Кога би нашле паричник со пари на улица дали би ги зеле?

Кога би нашле новчаник со пари на улица дали би ги зеле?

Пред некое време ми се случи на улица да најдам новчаник со документи немаше многу пари околу 400 денари и веднаш го пријавив во полиција, не вредеше за толку малку пари на човекот да му направам проблеми за доклументите, да ги немаше податоците на сопственикот немаше да пријавам сепак тогаш ќе беше моја среќичка

 

Кога би нашле новчаник со пари на улица дали би ги зеле?

Во живот немам најдено пари на улица,ама подобро ако размислам колку многу ме имаат крадено мене ,ич нема да се мислам да ги земам ако најдам ,ЌЕ СИ ГИ ЗЕМАМ (кој ќе си ги најде негови се)
а ако има документи ќе ги вратам и документи и пари и се ...проклета да е хуманоста во мене

 

Кога би нашле новчаник со пари на улица дали би ги зеле?

Ни минута не размислувам си ги земам, моја среќа

 

Кога би нашле новчаник со пари на улица дали би ги зеле?

Па најверојатно би ги зела,а документитие ќе ги вратам т.е. ќе ги пратам на адресата на тој што ги изгубил. И сите задоволни,јас пари-другиот документи 50/50

 

Кога би нашле новчаник со пари на улица дали би ги зеле?

па искрено парите би ги земала а ако има документи ќе му ги вратам оти знам како е да се оди да се вадат нови документи!

 

Немам срце да ги земам парите и не би го направила тоа.Би го вратила комплет онаму каде што припаѓа.Прво,затоа што ете не можам,совест ќе ме изеде,а второ сум била во ситуација да изгубам новчаник со пари и не го добив назад,ниту документи,ниту ништо.Исто така мајка ми изгуби новчаник,утредента го најде празен со документите пред влезот на работа,веројатно и паднал кога излегла да си оди накај дома.Потоа се деси,татко ми да најде паричник и го врати комплет на една женичка,немате поим колку беше благодарна.
Не е моја среќа во прашање,туку туѓа несреќа.Од каде да знам за што му биле парите,па можеби и последни биле...
Пред некоја година другар кој живее со баба му и брат му и сестра му,немаат родители.Сестра му била во банка да ја земе пензијата на баба му,враќајки се ете од невнимание,го изгубила новчаникот...и немаа пари до крајот на месецот,едвај се снаоѓаа од тоа што тој работеше колку што можеше,а студент...
Така што...не би,не фала.Она што е мое,ќе си го заработам чесно.Ајде да нема документи и сето тоа,стварно,ете можам да го доживеам ко своја среќа,ама ако има документи,ќе го вратам па што сака нека биде.

 

Кога би нашле паричник пол со пари на улица дали би ги зеле?

Не сум била досега во ваква ситуација. Кога ќе размислам подобро, мислам дека би го вратила, комплет со документи и пари. Што да правам, таква сум-ќе ме изеде совеста.

 

Ми се случи пред некое време пред влезната порта од дома, да најдам новчаник во кој имаше околу 800 евра...Откако го здогледав само го зедов и дојдов дома...Го отворив и внатре покрај парите имаше лична карта, верска книшка, специјален работнички пасош за Италија...Го зедов новчаникот во мене и тргнав пак кј што бев тргната. Човекот кој што беше во продавницата близу мојата куќа беше сопственикот на новчаникот. Кога дојде да ја плати сметката, а јас чекав на ред, почна да паничи поради што во себе не го најде својот новчаник. Јас можеби малку иронично но го прашував за него, дали тој е тој и тој ( со име и презиме )... Откако потврди го извадов новчаникот и му го вратив. Човекот беше преблагодарен, богато ме награди за тоа и дури ми рече: -„Да ги земеше сите пари и се друго само да ми го вратеше пасошов за Италија“....

Така да кога би нашла новчаник со потадоци би го вратила таков каков што сум го нашла, а кога би бил без податоци или би нашла само пари би ги зела - МОЈА СРЕЌА

 

Кога би нашла паричник со пари на улица не би го зела, без разлика колку пари има или пак што и да има во паричникот

 

Без пари, што ке ми е?
Шала.

Ако има лична карта или некој документ кој ми ја посочува личноста, би му го вратила новчаникот и ни денар нема да пипнам, ама ако нема никакви лични податоци џабе да се правиме светици сите, би си ги џапнале за себе парите + ако има и некоја илјадарка, трговски here i come!

