум таму на билетара за карта да си купам. Сега ме нервираат оние од театар не даваат реприза на „ММЕ кој прв почна“ од кога си ја чекам само јас си знам

 

Девојки, била некоја на ,,Панкот не е мртов,, и како ви се допадна филмот?

 

Jaс не сум била сеуште, но другарка многу многу го фалеше.

--

Шо се однесува до темата, одам. Секогаш кога сум во можност, зошто да не. Почесто сум во театар и кино, за балет се спремав сега за Лебедово езеро али сепак не отидов.. . Али баш пред некој ден бев во Драмски, ја гледав Крвта не е вода, можам да кажам одамна не сум се насмеала добро..

 

Јас во мојот град, немам можност за ништо од ова. Тажно, но вистинито. Од друга страна голем љубител сум на сите уметности, имам таква душа. Ме воодушевуваат овие работи и многу ги ценам. Навистина се чувствувам залутано во овој свет, сигурно сум родена на погрешно место за жал морав да научам да уживам во работите кои ги имам, а не кои ги сакам .Се надевам еден ден ќе се промени и ќе имам повеќе можности да посетувам работи од ваков вид

 

Пред некоја недела бев на Крвта не е вода во Драмски и си поминав одлично. Се изнасмеавме

Одлична спојка на глумци. Препорачувам да ја погледнете.

Улоги:Билјана Беличанец - Алексиќ, Игор Стојчевски, Ванчо Иван Петрушевски, Горазд Цветковски и Сашко Коцев.

 

Конечно ми се пружи шасна за да присуствувам на неколку претстави.По повод град на културата се одиграа 4 претстави од кои 3 на македонски и 1 бугарска.

Впечатоците од претставите ке ги ставам во споjлер.

Спојлер

Првата претстава "Тупаница полна љубов" многу ми се допадноа, можеби затоа што сум навикнала на класични претстави а ова беше еден вид помодерна и малку поразлична.Искрено ме воудушеви гласот на Јелена Јованова.Толку добри песни имаа одберено, еден вид мешавина од странски и македонски песни што прекрасно изгледаше.

Втората "Грев или Шприцер" ја пропуштив од причина што немав време но од татко ми и од останатите слушнав пофални зборови.

Третата и воедно најдобрата "Женско Царствo" што искрено ви ја препорачувам на сите а посебно на женскиот род.Прекрасно направено доби пофални зборови од цел град.А и сигурно дека некои како Шенка Колозова, Гоце Тодоровски, Владимир Дојчиноски нема да глумат во некоја безвезна претстава.Вистинска претстава за сите обожаватели на комедијата.

Е четртата претстава “Живот макар и краток” не ми се ни зборува.Сите помисливме штом е последна а и доагаат гости од Бугарија ке биде нешто посебно.Но излезе посебно глупа.Значи темата на претставата беше скинато копче Толку безвезно направено што публиката почна да си оди уште од старт.Јас од култура ја проследив до крај но мислам дека од столчето оган ми чуреше.

Инаку театарот уште ни го реновираат и се надевам дека чат пат ке има по некоја претстава а не вака да чекаме од велигден на велигден.

 

Јас да се пофалам дека вчера конечно ја гледав култната драма ГРЕВ ИЛИ ШПРИЦЕР во Драмски.

Драма, за страста и неправдата, за гревот и обичните луѓе,болката и тагата,за љубовта, заплетите кои малку ќе не засмејат а истовремено и расплачат, вреди да се погледне со иста страст и возбуда ко пред речиси дваесет години кога играше во овој театар.

Театарот беше преполн, немаше едно празно место што ме радува. Убав, дотеран народ, мераци..

Не можам да направам споредба со претходната изведба бидејќи не сум ја гледала, но слушајќи ги постарите што ги изгледале и 2те не се со исти импресии за новава. Да, кога гледам која екипа била, предводена од Ненад Стојановски па се до Јовица Мијаловски,Ванчо Петрушевски,Софија Куневка,Силвија Стојановска,Дац јасно ми е се.
Интересно е што Дац е повторно земен но овојпат во улога на Шприцер.

Како и да е приказната е таа. Сметам дека доколку ликовите се вешто изведени секогаш преживуваат низ епохата и се предизвик на новите генерации.
Мене ми се допадна. Заслужено долгоминутно ракоплескање!

Оцена : 9/10

Улоги во новата драма: Драган Спасов, Билјана Беличанец - Алексиќ, Зоран Љутков, Роберт Вељановски, Сашо Тасевски, Маја Вељковиќ - Пановска,Јана Стојановска/Ана Стојановска (ќерките на Ненад и Силвија С.), Мартин Јордановски.
Режија:Деан Дамјановски

Искрено ви ја препорачувам

 

Незнам дали пишуваам во соодветна тема....али ајде..да ве известам значи вака:
Во сабота на 19 ноември со почеток од 20:00 часот во НУЦК "Глигор Прличев" ќе биде изведена представата "ГРЕВ ИЛИ ШПРИЦЕР" цена на билетите е 150 денари
а пак во Кичево:
Во петок на 18 ноември со почеток од 20:00 часот во НУЦК"Кочо Рацин" ќе биде изведена представата “БУРЕ БАРУТ“-Дејан Дуковски,цена на билетите е 50 денари

