Барав ваква тема и не најдов. По колку дена ви трае менструацијата? Ќе ја замолам одговорна модераторка ако може да додаде и анкета на темава, на пример 1-3 дена, 3-5 дена, 5-7 дена, над 7 дена. Јас секој месец маки мачам по цела недела, па ме интересира дали сум една од ретките, проколната да поминам четвртина од животот во крварење...
Колку дена ви трае менструацијата? Spidy, и мене истотака понекогаш ми трае една недела, сега барем почна помалку, ама до пред некое време си тераше до 1 недела. Можеби треба време да помине па да за помалку да трае, стварно не знам. Секогаш ми е различно, еднаш 3 само имав, еднаш 7-8дена.
Колку дена ви трае менструацијата? и јас имам 7 дена.колку што знам и на моите другарки им е толку и на мајка ми.спиди не се грижи,почесто е од што мислиш.
Колку дена ви трае менструацијата? Не си единствена и мене ми трае по 5-7 денови. Зависи кога како, некогаш 5, некогаш 6, се навикнав веќе. Порано многу ми сметаше, не знам зошто.
Колку дена ви трае менструацијата? И јас кревам два прста, мене менструациите ми траат 6 до 7 дена, а најдолгата која некогаш ја имав беше токму првата која колку што се сеќавам, траеше полни 9 дена. Се навикнав веќе и вака кога е поладно не ми смета, но долгите менструации во лето се смрт.
Колку дена ви трае менструацијата? Па и нормално е да трае од прилика 5-7 дена. Се разбира да не е обилно крварењето во сите денови туку максимум до четвртиот, а потоа само да се „дочисти“ да речеме. Треба да се консултираш со гинеколог во врска со тоа доколку редовно трае повеќе од 9 дена или ако е премногу обилно крварењето, инаку нема потреба од паника. Е сега за замарање - замара, ама нема бегање Јас за во лето спасот си го најдов во тампоните, само за спиење ми е шубе да ги ставам. Нема почиста работа, само малку навика треба.
Колку дена ви трае менструацијата? Кога ќе прочитам три дена, ми се плаче од што ми е криво... Јас четири дена сум фул, со обилно крварење, па уште три дена ме мачи по малку. Ама никогаш не било помалку од седум дена. На седмиот може три капки да биде, ама секогаш имало до седми ден. Пробував едно време да пијам аспирин со витамин Ц за време на менструација, малку да го поттикнам крварењето, демек побрзо да заврши, ама ништо и од тоа... Реално, мајка ми и ден денес е со јаки болки на секое добивање, барем тоа не сум го наследила. Имам некоја нелагодност, ама ништо страшно. Дури и мајка ми во една пригода ме прашуваше по колку ми трае, јас и викам зошто прашуваш, она вика па изгледа само јас добивам по една недела Феминки, блазе си ви што си имате по три дена. Правете повеќе женски деца, да се шири тој ген, може еден ден повеќе жени ќе бидат како вас...
Се' на се' ако заокружам пет дена. Со тоа што обилно имам само вториот ден, а после премногу малку до петиот ден, иако почесто се случува последниот ден да немам ништо ама ајде како што кажав да заокружам на пет дена. Искрено, не ни осеќам кога имам добиено, додека се свртам и пресметам кој ден е поминала веќе. Единствено што ме измачува се болките првиот ден. Значи некогаш знаат да бидат буквално неподносливи и тоа ми е до сега најголемата физичка болка што сум ја осетила. Ми се има случено неколку пати да не можам од кревет да станам и да не можам ни да зборам и тоа знае да биде преголемо измачување. Ама веќе сум навикната така што и не ми е некој проблем. Ќе истрпам еден ден и готово. Инаку мене на почеток ми траеше по 7, 8 дена, па со тек на годините, како што ми се регулираше менструацијата така ми се намалија и деновите. Така што, еве мала утеха за тие што имаат повеќе дена. Можно е да ви се намали со тек на време.
Измеѓу 5 и 7 дена, помалку од 5 не ме поштедило никогаш. Може да го снема еден ден да ме залаже дека завршило и утредента пак.