Колку купувате од македонски модни брендови?

Морам да ги пофалам во склоп на темава
-Морнарските блузички со три четврт ракави од Стилисимо. Купив две (црно-бела и плаво-бела) пролетта и ги утепав од носење. Многу пријатни, памучни. Мислам дека ги има уште во продавницата.
- Окитекс продавница во склоп на Клинички. Имаат и глупости, но од време на време има страшно добри работи (најверојатно од некои линии за извоз),а и многу евтини. Од таму имам една покласична комбинација од коктел-фустан и сако кое ептен убаво стои.
- Графити стандардно имаат добри работи. Имам чизми и балетанки. Со чизмите имав мала незгода, насред улица ми падна штиклата, но нема везе. После откако ми ја намонтираа, ги изнаносив.

- Васидора- таму не влегувам, многу ми е антипатична продавницата.
- Со Биана имам лошо искуство. Ептен убави салонки, лак, со убава штикла, со многу мерак ги купив, и не баш евтини. Но, по кратко носење лакот испука на местата каде се витка ногата.

 

Не увезуваат кинеска роба овие, туку користат лоши материјали. Тука се шијат на Кара колекциите во Македонија. Само имаат лош материјал, ефтин. Е сега за Орка тука се шие речиси се, иако имам слушнато дека имаат шиено и во Кина.
А има ете ДукиДасо тие се класичен македонски бренд што увезува од кина производи и само тука става белешки и нивна ознака.

Ама ако така збориме тогаш и Адидас не е германски бренд, индонезиски е
Денес ефтината работна сила ги преместува фабриките на големите брендови и само шиењето се одвива во друга земја, а ете Адидас само седиште има во Германија но и таму е регистриран и германски бренд си е и никој тоа не го оспорува.

Иначе Матекс нели имаше исто за облека.
А и се сетив на две други продавници.

Освен што се увозници на Пенти имаат мала нивна колекција. Но сепак повеќето им е увезено за жал, турска роба.

Но затоа Санда за хулахопки е комплетно наше производство и јас си ги сакам имаат супер моделчиња и последниве години многу модерни дезени и најбитно соработуваат со македонски млади креатори и си имаат посебни колекции како пример од Росица Мршиќ.

 

незнам дали увезува но знам дека копира еве линк се е исто http://www.doca.gr

да не сум негативна не ми е тоа целта од некаде купувам например на почетокот кога се отвори кара купував многу сега се поретко, незнам зошто
а за ова македонското што има капутчиња и ташни во гтц и на македонија што е незнам како се вика рака на срце многу работи ми се допаднале но на жалост бројките се многу големи ретко наоѓам мали, исто е и со астибо
а од бела си имам купено многу работи , и ќе продолжам да купувам
а оние што се за чевли ....досега немам најдено нешто убаво

 

Кара детската колекција е од кинеско производство и има никаков квалитет, за женската колекција не знам и се оградив.
Второ, да се цитирам сама себе

па примеров со Адидас баш не е соодветен, мислам, кој не знае за евтина работна рака итн итн ама друго е фабрика и на Марс ако треба која е на некој начин филијала на некој бренд, произведува за определениот бренд по негови стандарди, со негов материјал и сл. (тоа го има и во МК), а друго е шкарт роба од noname потекло на која само и се пришиваат етикети. Разликата е повеќе од очигледна...

 

Се разбира дека купувам облека од македонски модни брендови имаме и ние многу убави работи!

 

Од Кара не купувам бидејќи сите работи се како за постари и не ми се допаѓаат.
Васидора ја посетувам по некогаш.
Во Стилисимо досега никогаш не сум влегла бидејќи имам стереотип дека е многу скапо.
Го обожавам Дуки Дасо.Речиси целиот накит ми е од таму.
Од BIANA SHOES често купувам чевли и сум многу задоволна од квалитетот.
Стружанка....Многу ствари имам од таму.Пижами, фротирки, постелнини и последното откритие шарено боди околу 200 ден. детски број 7. Многу се слатки,шарени....Најубави
Мак џинс имаа продавница во Рамстор и имам повеќе ствари од таму, но сега незнам каде имаат продавница

 

Си ги поштувам сите овие наши брендови! Немам купено парчиња од сите,но тоа не е зашто ги избегнувам,едноставно не сум успеала да пронајдам нешто што ми требало во моментот..имам купено преубаво фустанче од Васидора,сандали од Биана шуз,а од Стружанка не се откажувам! Имам милион пижами,прекривки а последно што си купив летово е онакво перниче за врат што се користи за спиење при патување! Се уште не се откажувам ни од Санда кога се работи за хулахопки,не знам едноставно од мала сум навикната од таму да си купувам и ми остана традицијата и до ден денес! Гледам дека некој споменуваат како нашава гардероба се шиела у Кина или не знам си каде..нема врска,се шие кај нас највише,тука е работната сила..не знам дали знаете дека врвни парчиња од италијански дизајнери се шијат во штипски фабрики..да драги мои..ама затоа материјалите се квалитетни!Треба да се научиме да купуваме од нашите брендови ама и да се зголеми квалитетот секако! Взаемна почит!

