@BojanaLegija ова на галафарм го има и во поголеми маркети и во аптеки и мислам дека немаше многу висока цена.
Нема ефект за акни, барем кај мене @wanderlust . Инаку ова маслово на почеток мирисаше убаво, а сега некако тешко ептен мириса, не знам зошто вака.
@danichap Би сакала да те прашам да ме просветлиш каде можам да го барам кокосовото масло овде низ маркетите во еу?
Тука скоро во секој трговски има отворено еден дуќан за био/природна/здрава храна. Дури најчесто името на дуќанот носи една од овие скратеници. Продаваат некои видови тестенини, брашна, чаеви, витамини, масла, препаративна козметика на природна база, кекси...буквално од се по нешто. Прашај ги продавачките веднаш ќе те упатат.
Јас сум многу години овде и досега не сум сретнала т.е не сум ни знаела за него, се распрашував низ маркетите ми кажуваат дека не го држат тој производ...ќе мора да барам некаде на друго место ..те прашав бидејки мислев дека си го купила од маркет. Како и да е ќе пробам да се распрашам по такви продавници или најверојатно во аптеката да појдам, ти благодарам.
Не беше од ланец маркетиве распросптранети насекаде, туку локален био маркет. Но такви био маркети има насекаде и асортименот им е отприлика ист.
Јас го користам за косата. Го ставам на косата како маска пред да се капам, а после миењето мало количество ставам само на водените врвови. Резултатот е мека коса, без наелектиризираност, без испукани врвови. Кога се вратив од одмор и кожата почна да ми се лути го користев како лосион за тело и помага многу за сува кожа. Кожата ја прави мека и сјајна. Го користам и како крем за лице
Кокосовото масло може да послужи за подочњаци како мала помош и ублажнување на истите, исто така е ефикасно и против инфекцијата кандида, може да послужи и за тереоидата, се препорачува по 5 лажици дневно како лек против ублажнување на несаканите дејства од истата.
Како го користите за акните? Имам видено во Тинекс на Галафарм мислам дека беше убаво е тоа? Или да барам во Зегин, Колку му е цената во Зегин?
Јас ова масло го имам користено многу како замена за крема (некогаш и по цела зима само него го користам) и кај мене лично многу го исчисти лицето. Имаше фантастичен ефект. Ама секоја кожа е различна така да додека не пробаш нема да знаеш дали ќе ти помогне. Поздрав. Здраво нема некоја специјална употреба, едноставно се користи наместо крема на лицето на благо навлажнета кожа (на пример од тоникот) многу мала количина се нанесува на лицето со благи движења. Кожата треба да биде благо навлажнета за да може маслото побрзо да се впие. Сега, кај секого е индивидуално. Не може еден производ да функционира кај сите нас, кај некој има ефект кај некого не, ама пробај, ако не ти одговара користи го за коса, тело и за јадење. Поздрав. п.с. јас последно го купив од еурофарм на биолајф го платив околу 240 денари чисто ладно цедено кокосово масло.
@Biodevojka знам дека многу се разбираш од овие работи па би сакала да те прашам за кокосовото масло како крема за лице и јас го користев извесно време но прочитав дека ги затварало порите (било комедогено ако правилно пишав)и се правеле црнки дали има вистина во ова
Многумина велат така, и тоа не само за ова масло туку и за многу други. Мојот одговор е дека сѐ е индивидуално. Она што за мене е комедогено може за тебе да не е. Како што имам напоменато многупати, мене ми го исчисти лицето и кожата имаше фантастичен сјај. Повеќето забораваат дека ова масло има висока антибактериска моќ. Луѓе го користеле и за лечење на кандида со огромен успех. Според мене е одлично, ама како што велам треба да се проба за да се увиди ефектот на сопствената кожа. Поздрав. п.с. секако треба да се биде умерени со количината. Доволна е многу мала количина, да не се излие на лицето.
Ади тие на Галафарм и Бонес во шишенца што се, демек кокосово масло врска немаат. Околу 50 денари мислам дека им е цената, тоа е само парафин и парфем, к од вистински кокос нема, прочитај го сосотавот. Ти терба да бараш 100% кокосово масло, во теглички се продава. Во Тинекс и другиве поголеми маркети да видиш во одделите за здрава храна, во Зегин го имаш сигурно. Вака изгледа: Ова го имам земено од Зегин околу 300 денари, таа им е цената 200мл е тегличката. На сликава е во тврда состојба затоа е и бело, се топи на +25 степени станува течно баш ко масло. Мене една ваква тегличка ми трае по неколку месеци, еднап неделно го користам за коса, по цело тело се мачкам, на лице ставам и стварно долго ми трае... И ова сум го имала, има различни видови низ продавнициве само види да е во тегличка вака и да пишува 100% coconut oil. Цената е таа околу 300-350 денари.
Зедов во тегличка кокосово масло, читав доста корисно е и почнав со користење само проблем е не тоа шо не го оставам да делува изгледа доволно па резултати никакви не ми дава, не го поднесувам воопшто, оти мрсна така кожата и косата не можам да ја оставам да стои, ми се гади така да се објаснам. Исто и некои креми за раце, ако не се упива одма се мијам.
Треба да се нанесе на влажна коса и тогаш да го оставиш да делува, потоа ја миеш косата со шампон. А на лице најдобро користи го навечер пред спиење и нема да осеќаш мрсно.
