Кога би нашле паричник со пари на улица дали би ги зеле?

Можеби се за да се исплати платен убиец или некоја мафија...

Spoiler

 

Кога бев во Австриа со братучед ми на улица најдовме паричник и го зедовме внатре имаше 800 евра и документи го најдовме човекот и му го однесавме дома паричникот и за благодарност ни даде 50 евра прво ги одбивме но откако многу инсистираше ги зедов

 

Сум нашла и вратила новчаник во Грција на еден гост во истата вила каде што престојував и јас и имаше 2000 евра Но сепак човечкото во мене преовлада и го вратив, па човекот од благодарност што ли не ми изнакупи

 

Зависи до ситуацијата. Ако познавам некој на кому навистина му се потревбни пари во моментот, а јас немам за да им дадам, би им ги дала тие пари. За мене никогаш не би ги задржала. А, ако се` е во ред, и секако, ако има документи за идентификација, веднаш би ги вратила на сопственикот.

 

Да земам туѓи пари, не тоа не ми можела да го сторам. После да ме колне. Не сум толку лакома сепак тој човек со пот ги заработил, може и долго време правел се за да ги добие, или пак може е во криза и секој денар му е битен. Не не би можела да земам нешто што мене не ми припаѓа. Инаку ако најдам некое динарче ситниш на улица си ги зимам, пошто и да не ги земам исто ми се фаќа не се знае чиви се,ако не ги земам јас друг ќе си ги земе

 

Доколку има лични документи би ги вратила, а доколку има само пари, би ги задржала, сепак јас лично без податоци нема да можам да го најдам сопственикот а полиција не би вмешала( таа би ги земала парите и ќе го фрли паричникот).

Не сум личност што прави такви работи, секогаш што најдам враќам, дури и на пазар кога од 500 денари кусур ми вратија како да сум дала 1000 ден ги вратив парите, си кажав колку имам дадено. Но од трафика со дечко ми земавме 2 пакли цигари а плативме една. Девојката дала една пакла и дечко ми ја земал, јас барајќи се во новчаникот за ситни пари не видов, девојката оставила уште една пакла, јас дадов ситни пари и си ја земав паклата. хахах. Подоцна сватив што направив.

 

Немам срце јас да ги земам парите.
Цел живот би ме прогонувало тоа. Значи не би земала ништо од никого.
Една другарка најде еднаш новчаник заедно бевме двете се чудевме што да правиме и ја извадивме личната карта и се погоди да имаме една другарка од местото од каде што беше лицето на личната карта па таа одма најде број и ја исконтактира.
Замисли она не ни знаела уште кога и се јавија дека и го нема новчаникот.
Дојде одма и ни кажа дека внатре и се сите картички со пинови запишани, имало евра за запишување магистарски. Кој знае колку пар бил полн.
Не и се веруваше дека не ни и проверивме колку пари има, и нормално после бевме заедно на ручек.
Но оваа другарката истата што го најде новчаникот и се случи после некое време во градски да и го грабнат нејзиниот со цела плата, како ја извадила платата влегла во автобус и кога се симнала нема пари.
Хаос.

 

Кога би нашла паричник со пари на улица,прво нешто би го земала да го погледнам,да видам дали има некои документи или сл.Ако нема,ќе го оставам повторно на улица или таму каде што сум го нашла.Можеби нема да ми верувате,но јас 10 денари да видам на улица не ги земам,од каде да знам може некој малер ќе ме тера потоа.Ќе ми рече некој среќа било,каква среќа,јас не земам ништо туѓо,макар 10 денари изгубени да се.Да,знам дека не е крадење да најдеш така нешто на улица,но сепак јас тоа го сметам за туѓо,не е мое и нема што да го земам.

 

Па ако има во него над 20.000 денари би си ги земал и ќе отидам да си купам нешто облека. А ако има ситни 2-3.000 денари ќе ги оставам. Може некое циганче ќе си ги собере и ќе ги даде на мајка му.

