Книги за самопомош

Значи, имам слушнато многу различни мислења за овие книги па сакам да ги видам и вашите мислења.

Дали се воопшто корисни? Дали некои од вас читаат вакви книги? И ако да, кои би ги препорачале а кои не?

 

Синоќа баш наидов на еден ваков текст на интернет.
KНИГИ ЗА САМОПОМОШ ЌЕ ГО ПРЕПЛАВАТ СВЕТОТ

Со оглед на предвидувањата дека депресијата ќе стане најраспространета болест на светот, не изненадува фактот што современиот човек во потрага по одговори се свртува кон книгата, конкретно кон тие што нудат самопомош. Тоа особено се забележува во Велика Британија, каде што издавачите годинава очекуваат пораст на пазарот на книгите за самопомош, пишува лондонски „Гардијан“. Една од најпопуларните книги е „Испитаниот живот“ на психоаналитичарот Стивен Грос, во која тој ги советува луѓето како на вистински начин да гледаат на својот живот. Тоа е само еден во морето од слични наслови. Издавачот „Винтиџ“ одлучи да покрене посебна едиција „Самопомош“, во која освен дела за самопомош, нуди и книги на Џулијан Барнс и Џанет Винтерсон. Делото „Нема од што да се плашите“ на Барнс се занимава со теми како смртта, природата, Бог и детството. За литературата за самопомош пишуваат и публицистичките аналитичари. Овој вид литература е најуспешен во Америка, но трендот се шири и во преостанатиот дел во светот, особено во Европа.

- Иако таквите книги редовно се исмејуваат, станува збор за пазар што се шири постојано, пазар за самоподобрување на животот. Тоа што 80 отсто од купувачите на оваа литература повторно се враќа да купува иста таква литература сугерира дека овие книги не помагаат - смета авторката Џесика Ламб-Шапиро.

Во својата книга „Ветената земја: Мојот пат низ американската култура на самопомош“ Ламб-Шапиро расветлува значајни аспекти на оваа тема.

„Гардијан“ пишува дека издавачите ја нагласуваат интелектуалната вредност на овој вид литература, која се повикува на психологијата, а успешни се и книгите во кои се нуди психичка стабилност и лечење на душата.

Но треба да се потсети дека овој вид литература не е ништо ново, бидејќи изразот „самопомош“ е стар дури 155 години, кога прв пат се појавил во насловот на книгата на Самуел Смајлс, шкотски политички реформатор. Тој во „Самопомош“ на луѓето им нуди конкретни совети, примери како да ракуваат со парите, а книгата во текот на неговиот живот се продала во 250.000 примероци. Најмногу книги за самопомош се продаваат во јануари, кој се смета за најдепресивен месец.

http://www.dnevnik.mk/

 

Според мене овие книги дефинитивно се како мелем за психичката состојба, барем јас така ги доживував. Од овој жарн најмногу би издвила три книги кои што мене лично многу ми помогнаа да го оформам своето мислење и мојот личен став.
Тоа се :
1. „Будење“ - Антони де Мело ... Не знам колку сте слушнале за книгава но е предобра, и е книга која не се чита само еднаш. Без разлика колку да ја читаш се повеќе ќе наоѓаш нешта во неа на кои ќе се замислиш прво, ќе размислиш и тогаш ќе сфатиш дека е така. Мене личноо оваа книга ми помогна многу. Мислам дека ако бе ше оваа книга јас не би можела да ја видам реалноста каква што е.
2. „Брида“ - Паоло Коељо.... Мислам дека ги знаеме книгите на Коељо, но мене лично многу голем впечаток ми остави оваа книга. Ја имам читано два пати, бидејќи премногу се пронаоѓам во ликот на Брида.
3. „Калуѓерот што го продаде своето ферари“ од Робин Шарма .... Претпоставувам дека сте запознаени со оваа книга и морам да кажам мноогу е добра...

Ова се моите три книги кои на некој начин ми се како водичи особено доколку се наоѓам во некој тешка психичка состојба... Можеби некој нема да се согласи со мојот избор но мислам дека доколку ги прочитате ќе ви се допаднат и вас

 

ПРЕПОРАКА - ми треба психолошка книга, книга која те тера да размислуваш за себе, за своето добро - за себе .............

