Од овој тип се таквите книги, има за полицаец, за доктор и уште некои други, веќе ти пратиле слики да не се дуплираме.
Не ги купувам, ги симнав сите на киндл, па и ги читам од англиски на македонски директно. Колу што пребарав има три во Матица, а ги има во некоја Бонига во Неготино, да им пишеш на фб да ги прашаш дали ги имаат, дали праќаат и дали им се целосни книгите, да не им се некои кратени верзии, гледам евтини им се.
Последнава о ние ја имаме, душа и извадивме, мојава уште на две години почна да ги учи и памти диносаурусиве и јас со неа. Имаме повеќе книги за диносауруси од кои посебно друга добра книга која топло ја препорачувам и која е корисна и понатаму за училишна возраст е ,,Диносауруси во периодот креда,, во издание на Топер. Е сега некој да каже дали има и за Јура и Тријас? Мојава треба да тргне во школо а има сеу ште интерес за диносауруси.
Ептен се радувам што последниве години домашните издавачи посветија внимание и на детската литература. Мислам само дека малку заостануваат со промоција - кога би „форсирале“ детска литература, како што други тупкаат под нос љубовни романчиња и трилери, во најмала рака би израснале писмени генерации со нескротлив дух и фантазија. На инстаграм, hurricane_full_of_joy, дава многу добри препораки за читање. „Друга приказна“, фестивал на детската книжевност, во организација на Темплум е одлична собиранка и нуди добро скоцкана програма. Пред некоја недела заврши фестивалот за литература и илустрација за деца „Литера“, а ланската изложба на илустрации на Димитар Кондовски беше едно прекрасно искуство. Бегемот и Чудна шума имаат многу убави наслови. Од сликовници око ми фаќаат „Бел“ од Гаврош и „Ајде да патуваме“ од Антолог. Илустациите се на друго ниво. Драги ми се сликовниците на Костуранов од Литература, „Ежето Снеже“ и „Лепчето што расте“ од Едиција Светулка, Уципуци од Антолог и „Зимава нема да студи“ од Бата прес. За малку поголемки, топло ги препорачувам „Полиана“ - Еленор Х. Портер (роман), „Основоположниците на македонската современа уметност“ - Елизабета Баковска (енциклопедија за деца), „Јас сум Акико“ - Стефан Тиќми (роман). Наредната недела, на први јули, во МКЦ, Темплум организираат настан - „Фини деца со сликовници“. Ќе се промовираат три нови книги, имаат и работилници за деца, ќе има и саем, а најважно од сè, за мене, е што децата ќе имаат можност да разменат / донираат стари играчки во хуманитарни цели. Прво што ми паѓа на памет од кај нив е „Нешто друго“. Ја препорачав на кој стигнав, топла приказна за прифаќање на различните од нас. „Мечето Ушко“ им е прекрасно издание, неа и „Бајки од Македонија за цела година“ во издание на Литература, треба да ги има секое дете. За жал, проблем е цената. Колку и да е богато изданието, колку и да е вложено во печатење, генерално детските книги на нашиот пазар се луксуз. Не сметам дека издавачките куќи треба да отстапат од квалитетот, а според тоа единствено што останува е да се надевам дека стандардот еден ден ќе ни дозволи ова да биде секојдневние.
@maia. читајте ја Нешто Друго во комбинација со Елмер. Комплементарни се во дискусијата за чувтсвата околу различноста.
Мојата ќерка многу сака книги. Редовно се купува по една до две и се читаат до кинење. Подолу се дел од тие што ги читаме, ги нема моите стари книги што и ги читам, ако имате прашања за содржината, квалитетот, цената, јазикот или лектирата, пишете. Овие една по една секој месец купивавме. На оамет ги знае веќе. Омилена е војската на лавот. Овие беа кога беше помала. Биби и Боби веќе не ги читаме, ќе одат у градинка, ама штрумфовите уште се актуелни. овие највеќе ги сака. За човечкото тело се мора да знае. Анатомија у мало е.Астрономијата ја засака одамна, купивме и телескоп за со книгава. Змејологијата за жал ја уништи на некои страни. Хајди ја има уште во неколку книги. Супер за возраст од 5 год. ова се бајките пред спиење. Се извинувам за пердето и стапалата на некои слики ме мрзеше да сецкам.
Топер. Има уште две три слични, да ги најдам ќе ти сликам, за струјата мислам и водите.... Некоја невладина, донација или слично мислам дека е финансирано. Да видам дом ќе ти пишам.
Здраво, многу убави книги имате,ме интересира од каде ви е книгата "Лили и Вили" и оние за штрумфовите?
Оваа е од мое време ама има интерес. Јас читам од прашањата на крај она сама одговара. Ако пријави интерес за некое прашање, го читаме. Ако мисли дека знае, не читаме хахахха
И син ми ја откри кај моите. Од неа доби инспирацијаи желба за учење на човечкото тело. Уште лани на три години научи што е желудник, бели дробови, бубрези, мочен меур, срце и крвни садови... и кое за што служи. Треба пак да ја отворат со дедо му, за нова тема за учење иако во моментов е преокупиран со броеви, па само намбер блокс се гледа и имаме и слични коцки како во цртанот па само тоа е главна тема во моментов.
Преубава колекција и не би рекла мини туку мега библиотека . И мојата многу сака книги и баш ќе ги сликнам нашите, многу читаме, ама бидејќи се спремаме за училиште поактивни сме со книгите со активности.
Мајки ја имате ли оваа сликовница, ме интересира како сте задоволни, убава ли е содржината, на ќере и се ближи роденден па да кажан на баби е што да купат. Има ли некоја од вас книга со сказни од Јадрнка Клисатова и мислење?
