Книгава сеуште ја читам, но морам да признаам - ненормално многу ми го привлече вниманието. Деталните описи, сликовитите претставувања на настаните, навраќањата, заплетканоста на дејството... едноставно „шифри во шифри“ што би рекол Браун. Културна, уметничка, религиска, литературна вредност. Иако сеуште не го знам крајот - вреди да се прочита, или барем да се почне - зашто ниедна страна нема да ве остави рамнодушни. Ваши впечатоци...?
Една од најпродаваните книги на сите времиња, ја прочитав до крај сакав да ја знам мистеријата едноставно ме влечеше. Го гледав и филмот но сепак ќе речам дека книгата е милион пати подобра од филмот.
Mене од сите негови книги оваа најмалку ми се допадна. Ангели и демони ми беше многу подобра, а исто и Точка на измама
Книгата почнав да ја читам, но престанав, бидејки некако има преувеличување на некои одредени работи, како симболи, па дел од уметноста : цртежи, скици,слики, трактати, кои се според мене на погрешен начин толкувани.Како за пример, трактатите на Леонардо, кои содржеле некакви скриени информации во врска со Библијата; познатата слика на Леонардо „ Тајната вечера “ со констатација дека апостол Јован, кој е претставен до Исус, дека бил женско итн. Целта која Ден Браун сакал да ја постигне, а што му успеало очигледно, а тоа е продажба на книгата во голем број примероци, со самото тоа што тој го напишал во книгата, успеал да промени работи во уметноста, религијата, постигнување слава,без разлика на точноста на информациите наведени во неговата книга.Покрај тоа,привлечно е и дејствието каде што се одвива Франција,познатиот музеј Лувр, па споменување на Италија итн. Книгата ја имам дома,ете како што кажав ја почнав, но не ја довршив од таа причина што ја споменав претходно,затоа што кога веќе човек нешто знае од претходно,потоа не му е интересно да чита нешто што се повторува или преувеличува.
Горде зошто се сомневаш во тоа што го напишал за сликата Тајната вечера за Јован? Јас мислам дека е женско тоа на сликата, пред да ја почнам книгава (инаку сум стигната некаде после средината) се интересирав за Да Винчи и неговите дела и без сомнение е тоа дека човекот уживал да вметнува некои свои симболи и дека самата слика Мона Лиза е дво полово суштество, така не ме чуди ни за оваа слика дека всушност тоа до Исус не е Јован туку е Марија Магдалена. Кога би ги споиле Исус и Марија Магдалена на сликата излегува дека таа му лежи на рамото. Незнам сепак, твое мислење е , јас мислам дека има доста вистини во книгата а и доста логика, некако се е со образложение, а и сигурно не ја пишувал самиот врз база на претпоставки, предходно сигурно доста истражувал во врска со настаните од книгата.
Офи затоа што знам што и како цртал,сликал Леонардо.Начинот на сликање во ренесансниот период ( 14 - 16 век) е таков каде што во претставувањето на потрет на машко,се дава карактеристика на женско.Но, не само во сликата на Леонардо, туку тоа може да се види во било која црква тука низ Македонија, фреската Тајната вечера,начинот на претставување на 12 апостоли е стандард, нешто што е непроменето со векови и неможе да се промени затоа што е иконографија.Леонардо не вовел апсолутно ништо ново во сликата Тајната вечера.Претпоставувам дека и тоа што збунува е дел од ракописот на Леонардо кој го пишувал од десно кон лево т.е. огледало ефект.Сигурно на сликата до Исус е претставен апостол Јован, нема претстава на женско.Затоа и реков претходно за да Ден Браун ја распродаде книгата во голем број примероци, тој мора во неа да вметне нешто што ќе го заинтригира читателот и ќе почне да размислува дали има вистина во тоа или не, инаку без тоа книгата нити ќе има слава, а нити ќе биде распродадена.Меѓутоа ете му текнало на кој начин.Доколку веќе Ден Браун сакал да го потврди тоа што го напишал во книгата, би требало да ги прочитал античките автори кои секако имаат веродостојни податоци за тоа време.Марија Магдалена во сликата не е претставена,затоа што како што кажав претходно,нити во иконографските,а нити во Библијата е спомнато тоа дека за време на Тајната вечера присуствувала Марија Магдалена, па со самото тоа Леонардо се водел според стандарната програма кога се работи за претставувањето на сцени од Библијата.Исто така и не би рекла дека Леонардо уживал да претставува симболи. Додека за Мона Лиза Џаконда, некои велат дека не постоела, дека била само измислица,таа секако дека постоела,била жена на познат човек Џаконда ( во моментов не ми текнува на името,само презимето) во ренесансниот период.
Додека ја читав книгата нон-стоп станував за да побарам на интернет било некоја слика, било место, податок спомнат во книгата и се што ќе најдев беше изненадувачки точно. Верувале или не во таа теорија презентирана во книгата и размислувајќи за книгата само како литературно дело , сметам дека оваа книга е бестселер на деценијата.
