Кое е вашето добро дело што сте го направиле последно?

Мислам дека ваква тема не видов и незнам дали оваа е соодветно место за истата да биде овде !

Многу ме интересира да ги чујам и вашите добри дела, нешто што ве исполнило, што ве натерало да помогнете во некаква ситуација, дали душата ви се исполнува кога ќе помогнете на некој, ....

Морам да ви ја кажам оваа случка што ми се случи пред еден месец но до ден денес се чуствувам добро кога ќе помислам
Бев на пазар шетав наоколу разгледував... и до мене се случува следново : на една тезга со секаков вид на зеленчук имаше многу луѓе што разгледуваа и ги купуваа своите потребни намирници. Една пристара бабичка се врткаше наоколу грејна едвај одеше, целата свиткана слаба,со очи во кои се гледаше дека има добра душа.Не не беше питачка, не беше од тие што просат и лажат .
Наеднаш слушнав викање... а жената чија што беше тезгата ја турна бабата на земја викајќи и : Ме крадеш ,како не ти е срам , што ке направиш со еден домат ... бабата плачеше .....
Феминки знаете ли како се почуствував бабичката зборуваше но жената не и даваше ред да каже нешто... луѓето наоколу гледаа и се потсмеваа
Јас и истрчав да и помогнам да стане ,и еден пристар човек истрча ја кренавме жената , плачеше ми се сврте и ми вели : Не украдов , ништо не украдов, немам пари гладна сум но не крадам... падната беше на земјата ја земав за да ја вратам назад на тезгата ....
Останав без зборови... човекот ја смири некако бабичката а јас отидов од спротива и купив кифличка јогурт,сокче, 1кг банани и го дадов кесето ...Не престана да ми се заблагодарува и да ми посакува среќа ....

 

Ова добро дело ми е направено кога бев околу 2-3 годинки.
Со мајка ми и татко ми правевме скара. И слушаме гласно мјаукање надвор од дворот.
Излегов со мајка ми и во нивата блиску куќата имаше мало портокалово мачорче.
Немаше 2 месеца уште, раскрварено му беше муцето...
Го крена мајка ми и му даде млекце за да пие и меко саламче. И дека немавме тогаш милениче, си го земавме да го чуваме. Го крстив Тоше (по Тоше Проески дека омилен ми беше пејач).
И тоа ми беше моето најпрво маче т.е братче пред да се роди сестра ми. Кога ќе се скаравме, ме гребеше, а јас осетливата, одев кај баба ми и и кажував: -„Бабо!!! Тоше не ме сатааа!!!“
За гребаницата што ме печеше, ич не ја приметував, но кога Тоше ми беше лут многу плачев.
Тоа е приказната за личноста која никогаш не била потрпелива и по грижлива со мене-Тоше мачорот.

Spoiler

Го памтам ова од родителите што ми го раскажуваа.

Последно добро дело... незнам...
Ништо посебно... држам брата на постарите и помладите од мене, дружељубива сум... Онака само секојдневно... Ништо посебно не се случило.


Иначе браво за темава!!!
Многу ме растажи твојата приказна, Викторија...

 

Ова беше лани..

Си доаѓав од работа и поминував покрај книжарницата, во близина седеа мајка и дете, детето плачеше а мајката со тажно лице го молеше да престане, го галеше по косата и му кажуваше дека ќе даде се од себе до утредента да му купи тетратки за во училиште

Сакав да помогнам, знаев дека можам да одвојам 100-200 ден за тоа, знаев дека тоа ќе ги усреќи и двајцата, се приближив и се запознав со детето, ми кажа како се вика, ми кажа дека е 2 одделение, ми кажуваше какви тетратки имаат неговите другарчиња, за нивните боички.. разговарав со неговата мајка, и кажав дека сакам и можам да помогнам. На почетокот се двоумеше, но се согласи..

Го земав детето и го однесов во книжара купивме тетратки, боички, моливчиња ..

Неможам да ви опишам колку беше радосно детето, како само се фалеше за новите тетратки, таква искрена насмевка не сум видела никогаш.. Бев пресреќна што можев да направам нешто..

Не е нешто големо, ама ете успеав нечиј ден да го направам убав

 

Пред неколку недели кога се враќав од училиште видов една стара жена, преморена, се враќаше од пазар и носеше големи ќеси, пред да ја прашам јас неа, таа ме замоли да и помогнам да ги износи до дома, јас прифатив Кога стигнавме кај неа таа ми се заблагодари и ме благослови

Не е кој знае што, ама сепак и помогнав колку-толку

 

Соседот купи кутренце летото 2013 но не го сакаше. Кутрето миличко го забележав дека постојано е гладно и осамено а соседот не го врзуваше па јас си дадов задача да се грижсм за него. Знаев дека соседот може да се налути затоа што на некој начин си го присвоив но не го оставив.Секој ден кога излегував на училиште му давав храна, а мајка ми го хранеше откако ќе ручавме. Попладне си играв со него... Не е нешто посебно, но тој добиваше храна и внимание, а и јас имав другар.
За жал тој сега е починат...

