Кога лисјата паѓаат (Yaprak Dökümü) [А1]

Лејла која што е со психички проблеми испадна постабилна од Неџла.
Колку жално кога Лејла отиде кај мајка и, ја бркаше и велеше да не влегува и да си оди за да не ја види татко и. Лејла не и се налути, не и збори лошо, не ја нервира.
А Неџла оди кај мајка и само за да ја нервира уште толку и плус се лути како да е безгрешена.

 

Митхат е смешен. Навивачки се настрои кон Ферхунде и само ги коментира Текин негативно отстрана, се нервира ко фан на утакмица.

Можеби и пречи тоа што таа му се обраќа со "господине", а тој неа ја нарекува "тетке". Капак на се е што ја третира Џеврие како кралица-мајка.

За Текин кажете што сакате, ама луѓето живееле повлечен живот и не се обучени за овој свет. Чувствителни се некако на реалноста. Другите во серијата не се многу понормални од нив, ама овие дека наивни и глупи, дозволуваат секоја грешка да им влијае. Тонат во срам за сешто. На пример Фикрет поради сестрите доброволно замина сургун. Идиотка. Џеврие е злобна баба и провокатор. Кон сите е лицемерна. Ама барем ќе се опрај на крајот. Митхат нестабилен, до последно не ќе знае дали ги сака Текин или не. Како и Ферхунде. Овој Огуз многу голем џентлмен стана спрема Лејла. Сега Џејда ја шутира, малоумна, не знам каква.

 

Кога ќе им ги чујам муабетите „гордоста ни е повредена“, „нема да си одиш со сведната глава“, абе ми се лоши. Која гордост, која глава? И Али Риза како да нема животно школо, иако бил градоначалник, како да се дружел со светци, па сега не знае што му се случува.

 

Неир е царица, закон жена. Колку е стабилна, приземна, има став и цврст карактер.
И баш убава невеста беше и на овие години.
Најинтересно ми беше кога на Ахмет му кажа дека најмногу и се допаѓа упорноста кај него.

 

Навистина беа супер. Најпозитивните ликови. Ахмет има добра душа.

 

Неир и мене ми е омилен лик. Жена - лавица, посветена на ќерката и работата, одличен пример за самохрана мајка. Со Ахмет се многу симпатичен пар, иако се во зрели години, фасцинираат со нивниот карактер и односот кон семејството Текин. Благодарение на Неир, ќерка и' Седеф, на крај ќе го избере вистинскиот пат, ќе се омажи и за разлика од трагичните судбини на сите деца на Али Риза (Ајше е дете, ама тешко неа во токсичната средина во која расте и живее) ќе има среќен живот.

 

Неџла само ја покажува куќата и кани гости, а тоа е толку сељачко. Се однесува како копук. Па уште и е навредена. Веќе ниту Џем не може да ги трпи, па со изговор си замина од дома, да не седи со гостите.

 

Добро сега нормално е да ја покаже куќата на родителите и сестрите и нормално е да и идат на гости.
Инаку, има ужасно однесување и Џем сфати, ама малку касно за него. А приметивте ли дека и Џем си го смени однесувањето, односно му падна маската. На почеток колку беше добар, љубезен, абе мед и млеко му течеше од уста а сега многу арогантен е спрема сите. На почетокот како се лигавеше пред татко и а сега му одговара воопшто да не го гледа и да не се во контакт, а човекот не е крив, барем нему ништо не му згрешил.

 

Па не си го покажа вистинското лице, туку Џем сфати со кого си има работа. Сфати дека згреши и дека Неџла е со него само поради парите. Таа ако го сакаше немаше да му се заканува во старт дека ако и приговара ќе се разведе. Немаше толку брзо да го напушти, па да се врати. Нели тој на Шефкет ќе му помогне за зградата, на крај не му помогна, туку пратил човек од фирмата кој е многу скап и тие не можат да си го дозволат. Џем веќе се дистанцира од семејството Текин.

 

Јас зборам за Али Риза. Он не е крив што е Неџла таква каква што е, а и плус он лично ништо не му згрешил на Џем. Премногу ми е ниско тоа лигавење на сам почеток а сега да не сака да го види.

 

Диркетно не, но индиректно е виновен и Али Риза. Да е едно дете проблематично, ок, ама сите.

 

Ништо нема тоа врска со Џем. Испаѓа глума му беше на почетокот.

 

Тој се покаја што си фати работа со нив, ама сега е доцна.

 

Вечера направија групна тепачка. Беа ем смешни, ем јадни.

