Колку внимавате на изгледот и облеката кога сте дома?

Внимавам како не,тренерките да ми се во тон со чорапчињата,а и влечките или топлинките

 

Кога ќе ми текне дека порано цел ден дома седев дотерана, во неудобна облека и сеееекогаш нашминкана,ми иде вака да си направам .
Дојде време, па се опаметив
Сега дома си носам пижами,удобни тренерки или хеланки. Шминка и средена коса за по дома чат-пат, зависи од расположение и зависи на која нога ќе станам.

 

Ич.едни пижами за по цел ден, едни за спиење и така се' се облекувам. Гости кога ми доаѓаат облекувам тренерки само

 

Јас по дома секогаш сум во тренерки или хеланки и дуксер, или обична блуза. Гледам да ми е удобно мене. Имам и денови кога целиот ден го поминувам во пижами, но ретко е тоа. Сакам да сум средена.

 

За по дома важно ми е само да е чиста облеката.

 

По дома некогаш како од поплава избацена сум

 

Пиџами, скоро секогаш.
Само ако се најават гости облекувам пристојни алишта, инаку да можам и на работа во пиџами ќе одам

 

По дома сум секогаш удобно облечена.
Тренерки, хеланки или пиџами, не сакам ништо да ме стега.
Ако сум расположена и имам време може и да се зачешлам ако не кокот е неизбежен

За пред народ е друга прича.

 

Во последно време сум како од центрифуга извадена.....и баш ме брига

 

ми треба помош, дали сум само јас.... Дома поминувам 99 посто од времето, работам од дома. И да кажам благо речено, на ништо не личам. Не знам како да бидам средена по дома. Маж ми ме гледа како од поплава избацена 99 посто од времето. Вика дека не му смета ама некад му фали да сум средена (како порано, кога дејтавме) и искрено јас мнг им завидувам и имам голема почит кон жени кои си се цакум пакум средени кроз целиот ден. Дали дома, дали до продавница, секогаш пристојни, едноставни а уредни и педантни. Како да бидам таква и јас? дали е дисциплина во прашање? На пример ке бидам средена по дома 2 дена и после ме фаќа мрза и престанувам... Де со искинати маици, дека умацана седам... Лично, мене ми е гајле што мислам другите и како ме гледаат надвор а ако сум дома сама, не би се замарала ич...АМА....ете...пред некој ден искочив од дома и се видов низ излозиве и искрено...не се препознав и се исплашив како сум можела вака да искочам од дома...

 

И јас работам од дома и за да не се доведувам во таква ситуација станувам порано, си ставам кафе и се спремам како за денско кафе. Тоа треба да си го ставиш како ритуал и задача. Реално ќе ти оздеме половина час, а цел ден ќе се чувствуваш поубаво и ќе зрачиш поинаква енергија. И прво што треба да направиш е да ги исфрлиш маиците, хеланките и сл што ти се "за по дома". Купи си два пара убави тренерки, фармерки, некои обични блузи/ролки и толку треба. Секој има половина час да издвои во денот за да се среди, а верувај ми и ти ќе се чувствуваш подобро а и тие околу тебе поинаку ќе те гледаат.

 

фала за советов, еве одма се фаќам за работа, се што не чини и ми за по дома ќе исфрлам. Имам доста облека што ми е за дотерување ама ништо што е пристојно за секој ден. Фала ептен

 

Секогаш гледај да си средена, прво за себе е добро. Не ти треба којзнае каква облека, доволно е да имаш два-три пара убави парчиња. Од дома можеш да си дозволиш и вежбање, по 30 минути насабајле баш добро ќе ти дојде. Тука барем има и теми за фитнес мотивација и многу корисни видеа се споделуваат. Кога ќе вежбаш и ќе се облекуваш убаво и те како ќе се чувствуваш пријатно.

 

Не внимавам.
Ко исфрлена од поплава сум.

Спојлер

Некогаш сум таква и надвор. Ако не ми е погоден денот или ако ме мрзи.

 

И ја не внимавам дома, една сум дома, друга надвор кога станува збор за облекување. Ко две различни личности.
За по дома неам стил, не пребирам, прав клошар сум по дома.

Дома сакам строго оверсајзд, комотно, развлечено и широчко, удобно 100% да ми е, додека за надвор не можам да се замислам вака да искочам.

Кога ќе дојдам дома одма гледам да се раскомотам, не знам како порано у фармерки тесни сум седела по дома, сега се знае, пресоблекување најбрзо што можам.

Дома си, не сфаќам како може стегнати да дремат по дома па уште и нашминкани, дотерани, треба полабаво во домашна атмосфера.
Дај ако не и со чизми и штикли нека шетаат.

 

Строго пижами. Ама сега имам нови, такви, карирани, новогодишни. Така да, ем пижама, ем со стил.

 

Пижами или распар тренерки.

 

Премногу, јас не можам ни да спијам ако не сум во убава облека облечена.. Дури и во пижами сакам да изгледам убаво.. Имам облека таква стара, мислам изнесена, и ја носам само кога чистам дома во недела по неколку часа, после тоа си се туширам и пак на старо се враќам..

 

Периоди можеби?
Мојот период ваков траеше многу долго.
Почнав од некои промени, на пример нова гардероба, нова фризура, закажав нокти и сл.
За дома гледам да не сум во пижами, туку во некои удобни тренерки или слично, без шминка претежно или со минимална шминка колку да си заличам.
Подобро се осеќам, не ради моментот другите како ме гледаат веќе не можев сама да се трпам

 

Најкомотно ми е во пижами, ама имам убави и не изгледам како од поплава хаха, како што пиша со стил, ама кога не ми е денот, инаку додека пијам кафе се средувам, сега не со тон шминка, ама минимално. Кога сум средена и одам во маркет никого нема да сретнам, некогаш така набрзина излегувам како од поплава до најблискиот маркет 100 души ќе сретнам, гајле ми е што мислат, ама ете кога сум средена лично јас се чувствувам поубаво. Некогаш кога ми е ќеиф си се дотерувам и за по дома.

Е и јас неможам по дома во фармерки да ме стегаат, прво штом доаѓам дома соблекувам фармерки и облекувам хеланки или долни пижами, нагоре може нема да се пресоблечам, ама надоле обавезно.
Па и почесто носам туники џемпери, покомотни ми се од фармерки.