Тоа дома кога ќе одам, да видам дали имам посни рецепти. Мислам дека имам нешто, ама не ме држи за збор.
@LiliBoz бирај, еве три рецепти, последниот ми е најубав, мислам дека го имам пишано тука, ама еве пак Се меси тесто од кг брашно, два филџани шеќер, два здробени квасци, лажиче сол и топла вода по потреба. Се кисне, се прават кифлички, се мачкаат со вода и се печат. ------------------------------------------------------------------------------------- Се замесува помеко тесто од 1500г брашно, два киснати квасци, лажица сол, 3 лажици шеќер, шолја и пол масло и млака вода по потреба. Се прават топчиња, а од нив се прават кифлички кои се мачкаат со вода и се печат. ------------------------------------------------------ 500гр. брашно 1 квасец растопен во млака вода, со малце сол, шеќер и брашно 1,5 лажичка сол 3 лажици шеќер 250-300гр варени и блендирани моркови 150мл масло млака вода по потреба Се меси тесто (да не се лепи на раце ама да е меко ко за лепче) од се` погоре наведено, и се дели на 2 дела, па секој дел на уште 4. Се отвара мала кора од секое делче, се мачка со маргарин одозгора и така се редат сите 4 едно над друго, со маргарин измеѓу нив. Се отвара кора со дебелина од пола сантиметар, се сечат шеснаестинки и се вртат кифличките. Истово се повторува и со другата половина. Кога се готови, се редат во плех (скоро повеќе од 1 плех ќе фати) и одозгора се мачкаат со сенф помешан со вода, се наросуваат со сусам и се оставаат да надојдат 1 саат точно. Се печат во загреана рерна на 180-200 степени.
направив скриншот фала ти ептен... ќе ви пуштам една пита на рецепти мк ја имаше денес и ја направив лудница е...
Лиснати кифлички најубаво ми испаѓат, а оние другите никако да ги погодам и по многу рецепти имам пробано и ништо. На меко замесени и пак не е тоа тоа. Не мирисаат на кифли туку како на леб и следниот ден се тврди, а додека се топли се убави и меки.
Здраво. Прв пат сакам да правам кифли , де рецепт за некое тесто што ќе ми успее. Не за друго ќе имам публика додека ги правам па да не се посрамотам.
Види го прикачениот фајл 448059 500 мл потопло млеко 200 мл масло 1 јајце 40 гр квасец 2 лажички сол 1 лажиче шеќер 900гр-1 кг брашно За премачкување 1 јајце по потреба сусам по потреба путер Квасецот се раствора со малку млеко, шеќер и брашно. Во сад се ставаат млекото, маслото, солта, јајцето, растворениот квасец и со брашното се замесува тесто да биде мазно. Се прават топчина (околу 47-50) и се ставаат на намрсена површина.Се зема од првото топче што сте го направиле и се прави кифла.По желба на средината може да се стави и сирење. Се редат на намрсен плех или на хартија. Откако ке се направат сите кифли се уклучува рерната да се загрее на 200 степени, се мачкаат со изматено јајце, се наросуваат со сусам и на секоја кифла се става мали парченца путер. Се печат околу 20 мин. Неколку пати ги имам правено, никад не ми утнале, а тапа сум за во кујна.. На здравје!
Имам пробано многу рецепти и никако да ми испаднат како што сакам. Немаат мирис и вкус на кифла туку на леб. Ставам доволно млеко и масло и ги месам на меко и одозгора путер. Стварно не знам во што е тајната на оние убави домашни кифли. Дај кажете ако знаете.
Не ме бива за теста а една упорност имам ух. Ај да пробам сеа лиснато, дајте некој рецепт за лиснати кифлички
Рецептава ја најдов од интернет. Многу се вкусни. Тестото не треба да стасува. 2 чашки јогурт 1 чашка зејтин 1 белка 3 пецива 1 лажичка шеќер 2 лажички сол 1 лажичка оцет 7 чашки брашно Јогуртот, зејтинот и белката се мешаат со жица за матење. Се додаваат останатите состојки и се замесува тесто. Се вадат топчиња и од секое топче се расукува кора. Се формираат кифлите. Се печат во претходно загреана рерна. Јас користев чашки од јогурт. Така пишуваше во рецептата. Тестото е меко и не се лепи за раце. А и кифлите се меки и со стоење неколку дена.
И јас денес ги направив кифлите по рецептот на @Annath , навистина премеки и се топат во уста. Имам правено кифли претходно и по други рецепти, но дефинитивно овие најмеки и најубави. Точно два плеха ми излегоа. Еве и слика
Ме интересира, од кога ќе ги испечете ќифличките што им правите понатаму т.е. со што ги покривате, како ги ладите, кога ги замрзнувате, како да останат меки??
Кога ќе се испечат ги покривам со крпа додека се оладат да бидат млаки и после тоа ги собирам во кеса и ги замрзнувам. Кога ги одмрзнувам ги оставам на собна температура никогаш не ги одмрзнувам во микро бидејќи така само ги суши и после некој саат стануваат тврди а вака се меки исто како тазе печени