 

Ако нешто ви значи, можете Самотерапија за секого од Џејн Рејнвотер. Ја има и на интернет, електронска верзија на српски, а ја има и во Книжажарница Три, некаде околу 200 денари е. Од вистински психолог е, не е од некаков квази психолог или сличен шарлатан како мотивационен тренер или популарен психолог.

 

"Koj ke place koga tebe ke te nema?" Robin Sharma
Celta na naseto postoenje e da ostavime trag zad sebe,kako I da go ziveeme zivotot najdobro sto mozeme.Vo ovaa kniga ima mudri soveti koi ako gi sledite ke vi go promenat zivotot.Nesto slicnl na "Kalugerot go prodade svoeto ferari"
"Kako da go dobiete toa sto go sakate" - Jozef Marfi I ova e bi rekla prodolzenie na "Mokta na potsvesta"za toa kako potsvesta moze da ni bide najdobra prijatelka I deka ke ni dade se sto ke pobarame od nea.
Isto gi preporacuvam knigite na Lujza Hej

 

Дали некој ја има на македонски "Како да го излечите својот живот" - Лујза Хеј?
Ја барам долг период нигде ја нема и ниту е во план за печатење нови изданија, под знак прашалник е дури и за на саем на книги. Ја имам на англиски во лаптоп но ми треба во вакво печатено, мкд издание.

Доколку ја имате или знаете некој кој ја има и би сакал да ја продаде, пишувајте

 

The Secret - Rhonda Byrne
Ја преземав од форумов во пдф ја најдов на хрватски.. Да бидам искрена навистина помага иако на почеток е многу тешко да почнеш да ги менуваш мислите затоа што си се навикнал скоро цел живот (или барем поголем дел од животот) да размислуваш црно и негативно. Меѓутоа со малку повеќе труд се успева и малку по малку се зголемуваат резултатите секој ден.

 

Те молам постирај ја тука на хрватски или прати ми ја во лична порака. Многу сакам да ја прочитам. Фала онапред!

 

Ако ја имаш во pdf српската верзија ќе може тука да ја постираш или прати ми ја во лична порака. Thanks

 

http://www.academia.edu/13694825/Budite_sebi_psihoterapeut_-_Dzenet_Rejnvoter

Се извинувам што доцнам со одговорот. Повели и се надевам дека ќе ти користи

 

Или мотиватирите само за пари и популарност ги пишуваат и дали воопшто ви помагаат или одмагаат пример како моќта на потсвеста, моќта на позитивното мислење?

 

Никогаш не сум читала таква книга. Може ова се некои мои предрасуди ама сметам дека не би помогнале многу. Премногу ми е ,,теоретски'' да учам од книга како треба да живеам... секоја ситуација си бара различно да постапуваме. А и како карактери сме сите премногу различни за тоа да може да се сумира во книга.

 

Сум пишувала за темава веќе, си правев експеримент на себе да видам што толку ги фалат и воспеваат книгиве, животот им го промениле.

Сфатив неколку работи. На почетокот низ читањето ќе се почувствуваш како конечно да си разбран од некого, како конечно да си го нашол решението за сѐ во животот.
Ист рецепт за среќа, стратегија за решавање проблеми - нема. Не сме сите исти. Не реагираме сите на ист начин.
И не пали кај сите она од денес сум друг човек/вртам нов лист итн. Да се менуваа така работите во истата секунда штом ќе речеш дека си поинаков, многу нешта ќе беа поинакви.

За секој проблем треба време да се сталожиш, смириш и да размислиш за можни стратегии и тактики за да изнајдеш решение, а во голем процент понекогаш и околните фактори што се надвор од наша контрола имаат огромно влијание врз тоа како се одвива ситуацијата.

Не е сѐ само мисли позитивно и сѐ само ќе си дојде.
Тој притисок дека мора во истиов момент ти да се насмееш, да станеш позитивен човек може да има само контра ефект.
За мене лично, од она што го увидов, овие се тотална глупост.
Апсолутно немам ништо против некој да се мотивира себеси со помош на вакви книги, баш би ми било драго ако навистина му помогнале некому, ама за мене лично или како препорака за некого (ако е во ситуација каде што му треба поттик/совет) не е опција што воопшто би ја разгледала.

 

Читав многу такви книги едно време. Воглавно охрабруваат да веруваме во себе, дека сме нешто посебно од другите, зголемувајќи го нашето его, дури и нашиот нарцизам и поради тоа привремено прават да се чувствуваме подобро. Некому можеби е токму тоа потребно во моментот, но некому кој можеби има нарцисоидно растројство, би можеле да ги засилат нивните погрешни ставови и начини на однесување.