 

Фалабогу , би му ги вратила , се ставам одма себе во таква ситуација , па колку мене би ми значело некој да ми ги врати истите ..и 1,000,000 + да има внатре ..не би зела ни денар

 

Aко во паричникот има лична карта или други документи на кои пишува чив е паричникот ќе го вратам. Сите знаеме како тешко се преживува и од каде да знам може последните пари му биле на човекот може со нив семејство треба да храни цел месец. А ако нема никакви документи ќе ги земам парите не дека сум алчна или себична ама имам комшија полицаец кој еднаш зимата дојде кај нас на седење, на кафе и кажуваше дека секој најден/пријавен паричник со пари не го барале сопственикот туку парите ги делеле со колегата со кој биле на смена. Подобро јас ќе го земам отколку тие што за дремење земаат плата плус малку им е па и најдени пари делат, за срамота. Ако нема документи секако ќе го земам и скријам се случува кога и на моите им требаат пари па немаат во моментот па да им излезам во пресрет и помогнам. Инаку кој не осетил на своја кожа незнае како е. Татко ми има изгубено паричник со се лична карта внатре, елаборатот нешто за куќата некој лист и 2500 денари пари. Сабота беше зимата мајка ми дојде од работа а требаше во град да оди по плата ама многу и беше лошо и не отишла.Носот и течеше, грлото ја болеше и уште што не целата беше пребледена а во неа немаше ни скршен денар. Требаше да извади плата ама не отишла оти лошо и било. Му се јавив на татко ми тој во болницата бил инсолин требаше да и препише или земе и рече имам пари ќе земам се што треба. Во болницата се бркал по џепови ваму таму и новчаникот со се му испаднал. Примертил дури во Макпромет ама џабе веќе се вратил во болницата никој ни видеш ни слушнал. Можел барем личната карта да ја врати оти за да извадиш друга треба и време и пари. И ништо се врати дома така. Ајде апче најдовме ама требаше лимони, кисело млеко и уште што не. 5 минути го молев продавачот да му даде и во понедленик ќе му однесам пари ама многу клет човек е не дава така ако не платиш одма нема. Додека очите не ми се насолзија не ме сфати сериозно ми велеше дека сум се мајтапела со него јас му викам на мајка ми и е лошо тој ми вика нека дојде татко ти. Па зарем и него да го малтретирам по ладното. И ајде некако се сожали ми даде тоа што требаше. Затоа ако има документи сто посто ги враќам ама не ги давам на полицијата туку лично ќе го побарам човекот.

 

Секако дека нема! Не се раководам по девизата: “Кој си го најде, негово си е“... зашто не сум ни лакома, ни алчна и нема зашто да се грабам по нешто што всушност не е мое!
Туку, ќе се потрудам да го најдам сопственикот на паричникот, а ако не го најдам ќе ги донирам парите у хумани цели или на некој што нема! (без разлика колку пари има во паричникот, и да се малку за некого ќе бидат многу) сведоци сме дека немаштијата е и тоа како присутна во денешно време!

 

Ако има внатре документи, ќе се обидам да го најдам сопстввеникот и да ги вратам. Ако има само пари, ќе си ги земам. Можеби тој што ги изгубил навистина има потреба од истите, но тешки времиња се за сите. Колкава и да е сумата, ќе послужат за нешто. Ако има фотографии, според нив ќе го побарам сопственикот. Ако е празно, ќе го фрлам.

 

Исто како и претходниот пост, доколку има документи, фотографии ќе го најдам сопственикот и ќе го вратам. Но ако нема такви работи ќе однесам во полиција.

 

Веќе два пати сум вратила нечиј новчаник, мислам дека ако не го вратам одма дупло ќе изгубам а и греота е.

 

Ако има пари и документи или слика, ќе го вратам. Можеби на некој тие пари му биле последниот денар, може му биле за лекови, за храна или неговата плата или пензија. Но ако нема ништо за идентификување, и ако никој не се врати по паричникот, би си го зела.

 

Ако видам дека некој си го бара или внатре има лична карта, возачка или некои документи тогаш ќе го побарам сопственикот и ќе го вратам. Но доколку нема ништо од тоа и нема некој кој во близнина го бара ќе си го земам.

 

Доколку внатре има возачка, лична карта или пак некои други документи, би го пронашла сопственикот на новчаникот и би го вратила. Ако пак нема никакви информации за сопственикот во новчаникот и никој не го бара, тогаш би го зела.

 

Секако ќе си ги земам парите ако нема некој друг документ како лична карта или нешто друго.

 

Не.прво би се потрудила ако е можно фа дојдам до сопственикот да му го вратам.Преку лична карта ако е внатре или некој друг документ .