Не знам зошто не ни текнало да отвориме ваква тема порано, сметам дека би ни била многу корисна. Со оглед на тоа дека секоја од нас понекогаш има ограничени средства, овде би можеле да си излеземе во пресрет со корисни информации околу тоа како можеме да заштедиме со купување поекономични производи кои на некој начин претставуваат дупликати на high-end козметиката. Слободно споделувајте конкретни козметички примери од декоративна и препаративна козметика, или пак дури и алатки за шминкање кои според вас важат за производи со незанемарлив квалитет, а всушност истите претставуваат поеокономична верзија на некои „полуксузни“ брендови. Задолжително покрај името на производот, наведете ја конкретната нијанса (за да не настанат забуни) и цени, па ќе споредуваме и ќе коментираме кои производи од поскапите брендови се исплатат, а кои можат да се најдат и за пофина цена. Пожелно и секако покорисно би било доколку конкретниот производ би можел да се најде и кај нас, меѓутоа доколку истиот може да се нарача преку некој од сајтовите или од странство, секако потенцирајте. На пример, познатото руменило од NARS (Orgasm) кое чини дваесетина долари, меѓу сите тие безброј копии, има свој dupe и од NYX (Pinched) кој можеше да се најде и кај нас за околу 400 денари. Не знам дали нијансата е достапна сè уште во Александар Козметикс кај нас, меѓутоа е многу добра (и квалитетна) замена за руменилото од NARS.
Баш одлична тема. За руменилото на NARS како негов дупликат важи и руменилото од MUR со бронзер и хајлајтер. Знам дека MAC russian red карминот дупликат е мат карминот на ГР 18. И оваа слика ја најдов на нет На пинтрест редовно гледам вакви слики со дупликати, ќе ставам друг пат повеќе.
Јас го следам профилот 'dupethat' на Инстаграм. Таму објавуваат дупликати на кармините од Кајли, MAC, Kat Von D и на некои такви слични кои чинат повеќе. Еве линк https://www.instagram.com/dupethat/
Еве неколку дупликати на кармини на MAC и Голден роуз 26ката на ГР е идентичен со карминот на MAC Runway hit. Исто и 31 со Velvet teddy на MAC. Единствена разлика помеѓу овие два кармина е трајноста , тие што се ретро мат на Мак се потрајни од велвет мат на ГР , но затоа бидејќи се многу мат , тие на Мак ја сушат устата (колку и лабело да ставиш претходно) додека тие на ГР воопшто не ми ја сушат устата. Исто секако разлика е и цената , ГР се каде каде поевтини Wetnwild се исто така одлични кармини и многу евтини , во Мк се уште ги нема (овде во Грција ги донесоа пред 2 години , лесно може да се најдат во секоја скоро парфимерија) а може и да се порачаат преку интернет (јас ги имам порачувано од ebay) Кармини на Колор поп немам пробано. Руменилата подоле се на NYX Pinched и на Nars Orgasm , моја другарка ги има и двете и можам да потврдам дека и двата се одлични и навистина идентични , нема никаква разлика во бојата и издржливоста. GRVM (Golden Rose Velvet matte )
Јас ја имам баш оваа нијанса од Colourpop, Lumiere. Соработка е со KathleenLight која ми е омилена јутуберка. Карминчето е фантастично, ама го неам тој на ГР да направам споредба. Инаку мислам дека Colourpop се многу квалитетни и не многу скапи производи. Баш овој кармин е 5 или 6$ па некако и нив би ги ставила во категорија на производи кои можат да бидат дупликати на high-end козметиката, иако имаат уникатни и многу пигментирани shock shadows. Инаку, пред некој ден фатив free internation shipping па си нарачав 5-6 работи и едвај ги чекам.
Dupe на познатиот Ruby Woo кармин од MAC меѓу многуте други е и карминот од колекцијата на Кејт Мос во црвено издание од Rimmel. Бројчето е 111 (kiss of life). Прекрасна замена за карминов.
Еве уште неколку копии на козметиката на W7. W7 производите за жал ги нема во Македонија , но овде во Грција ги има во секоја парфимерија, блогерите многу ги фалат нивните производи и се многу евтини. Од W7 го имам пробано бронзерот Африка (што не го користам воопшто зашто е претемен за мојата пресветла кожа , а и течниот хајлајтер(подоле е спореден со тој на Бенефит) и можам да кажам дека е навистина копија , нијансите (иако на сликата се глдаат како малку различни) потврдувам дека се сосема исти и трајноста е иста а цената на Бенефит е трипати поголема поради тоа што е Бенефит сега сакам да го пробам наредно од оваа фирма бронзерот што го спроедуваат со Хула на Бенефит
Многу убав кармин овој од Maybelline. Го купив неодамна и немав поим дека е замена за MAC Velvet Teddy. Good to know. Во еден слој е малку блед ама за дневна шминка е одличен. За навечер нанесувам два слоја и одлично изгледа.
Да проверам ако најдам кој број беше еден кармин од линијата на Голден Роуз 2000, мислам дека имав ист таков како Велвет Теди, па ќе те тагнам. Многу одамна ми е купен, не се сеќавам на бројот а мислам дека многу е сличен, само малку покремаст. Update: најдов во постаро мислење, број 142 од ГР 2000. Да видиш дали би ти се допаднал.
Јас се извинувам,отворив ваква тема а не ја најдов оваа. Еве што најдов ја с,се надевам ќе биде од помош.