 

Дури откако ја прочитав тамава станав свесна дека имам доста купувано од нашите македонски брендови! Имам купено многу чевли од Биана, од повеќето сум презадоволна и од моделот и од квалитетот, со искулучок на едни чизми кои баш и не ми одговараа на стапалото!
Дуки Дасо производи имам најмногу, дури може да се каже дека стално од нивните продавници купувам ташни, паричници, накит, марами... Имаат голем избор, задоволна сум и од квалитетот...цените малце им се повисоки во спордба со другите продавници за накит, но имаат убава роба па често знам да си поторшам некој денар повеќе во нивните продавници!
Санда Пред се би рекла квалитет! По мое мислење и од мое искуство имаат 100 пати поквалитетни хулахопки од увозните Пенти! Значи од Санда имам користено многу производи ликрени хулахопки, подебели хулахопки, со разни дезени, потоа доколенки (перлон, свилени) а летово купував од Санда и една туни за на плажа (или како се викаше не знам точно)! Воглавном сум задоволна од нивните производи и сум нивни верен муштерија!
Од Стружанка земав пижами од кои исто сум задоволна па веројатно кога ќе ми требаат нови пак ќе се обратам во нивните дуќани! Преубави беа, со убав дезен и памучни и пријатни за носење! Кога купував последниот пат од кај нив се изненадив од изборот...едвај се одлучив кои точно ги сакам бидејќи имаа доста модели кои ми ги фати око!
Од Графити купував многу од поодамна едни чизми, се сеќавам дека ги земав доста скапо но беа квалитетни! Сега во мојот град нема нивна продавница па заоа немам купено ништо од кај нив долго време!
Од Баргала сеуште немам купено ништо а имам слушнато за нивниот добар квалитет! Но самите модели не се вколупуваат со мојот стил на облекување! Ретко кога успевам да видам некое добро моделче, повеќето ми се ко за повозрасни тетки!
И производите на Васидора не ми одговараат на стилот и не купувам од таму!
Стилисимо, Кара и слични ги немам ни посетено!
А да...сакав да кажам дека ми се допаѓаат моделите на Нана од Штип но се прескапи за мојот џеб! Минатиот месец гледав фустани од Нана и се што ми се допдна беше над 6 000 денари! За кого како, но засега мене не ми се троши толкава сума пари за свадбарски фустан кој ваљда едаш ќе го облечам! Имаат убава роба но бајаги се скапични!
Отприлика тоа се македонските брендои од кои имам искуство! Ако се сетам на нештодруго ќе се надополнам!

 

Купувам и тоа многу..секако попрво ќе одберам македонски бренд отколку кинески..купувам чевли од Биана шуз и Биана трејд,цените за мојот џеб се прилично високи,ама ајде си дозволувам, иако не можам да ги пофалам за удобност,или пак моиве нозе се проблематични
Васидора ја сакам иако ме нервира што нема облека со поголеми конфенкциски броеви
Од Баргала порано често купував сега не сум одамна така да не можам да ги коментирам
Од Санда само чорапи и хулахопки купувам ,долната облека исто така им е само мали величини
Марди имам неколку сукњи од нив и по некоја маичка ,цените им се ок,квалитетот одличен ама моделите им се премногу сериозни
Порано долна облека и пижами купував многу од Кимико сега и цените им се високи и моделите не ми се допаѓаат
Хелена ја посетував порано имаше некои интересни и ефтини работи ,но имаат слаб квалитет на материјалот што го користат
Од Бела имам неколку парчиња ама според цените не е ништо ваааауу
Кара преубави модели квалитет очаен
Толку ми текнува..засега..

 

Имам некои парчиња, за жал во мојот град нема многу продавници со македонски брендови.
Ми се допаѓа Васидора, иако поголем дел од гардеробара ми е како за повозрасни жени, имам купено доста убави фустанчиња и корсетчиња.
За квалитетот на обувките на Баргала и Биана немам збор, но ретко наоѓам модели кои ми се допаѓаат
Санда хулахопките не знаев дека се наше производство, многу ги користам.