 

Дојде една жена на врата ми бараше пари, немав. И наполнив кеса со леб, благо и овошје.

 

Прв пат ја гледам темава......но, мислам дека, ама само мислам дека добрите дела не треба да ги раскажува тој што ги направил, треба другите да кажат за него или евентуално делата сами да се видат

 

Па незнам, скоро секој ден правам нешто добро.
Давам пари на луѓето кои просат, донирам за болни, облека за црвен крст и други предмети кога е потребно и кога има акција.
Ги хранам уличните кучиња и мачиња, маалското секој ден па го ранам, другите низ град секогаш кога имам нешто за јадење при себе, а знам и да купам храна и да им ја поделам.
Сметам дека ова не е ништо посебно, секој треба да го прави ова секојдневно, како рутина. 10тина денари или нешто поситно верувам дека нема да направат некоја голема разлика во нечиј буџет, наместо секој ден да искачам на кафе или да купувам нездрави грицки за по дома, на некој бездомник ќе му значат многу.
Едниствено не им давам на циганчињата затоа што купуваат лепак и цигари со тие пари, да знам дека за храна ќе ги искористат со задоволство би им дала.

 

Седев сo мaјкa ми вo препoлн aвтoбус. Дoјде еднa мaјкa сo мaлo детенце, пa ми беше жaл зa дететo и стaнaв дa седнaт.

 

Толку ја банализирате темава што работи кои се однесуваат на Бон Тон ги рачунате за добри дела.
Јас сеуште не сум направила некое толкаво добро дело за да можам да се пофалам, и да го наречам добро дело, станување во автобус, во амбуланта или било каде на постари лица, или помагање да преминат улица, или купување на леб, на стари лица, отпоздравување со добар ден на соседите... за мене се пред се должност на секоја млада особа и се дел од доброто однесување и немаат врска со хуманоста.
Првото добро дело што би сакала да го направам е да потпишам дека по мојата смрт, ги донирам моите органи.
Добро дело е нешто големо, не е станување во автобус, вдомување куче, давање 10 денари на чистач на шофершајбни.... Оној што чини добро дело не се фали со него, а оној што се фали со мали дела е по беден, од оној кој не прави ништо.

 

Iskreno mi gi nasolzi ocite...

 

bas taka..preraskazano dobro delo za grst aplauzi ne e dobro delo.zamislete da ve procita tojna koj ste pomognale..ili nekoj da pisuva kako vam vi pomognal..nema da vi odmili negovoto dobro delo?sepak vie si znaete najdobro sto ustvari znaci pravenjeto dobro delo...pilenka samo da se nadovrzam..posvetenoto tvoe vnimanie so objasnuvanjeto predmalku e za mene dobro delo koe dobro mi dojde..

 

samo mala ispravka..toa mila neka ti bide posledno a ne prvodobro delo..oti ti poveke od sigurno e deka ke imas i drugi.

 

Успеав да ја разубедам мојата најтврдоглава другарка да не ја направи својата најголема грешка во животот. И сега е супер.

 

Помогнав на другарот кој падна по скали, не го оставив сам другите си заминаа трчај дома право на фб

 

Прибрав изгубено кученце во мојот дом и потоа по социјалните мрежи му го најдов сопственикот и неговото детенце дојдоа и си го земаа.Вечерта кога го најдов беше премрзнато,гладно,извалкано му дадов буквално се што имав во фрижидер од млеко саламки некои лепче и имав за ручек пола тава мусака се му дадов и изеде и плус го зибањав и под креветот доле на ќебенце спиеше до мене цела ноќ јас се чувствував бесценето со ова добро дело сторено

 

Нахранив прегладнето кученце кое ме следеше цел пат до дома.

 

Го направив ама џабе што го направив.
Бев вчера со другарка ми во продавница да купам сладолед. И доаѓа едно старче, сакаше сок да земе ама сокот беше спакуван во тие најлонските кеси и не можеше да извади едно шише па се сврте на другата страна и исто имаше завиткани шишиња пиво и кога видов дека и нив не може да ги отвори го прашав дали му треба помош, дали сака да му извадам едно шише. Рече да и јас извадов шише, му го подадов и вика Каков е овој сок, јас му викам Пиво е тоа и тој се помисли, го остави, го отвори фрижидерот и си зеде Кока Кола. Е ај добро...

 

И најдов работа на братучетка ми...и што ми е најдраго што е задоволна и пресреќна

 

Му дадов на моето куче сабајле да јаде. Ама не ова сабајле. Пред неколку недели.
Јас ретко му давам, мајка ми му дава да јаде.

Ама јас ова си го рачунам за добро дело.

Друга работа...

Има една бабичка што проси тука кај мене пред влез. Живее во зградата и понекад кога е сончево си излегува надвор и си побарува културно некој денар за лепче и Аргета паштета.

Јас направив добро дело што и дадов 5 денари.