 

Ќе си го земам и ич око нема да ми трепне.
Тоа е мојот најголем сон - си одиш ноншалантно по пат и оп - новчаниче со пари.
Замислувам евричи, доларчиња, богородички, ма полн внатре!
(yeah, right, dream on)

 

ако најдам новчаник со лични документи ќе го вратам со се пари
ама ако најдам пари како пред некој ден на улица 50 денари одма ќе ги потрошам на нешто благо

 

Имам најдено.. Беше со евра, на дечко моја возраст..
Го вратив, дечкото се спремал за на пат и затоа имал евра. Си добив 100грама кафе како фала

 

Имам најдено пари на улица и си ги земав. Да не ги земев јас некој друг сигурно
Но доколку најдам новчаник и има лични податоци сигурно ќе го вратам. Ќе бидам среќна поради моето добро дело и ќе се надевам на заслужна награда

 

Ќе го задржам, зашто знам дека јас да изгубам мојот - НИКОЈ нема да ми го врати...

Сепак, татко ми еднаш најде куфер со документи, печати, чекови и новчаник. Од печатот го виде бројот на сопственикот и му ја врати.
А тој кога го видел, само си ја земал и си отишол. Ни фала ни бутур... толку од благодарноста... - (сфаќате што сакам да кажам...)

 

Татко ми кога го изгуби новчаникот со се пари и документи, никој не му го врати. Човекот се нервираше со денови, а со месеци додека направи скорз нови документи.

Така да од ова искуство ако најдам новчаник документите би ги вратила по пошта или било како, а парите, е за нив не се мислам

 

На темава ќе раскажам еден настан кој се има случи на моја блиска личност! Мене ми звучи помалце како прикаска ,ама е вистинска случка,искуство на мој блисок!
Пред отприлика 20 години човекот нашол ташна заборавена во дуќанот каде што тој работел како продавач! Не ја отворил надевајќи се дека сопственикот ќе се врати! Сепак никој не се вратил по ташната! Ја зел човекот дома ташната и во неа нашол гоолема сума пари (колку за една куќа (така ми рече самиот ,,среќник,,кој ги нашол парите))
Цела вечер не спиел и наредниот ден по документите кои биле во ташната го нашол сопственикот! Му отишол на врата и го затечел целото семејство во солзи! Луѓето биле разочарени дека изгубиле голема сума пари што ги заработиле многу тешко во странство!
Ги вратил парите до денар и одбивал било каква награда ! После случката станале пријатели и сеуште одвреме навреме се гледаат!
Реално кажано,ретко кој така би постапил! Мислам дека голем процент на луѓе би полакомилие по големата сума и би ги задржале парите!
Се имам замислено во таква ситуација и имам поделено мислење! Од една страна си велам дека ќе ги задржам парите а од друга страна пак жал ми паѓа за несреќниот кој го изгубил новчаникот!

 

Не. Се се враќа, се се плаќа. Штом сте земале нешто што не е ваше, ќе ви се врати од друга страна - karma is a bitch.
Ако земам нечии пари како прво ќе ми биде шубе. Од кај да знам каква судбина и приказна се крие зад нив?
Можеби некој штедел, тргал залчиња храна на страна за тие пари и јас да му ги земам из чиста мира?
Како второ, еднаш бев ограбена, и да ви кажам ја гушкав низ солзи жената од ЈСП која ми ја пронајде зафрлената чанта и наовчаникот со документите и се потруди да ме пронајде на секаков можен начин и да ми ја врати. Знам какво е гадно чуството кога нешто ќе изгубите или ќе ви снема. Не би сакала да си ги трошам паричињата на некој кој во тој момент тагува или пак да не се потрудам да му го вратам паричникот и да му предизвикам насмевка на лицето и да го стопам каменот во срцето.

Не сум во таква очајна состојба да ми притребаат туѓи пари, најдени, кои не ми припаѓаат и не сум ги заслужила. Сакам да сум една од тие за кои се вели - дека светот не е отиден во неповрат.

Наречете ме патетична и крајно егоцентрична будала (да, причината е делумно себична), ама јас сеуште верувам дека луѓето се добри. Зошто? Затоа што верувам дека кога мене ќе ми се случи нешто лошо, не дај Боже, ќе има уште една ваква патетична будала која ќе сака да ми помогне.
Убаво е чуството дека колку и да сте сами, не сте осамени и има кој да ви помогне и да биде чесен со вас.

 

Ако најдам пари без документи или пак новчаник без документи парите ќе си ги земам. Ама доколку има документи ќе го вратам со се внатре.