 

Бев на „Ромео и Јулија“ и искрено ме изненади во позитивна смисла. Ме воодушеви! Дефинитивно најдобрата театарска претстава што ја имам видено воопшто.
Јас очекував некоја досадна трагедија, па и плус што знаев дека глумат само машки очекував нешто тапа и досадно, но испада спротивно - тоа е модернизирана трагедија. Направена во модерен стил, каде што Јулија е шмизла итн итн да не ви кажувам, мора да се погледне. Дефинитвно одлична за релаксација после долга и напорна недела и за расположување и смеење.
Одлична идеја а уште подобра реализација и ефекти. Се’ беше на место, апсолутно се’.
Се заљубив во еден од глумците (беа вкупно 8 ), но нов е најверојатно и никако да дознаам како се вика.

 

Бев во петокот на ГРЕВ ИЛИ ШПРИЦЕР, и можам да ви ја препорачам, супер е, баш е интересна, актерите се супер !

 

^ И цимерката многу ја фалеше - ми рече дека 2 и пол часа не ги осетила кога поминале од што била толку убава драмата.

Вчера добивме гратиси со цимерката за Фани Мани во Универзална и умревме од досада - премногу глупава ми беше - еднаш дали ме насмеа И си станавме со другарка ми и си заминавме (не се трпеше!). Не сакам таков хумор, што да правам. Тие зад нас се прскаа од смеење на секои 3 минути Не разбирам. Драмата е за 5то одделенци.

Вечерва ќе одиме на „Бесови“ во МНТ па ќе видиме реакции.

 

А колку пари се отприлика картите?

 

Се срамам од првото мое мислење напишано во оваа тема.
Кино и не одам толку често. Филмови ретко гледам, ако начекам само некој на ТВ.
Театар посетив пред може 2 недели и доста интересно ми беше. Башка и колеги може ќе бидеме. (Тоа ако имам шанси на Драмски да се запишам). Планирав и нешто како волонтер да одам, но што ќе им е дете таму. Во иднина ќе ме гледате на сцена, ветено е!

 

Госпоѓа Министерка-супер е претставата,игра во MNT

 

Девојки значи морам да ви се пофалам. Синојка е гледав претставата "АЈДЕ ДА СИ РЕЧИМЕ УШТЕ ЕДНА" во изведба на Охридскиот Народен Театар.Многу убава претстава,едноставно ме оставија без зборови,браво за целата екипа

 

Искрено, не паметам кога последен пат сум била на кино...
Стружанките знаат дека нашето кино не работи со години и последниот филм „Панкот не е мртов“ не беше кино проекција туку обично ЦД!
Последниве месеци се прават некои театарски претстави, но почесто тоа се детски... Сепак ги посетувам, зашто театарот ме интересира зашто и самата се заминавам со аматерска глума!
На опера и балет никогаш во животов не сум била, ама сакам да отидам!

 

Бев на „Крвта не е вода“.. со единствениот Сашко Коцев.
Добра драма. Ама Сашко што ми прави, ах тој Сашко. Го сонувам бре, ова не е веќе нормално
Особено во „Свадбата на Фигаро“, уште подобра драма со одлични глумци.

Во последно време киснам по драмскиве театри. Од секогаш сум ја сакала и почитувала драмата и актерството. Сонувам да стапнам на бината, имам глумено по доста организирани претстави досега. Убаво се чувствувам на бина, се пронаоѓам.. Некој внатрешен мир ме опфаќа.

 

Од сите претстави можам да ги одвојам како најинтересни-Умри машки, Демонот од дебар маало, Како да ја убиеш сопругата и зошто.
Најдов снимка за Грев или Шприцер на интернет, ама не сакам да ја гледам, сакам да одам во театар, а немам со кого. Никој од моите пријатели не сака да оди.. С`ким се ја то дружим?
Ја имам гледано и Интермецо на мала сцена, интересна беше...
Последен пат кога бев бев на 2012 Последните Македонци, не беше лоша, ама дека се беше со песна, па .... Ама се си има убавина нели?!
А кино.. Последен пат бев да го гледам документарецот за Тоше Проески, пред неколку години, домче си гледам филмови, а сега сакам да одам на Мапети кога ќе почнат да ги даваат.
Очајно барам друштво за вакви работи, и дури секогаш избирам рандом луѓе што ми се само познаници што сакаат да одат.
Сака некој да оди на Грев или Шприцер??

 

Што туку видов една прекрасна вест и сакам да ја споделам со вас.
Најпосле ќе го отворат театарот во Гевгелија Никогаш досега не сум влегла таму од причина што така стоеше само како објект многу долго време, а кога работел порано очигледно се сум била родена.



Ах конечно и Гевгелија доби нешто вредно.Прочитав информација дека се работи за еден од најубавите театри во Македонија.Вака на сликата изгледа дека е мал но баш напротив многу е голем, на должина.

Отварањето ќе биде во недела во 19:00 h кој има можност нека го посети.Ке се изведува претставата "Свадбата на Фигаро".