 

Мулето (Еркан) се повлече од градежниот бизнис кој е осуден на пропаст, па сега Шефкет и Џем го вплетка во неговите работи. Татко му на Џем, се лути оти е свесен оти тоа е промашена работа, ама Џем пак излезе наивен и се вплетка со Шефкет, благодарение на кој цело семејство Текин е на улица. Шефкет откако ја прокоцка кариерата во банка, требаше да си вози такси и да не се занесува. Глумецот што го толкува Шефкет е тотално промашување, требало да најдат лик кој би имал некоја сличност со првиот актер.

 

И мене ми е многу смешно како тоа човек кој нема каде да живее гради станови за други. Тој очигледно не знае да се пресмета, оти веќе втор пат не му стигаат пари. Со малку пари почнал нешто да гради и мисли дека ќе успее. Во ред е да гради, ама некој како Јаман кој е полн пари, кој има углед, а Шефкет и мулето каков углед имаат? Тие се бивши затвореници, кој би купил од нив? Од сите деца на Али Риза само Фикрет не сонува да има многу пари. Другиве сакаат пари и богат живот, ама една работа не додржаа да ја завршат до крај. Лејла ни со врски кај Јаман не беше добра секретарка, Неџла во еден обичен бар каде беше келнерка ја избркаа, Шефкет ниту во такси станицата не издржа. И Хајрие, шиееше, па прекина. Сигурно мисли, готово син и згради гради, нема смисла да шие.

 

И јас на местото на Џем би била иста. Да, нејзин дом е, но за се треба претходно да поразговараат заедно, особено за одлука да собереш пет души под ист покрив. Како што таа не би живееле со свекрва, ниту било која друга жена, така и на Џем му пречи туку така да си го донесе целото свое семејство да живеат под ист покрив, па и патувањето ќе го одложеше за тоа. Потоа, повторно не и чинеше, се расправаше со Ајше за сенешто, и сметаше Фикрет со чаршафите, изигруваше голема газдарица. Ќе рече човек, се помага во неволја, но овие цело време се во неволји поради самите себе. Митхат го нападнаа зошто се оженил со Ферхунде, небаре за нивни инат се оженил, нив требало да ги праша, па еднава во несвест припаѓа, другана ќе пометнела, па Тахсин ќе ја тепал Ферхунде оти кренала слушалка на фиксен. Митхат, кој Хајрие го нарекуваше прост, па и ферхунде самата е всушност културен и крајно учтив човек. По истекот на рокот, Текинови можеше да ги истера со извршител зошто не му го предале владението врз куќата, ама ги толерираше. Им кажа дека ќе се жени и им даде рок. На крај, можеа привремено некаде да се скрпат под кирија, па да бараат соодветно сместување за понатаму, но не. Митхат им ја купи куќата, зошто да не беше тој ќе се давеа во долгови од син им Шефќет, ама лош беше зошто сакаше да си ја ужива куќата која си ја купил.

 

Едно е да одбереш дали ќе живееш со свекрва или не друго е да не ги оставиш родителите и брат/сестра на улица. На пример јас никогаш не би ги оставила, какви и да се, родители се.
А за однесувањето на Неџла немам зборови, лесно заборава од каде е дојдена и згора на се што со месеци живееше во пансион, па кај колега оти остана на улица, па ја избркаа и од работа. Се влечеше по улици. И сега ќе се однесува ужасно со сестра и која уште е дете.
Одвратна.

 

Mитат во суштина не е лош човек. Тој не сакаше да ги изнервира, туку како осамен човек мисли дека си нашол сродна душа во Ферхунде. Митат премногу ги толерираше. Тие како тргнаа, испаѓа му ја продадоа куќата, си платија долгови и вечно ќе живеат сега кај него, а во својата стара куќа. Не може така. Се нешто се туфкаат, пребираат, мислиш палата ќе најдат за тие малку пари кои ги имаат. Хајрие па ги лаже сосетките демек децата се средени, немаат ниту финансиски, ниту љубовни проблеми, а всушност не е така. Кое фајде ако ги лаже кога сите слушнаа како Али Риза ја бркаше Лејла од зградата. И тој не знам зошто ка брка неа, а ги трпи Неџла и Шефкет. Ако ги брка, нека ги брка сите, а не вака ги дели децата.

 

Сепак ќе беше умесно да поразговара со сопругот. Џем никако не би се лутел доколку некој нема избор да му подаде рака и помогне. А, овие имаат избор да одат на друго место, не се работи за некаква страшна и безизлезна ситуација. Па уште вика да седеле колку сакаат. Без осет. За сестра и немам збор. Ајде е детенце какво само може да се посака. Викни ги и качи им се на глава. Е не бива така.