Кокосово масло - 100 примени

Jas go koristam ponekogas za kosata pred mienje,ama neznaev deka treba na vlazna kosa da se stava jas na suva go staviv

 

Ади јас си го мачкам каде што имам акни, ама немам видено некое подобрување. Подобро земи си гел за против мозолчиња со клиндамицин. За кокосовото масло да делува на мозолчињата треба подолго време бидејќи е природен производ, а ние девојките немаме многу време за чекање

 

^^
@pupi.girl Тие клиндамицин и таквите ми чуда воопшто не ми помогат никакво подобрување немам, а сите ги имам пробано..
Не вервам во такви нешта.

 

Здраво на сите, направив збир од најчесто поставуваните прашања и дилеми во врска со кокосовото масло. Ако нашто сум заборавила слободно прашајте. Поздрав и добар работен ден на сите.

10 најчесто поставувани прашања за кокосовото масло


.Здраво на сите,

идејата за оваа статија ја добив откако во изминатиов период добив навистина илјадници прашања во врска со кокосовото масло и неговата употреба, како во козметички цели, така и во исхраната. Се решив да ги соберам сите најчесто поставувани прашања, да одговорам на нив и јавно да ги објавам за да ја разрешам дилемата кај многу девојки поврзана со квалитетите и употребата на ова масло. Ајде да започнеме.

Прашање бр. 1

Имам читано дека кокосовото масло е како путер или маст, но јас го купив и е течно како масло. Дали се расипало?

Не, кокосовото масло при високи температури е во течна форма како и сите останати масла, додека на ниски температури (во зима) се стврднува и наликува на маст.

Прашање бр. 2

Кога е многу жешко во лето, дали е подобро кокосовото масло да го чувам во фрижидер?

Ова потполно зависи од вас самите. Доколку го користите во козметички цели на пример како крема за лице и тело, во тој случај е покомотно да го држите во фрижидер, но само поради практичност. Што се однесува до квалитетот или составот на маслото, со оглед на тоа што кокосовото масло одлично поднесува високи температури, може слободно да го чувате и на собна температура.



Прашање бр. 3

Во моето кокосово масло има мала бледа трага на површината на маслото. Дали тоа значи дека се расипало?

Не, тоа е нормален дел од самото масло, доколку вашето кокосово масло е екстра девично ладно цедено. Може да претставува и делови кои потешко се стопиле кога маслото преминало во течна состојба.

Прашање бр. 4

Како да препознаам кое кокосово масло е квалитетно ладно цедено?

Обично на самото масло пишува ладно цедено, меѓутоа како главен показател нека ви биде декларацијата на која мора да има напишано само една состојка и тоа Cocos Nucifera Oil. Во никој случај не ги земајте мешавините со други масла или течен парафин со оглед на тоа што не добивате чисто кокосово масло.



Прашање бр. 5

Кога кокосовото масло е во тврда состојба, како да го земам од тегличката?

Со помош на една чиста лажичка земете ја онаа количина од маслото која ви е потребна. Внимавајте да не го земате со мокри раце затоа што доколку во него навлезе вода може да предизвика до расипување на маслото.

Прашање бр. 6

Слушнав дека кокосовото масло е одлично да се конзумира и по внатрешен пат. Како да го конзумирам?

Наједноставно може да додадете една лажичка кокосово масло во шоља чај или кафе или пак во колачи. Со оглед на тоа што ова масло дава енергија, не е препорачливо да се конзумира навечер за да не ви го поремети сонот.



Прашање бр. 7

Слушнав дека кокосовото масло е одлично за нега на лицето. Како треба да го нанесувам?

Кокосовото масло е одлично за нега на лицето како во летниот така и во зимскиот период, кога на кожата и е потребна дополнителна нега и влажност. Едноставно се зема мала количина од маслото и се нанесува на благо навлажнето лице наместо крема. Може да го нанесете и на суво лице, меѓутоа на благо навлажнета кожа полесно се впива во кожата.

Прашање бр. 8

Дали ова масло е комедогено?

Многу често го слушам ова прашање,и претставува дилема на многу девојки. Мое лично мислење ѐ дека е индивидуално и зависи од секоја кожа посебно. Кај мене лично кокосовото масло даде одлични резултати и не само што за време на зимскиот период ја заштити мојата кожа, туку и ја исчисти и воопшто не беше комедогено. Според мене тајната е во количината. Доколку нанесувате голема количина, било кое масло може да се покаже како комедогено. Следете ги советите во претходното прашање за нанесување на кокосовото масло на лице.


Прашање бр. 9

Дали е подобро да го нанесам на влажна или сува коса?

Доколку го користите како третман за коса (маска за коса), на благо навлажнета коса нанесете ја потребната количина (во зависност од должината и густината на вашата коса), ставете една ќеса и врз неа пешкир. Зимно време загрејте две мин. со фен, додека летно време нема потреба. Вака подготвениот третман држете го најмалку час време а најмногу преку ноќ. Косата треба да биде благо навлажнета затоа што кокосовото масло (како и било кое друго масло) доколку се нанесе на сува коса се врзува со маслата природно присутни во косата и со измивањето ги носи со себе. Ефектот ќе биде сува коса. Водата претставува еден вид на бариера која му дозволува на маслото да го негува влакното од надворешноста, меѓутоа го спречува да навлезе длабоко во внатрешноста на самото влакно . Доколку го користите како серум за заштита на врвовите, многу мала количина (две три капки) нанесете ја само на врвовите на сува или влажна коса пред фенирањето.