Горде, во книгата пишува дека во Библијата воопшто не биле преставени неколку евангелија кои постоеле истите биле запалени и уништени и многу е логично тоа што низ текот на вековите/годините сеедно за каков временски период станува збор жената е омаловажувана и погазувана. Од таму ми иде таа логика дека евангелието на Марија Магдалена постоело но не е ставено во Библијата со цел да не се наруши сликата за Исус која ни ја претставува самата Црква. За Мона Лиза имам читано дека е можно да е автопортрет на Да Винчи, некаде пишува дека тоа е всушност мајка му. Не се знае точната информација дали постоела и дали е двополово суштество. Се се тоа претпоставки. Sanjaeva, и јас цело време пребарувам по интернет за секоја информација што ќе ја најдам. Од таму ми се и заклучоциве дека книгава има доста точни работи.
Џабе пребарувате. Си кажа убаво Ден Браун дека местата се вистински, но не и настаните и ликовите. А приказната за светот грал, Марија Магдалена и сл му се превземени од друга книга. Он тоа го нарекол истражување, демек соработувал со тие автори. Нема никакви факти и докази за сите тие мистерии што тој ги открива Секоја чест за него што сите тие работи ги склопил на таков начин да биде лесен и интересен за читање. За пушувањето негово немам зборови, си ја завршил работата супер Ама да веруваш во овие идеи....мееех
Да, точно е дека нема факти, но се претпоставки кои имаат и те како логика Незнам дали јас забегав, дури наликувам на некој портпарол, ама навистина сум под импресии од книгава, а и може тие претпоставки од другите книги да имаат некој дел вистина. Не се знае, затоа се викаат претпоставки Ме интересира како ќе заврши книгава ама не се осудив да читам на крајот, да не го расипам впечатокот и возбудата од текот на настаните
Аха, ти си во тек на читање, јасно и јас бев такава цела под импресии, барав, читав се и сешто. Ама ќе видиш дека колку повеќе информации собираш, појасно ќе ти биде дека книгава е само фикција, и колку многу дупки има. Ама да не навлегувам, читај си ја, и не ѕиркај назад. Стварно вреди да се прочита, макар и што некои не ја сакаат зашто била комерцијала. Како и да е, мене ми беше забавна и неможев да ја оставам додека не ја прочитав цела. Незначи дека ако не читаме само Достоевски по цел ден дека ништо не разбираме книгава е баш за забава, трилер
Јес сер Да и во моментов ја читам книгата. 299та страна. Седам во темно и ми свети само од мониторов. Ама нема да ја оставам додека не ја дочитам до крај, макар да седам незнам до кога
Ја прочитав во еден здив. Лесна литература која според мене е направена за долги одмори. Стилот на пишување ми се допаѓа, но крајот ужасно многу ме разочара. Spoiler Холивудски, американски, евтин Сепак контроверзна книга која привлекува читатели, тоа мора да му се признае на Ден Браун. Интересен беше периодот кога книгава стана толку многу популарна, што некои одеа специјално во Париз, да ги следат сите места кои беа спомнати во книгата. Се сеќавам токму тој период бевме отидени за Париз со бившиот и тргнавме да ја видиме црквата St. Sulpice, и буквално среќававме групи туристи, со книгата во рака кои итаа кон истата црква И после ми се скрши филмот Немав воља да прочитам уште една негова книга. А Ангели и демони ми ја фалеа повеќемина но ете - еднаш се разочарувам и не давам шанса, а можеби би требало
Пирамид, јас ја читав и Точка на измама од него, ама таа не ми се допадна воопшто, а за Ангели и демони не можам да дискутирам, од причина што, не ми е читана. А за Кодот можам да кажам дека ми беше многу интересен додека го читав, типичен трилер кој држи во неизвесност до самиот крај, ама не се врежа длабоко во мојата потсвест како некои други книги
Кодот на Да Винчи е роман фикција, така и ќе го најдете класифициран секаде. Не е историски роман. Самиот тој изјавил дека тоа што го прави е зема факти, им додава фикција (многу фикција, би додала), и раскажува приказна. Нема потреба некој да го напаѓа поради лагите во неговите книги, затоа што всушност на тоа се темели овој жанр. Но немојте и да верувате во тоа што ќе го прочитате.
Само што ја завршив и уште сум воодушевена. Од толку трагање на крај излезе дека Светиот Грал им бил пред нос
Сепак би било добро да се прочита нешто за Леонардо, колку да се види разликата во тоа што го напишал Ден Браун,секако чисто информативно и за сопствена надградба на знаењето, со самото тоа ќе се види каков тип на книга е, нејзината суштина.Без разлика на вистинитоста во книгава,сепак потикнува човек да размислува, истражува, филозофира па и во вакви интересни дебати да учествува, но не заради тоа дека ќе докаже нешто меѓутоа на нас останува дали ќе веруваме во тоа што е напишано или не
Многу ми се допаѓа книгата Кодот на Да Винчи.Ја имам прочитано книгата и го имам гледано филмот...книгата е 100 пати подобро од филмот...и добро е што ја видов темава...пак ќе ја читам...а ако може некој предлог за книга ...нешто мистерии...така...оти ненормално читам книги... (малку се фалам )