Книги што мене најмногу ми помогнале, воопшто не беа тнр. мотивациони книги, туку духовни. Знаев за нив релативно долго време, но не им обрнував внимание, дел од насловите на прв поглед ми делуваа некако обично. Тоа беа книгите на Универзален живот, сосема малечки по обем. Особено насловите „Беседа на Гората„ ; „Сила на молитвата„ ; и „Лиобани - Јас објаснувам - учествуваш ли?„ .
И тоа не од самото читање и верување во истото, туку дури по примената на прочитаното...

Спојлер

Во воведот спомнатите наслови како „Моќта на потсвеста додуша„ (површно) ги запознаваат читателите со моќта на мислите, но не им ги објаснуваат духовните законитости и евентуалните опасности кои произлегуваат од погрешното користење на силата на мислите за себични цели. Повеќето луѓе дури и не се познаваат вистински себе си, па мислат дека нивните цели се веќе несебични или дека ионака никому не би наштетиле. Но луѓето кои имаат увид во невидливите димензији предупредуваат за последиците од играње со „духот од волшебната ламба„ (или како книгите велат „универзумот„) кој потоа и те како ќе си ја побара позајмената енергија назад, по можност со камата што пак доведува до разни видови на страдања. Повеќе информации во книгата „Сам во бракт и партнеството? Сам во староста? - Живот во единство!„ од Габриеле (изд. Универзален живот).

Додуша не можат сите наслови да се стават во ист кош, но мислам дека би важело да 90% од нив.

Во повеќето случаи мислам дека го прават било поради пари било поради потреба од самоистакнување или комбинација на двете.

Понекогаш се напишани од луѓе кои се фалат со своите „успеси„ но во реалноста постигнале многу малку. Таков случај беше „Богат татко - сиромашен татко„ ... демек тој бил милијардер со недвижнини, потоа испадна дека одвај има некое милионче во банка и тоа од продажба токму на неговите книги и предавања. Денешно време 2-3 милиона долари во САД и не се нешто многу, во Њујорк не може ни стан да се купи за тие пари.
Додуша имаше некои добри поенти, но тие поенти воглавно би можеле да се раскажат на неколку страни, наместо на неколку стотици, на пр: повеќето луѓе се обидуваат да ги имитираат богатите така што си купуваат скапи предмети (скап часовник, скапа кола, луксузна куќа, скап тв, и тн.) бидејќи тоа се нешта кои не произведуваат пари туку дури можат да ги голтаат (куќата и колата треба да се одржуваат, данок да се плаќа и тн.) Но како предупредуваа некои економисти содржеа и опасни совети, како на пр. затајување на данок а тоа спаѓа во кривични дела.

Потоа има книги кои верувам дека се напишани со благородна цел, но иако интересни, ќе ги разберете подобро само ако и самите барем делумно сте го поминале процесот опишан во нив, како на пр. психотерапијата - работење врз себе со помош на советник кој исто така го поминал целиот процес. Такви се книгите на Морган Скот Пек : „Патот по кој поретко се оди„; „Луѓето на лагата„

Кога бев средно книга што ми помогнала да научам да не купувам без врска сè и сешто и да си заштедам пари беше „Да или Не? Пат до подобра одлука„ не се сеќавам на авторот ниту издавачот, но беше токму од тие мотивациони книги раскажана низ планинарски прошетки. Поентата може да се сведе повторно на неколку реченици: Ако сакаме нешто да купиме, направиме, постигнеме треба да се прашаме зошто го сакаме тоа и дали ни е тоа навистина потребно и што ќе правиме откако тоа нешто ќе го купиме или постигнеме.„

 

Без навреда, ама јас овие книги не можам да ги смислам.

 

Исто.

 

Имам прочитано неколку и... не знам, 50:50 сум, некогаш ме живцираат, некогаш ми се океј да ги читам.
Зависи во какво расположение сум.

 

Мислам дека можат да бидат од корист книгите кои предложуваат реални начини како да се подобриш и како подобро да се разбереш себе си, со совети и примери, или пак предложувајќи нови животни навики.
Ама некои едноставно се сведуваат на празни филозофии од кои не можеш да имаш скоро никаква придобивка во реалниот живот.

 

Мене овие книги ми се безвезе.
Ни им верувам ни ми требаат. Чиста маркетиншка глупост.