Прашање бр.10

Дали е вистина дека кокосовото масло може да се користи и како отстранувач на шминка?

Да, ова масло е еден од најекономичните отстранувачи на шминка кој одлично ја вади дури и водоотпорната шминка, а притоа е деликатно за очите. Ставете мала количина од маслото на едно памукче кое претходно го навлажнивте со малку вода, доближете го до оној дел од каде сакате да ја отстраните шминката (на пример окото), оставете да маслото неколку секунди го навлажни самото око, и потоа со многу нежни движења отстранете ја шминката.




Ете ова беа 10-те најчесто поставувани прашања во врска со кокосовот масло и неговата употреба. Доколку имате уште некое прашање на кое не сум одговорила, слободно оставете коментар под текстот.

Поздрав

Вики

 

Кога го купив кокосовото масло беше во течна состојба, сега после пола недела ми се стврдна има нешто врска температурата ?

 

Здраво, на високи температури е во течна состојба а сега кога температурата опаѓа се стврднува ама квалитетот е ист не се менува. Може слободно да го користиш. Поздрав.

 

Мислам дека некоја од феминките имаше спомнато претходно во некоја од темите, но еве и јас да кажам во случај да немате видено- маслото е најевтино во аптеките на Еурофарм.
Го купив 249 денари, а во Зегин е 50 денари поскапо.

 

Немам досега пробано иако имам потрошено неколку теглички од маслово, стално некој скептицизам ме фаќаше за крајниот вкус и го користев само за надворешна употреба.
Сега баш и на тегличката имаше еден рецепт за нескафе, да се направи на вообичаен начин и да се додаде и лажичка масло, па некако како да се убедив да пробам.

 

И јас го купувам истово од Еурофарм. Прво многу го користев она на Биокосмос, ама откога го открив ова, еве веќе трета тегличка како земам. Точно е дека во Еурофарм е најевтино, го имам гледано и на други места како што велиш ти поскапо. Поздрав

јас редовно го конзумирам во чај секој ден, немаш појма колку е вкусно. Користи го слободно и внатрешно, организмот и те како ќе ти заблагодари. Поздрав уште еднаш.

 

Е сега ако ептен цепидлачиме за цените, во моментот во Тинекс има акција и мислам дека ова

Спојлер

е 244 денари, меѓутоа во Еурофарм стално си се продава по таа цена, не е акциска, а 50 денари не се мала разлика.

Јас не купувам толку често од Еурофарм, во Зегин ми се допаѓа нивното списание, многу е обемно и секој производ си има цена- човек може да си разгледа тоа што му одговара и потоа да оди само да си го купи тоа што му фатило око.
И Еурофарм имаат списание, меѓутоа речиси и да нема цени внатре, немам прегледност и тоа некако ме одвлекува да ги посетувам, што е штета, бидејќи имаат доста производи што ги има само кај нив, а се доста фалени.

Во Зегин веќе неколку месеци има едно ново, наводно било подобро од ова што го постирав.
Исто е 200мл, цената 298 денари, меѓутоа го немам пробано за да направам споредба.

 

Јас го користам кокосовото масло од зегин и сум доста задоволна,е вака повеќе се исплаќа да се купи поголемото пакување одколку оваа од 200мл.

 

Која цена и колку мл. е поголемото? Го загледав, ми изгледаше како да е 300мл, меѓутоа не заприметив цена, а се брзав и затоа не прашав.

@CrazyOne ма знам дека штом еднаш пробам нема да застанам, има во сѐ да го истестирам, само додека да се наканам е работата.
И јас сакам работи со кокос, па верувам дека нема да е толку лошо.

Сума сумарум, кој досега не набавил масло, а не му смета мирисот на кокос- слободно нека си набави. Маслото е преубаво, навистина вреди да се има дома.

 

@sesilija околу 600денари беше ама 500мл

 

Крајниот резултат - плажа и коктел, само фали алкохол. Супер е стварно во смуди.

Сеси, не можам да ги видам сликите во другото мислење. Ако мислиш на она масло Кулау, многу е подобро од ова Био Лајф.

 

Да, да, на него мислев. Не знам зошто не ти ги прикажува сликите...

Во што ја гледаш разликата? Подобар ефект добиваш на кожата или косата, или пак во вкусот?
Вака од читање гледам дека е органско и ладно цедено, тоа не го гледам на декларацијата на Биолајф. Кај Био лајф пишува: 100% природно и чисто, нехидрогенизирано, нерафинирано, небелено, без вештачки бои и ароми, со природен талог.

 

Сега ја гледам сликата, тоа е. Вкусот му е подобар, некако посвеж. После него го купив тоа на Биолајф и мааалку чудно ми мириса споредено со Кулау, потешко ми е така со лажица да го јадам. За козметички потреби и тоа ми е одлично, па го употребувам ко млеко за тело, ама за јадење и смуди пак ќе си купам Кулау.

 

Јас немам проблем да го консумирам така во сирова состојба.Изгребувам една лажичка и во уста.Вкусот е како да јадеш Баунти ама без шеќер.Ми помага за грлово многу.