 

Kупувам македонски производи
Искрено, за мене ниту Викторија Сикрет не може да го замени вешот на Грациа, мислам дека од денот кога почнав да ставам прслук на мене се овие, ги купувам два-три пати годишно, наизменично црна или бела боја, и после милион пати вриење со бели во машина, и на најстарите не им се испаднати жиците, сеуште се со чиста бела боја, неизмолкнати и пренежни

Спојлер

http://www.gracia.com.mk/golemi%20sliki/Prsluk-beti,-Polutanga.gif

Колку пати и да сум купила од други градници, нит стојат асално, нит останале бели, се нешто им се случува, а овие ми се незаменливи. Исто имаат и прекрасни ноќници кои мајка ми ги обожава .
Следно, Биана, докажан квалитет со солидна цена(за разлика од Пеко на пример, не се ефтини ама не се ни во вис). Имам два пара чевли, таму редовно наоѓам 40-41 бројче, малце им се покласични моделите, ама затоа времетраењето им е речиси неограничено. Чизмите, исто, додуша немам јас, ама затоа мама едни ниски и обични ги носи 3 години, што не било случај со другите.
Васидора, Прилеп што шијат, катастрофа Прво не ми се допаѓаат материјалите што ги користат, освен по некое палтенце што може да се најде, се друго ми е ко второкласна роба.
Е сега, постелнини, пижами и слични тракатанци, кај нас строго од македонски брендови се купуваат, мајка ми и баба ми се зависни од Винка Виница, и не знам колку сеуште некои се лсужат, ама ќебињата од Тетекс се и по дваесет години се меки, за разлика од она кинескине пластики
Дуку Дасо, не сум знаела дека се наши, имам паричници нивни, нешто бижутерија, и да, ми се допаѓаат.
Имам тренерки од Орка, и покрај што ги изнаносив, ми смета единствениот материјал за тренерки.
Направив листа на она што сега ми текнува, и не жалам да дадам пари за македонски производ, ама едно нешто е битно, пред години македонските производи беа општонародно признати, ценети и барани, значи квалитетот беше неоспорен, е сега некоја фирма пропадна, па се обнови, па работи не работи, стасавме до делот „едно време беше многу убаво“. И порано бевме познати по квалитет, жално е што одредени работи веќе ги нема Се е кинеско

 

Купувам штом најдам нешто да ми одговара.
Од Васидора никогаш ништо не сум купила. Некако се им е покласично и никогаш не ми фатило око нешто.
Исто и од Кара, не ми фатило ништо око.
Дуки Дасо до денес не знаев дека е наш бренд, ама сум купувала новчаници и ташни. Задоволна сум, имаат пристапни цени и доста избор.
Од Биана имам едни штикли кои сега скоро ги купив и задоволна сум. Исто мајка ми скоро секогаш купува Биана и е презадоволна, посебно затоа што има избор и поголеми бројчиња (40-41).
Блу петрол-најквалитетните фармерки ми се оттаму.
Од Стружанка ми се скоро сите пешкири, крпи и сл. дома. Исто моиве имаат се уште пижами и такви ствари, јас лично немам. Ама квалитетна работа се, траат со години.
Од Орка имам ролерки кои никогаш не научив да ги возам.
Во продавниците на Сара фешн сум купувала долна облека, ама од Пенти...
Санда хулахопки мислам дека нема некој кој нема. Иако ретко носам хулахопки сепак имам купувано од Санда.
И мислам дека никој не го спомна Отекс. Се уште дома имаме нивни здрави, убави и меки ќебиња, незаменливи се.

 

Стилисимо.
Се изненадив кога дознав дека сите работи им се од домашно производство, мислев дека чевлите ги увезуваат.

Купив многу убави фармерки, со убава линија и многу квалитетен материјал и прекрасен ѓердан од црн бисер.
Пробував и панталони, но некако кројот им беше чуден, а и материјалот не ме бендиса. Имаа и убави модели на обувки па мислам дека повторно ќе ги посетам деновиве.

Плус продавачките се ептен професионални. Не се наметливи, но ако побараш помош се ептен љубезни и си ја познаваат работата.

 

Vasidora е наше ?
браво .
ја мислев дека е грчко, пошто таму има повеќе реклами отколку кај нас.

 

Па и не така често... Во моментов ми текнува на Баргала и 3-4 пара чизми што ги имам купено до сега во животов... ретко се наоѓа убав и модерен модел искрено, но кога ке најдеш ке ги утепаш од носење. Пример: пред 5 години што купив кафеави кожени чизми до колено, верувале или не како нови се, а ги утепав од носење. И да не ги заборавам Нана... мојот фустан од соништата го обожавам подобар не можеше да биде... подобар е и од оние на црвениот килим најискрено, вреди за секој денар само што не ми се свига тоа што не се грижат воопшто за клиентите и ми се многу рецимо ладни и чудни and i don't like that ако се сетам на некој друг бренд ке пишам

 

Единствен македонски производ ми се балетанките

 

Васидора и Биана
Имам штикли неколку пара од Биана, и омилените ми се од таму, најудобни на цел свет. Плус ги имам стопати носено, дури и низ парк по тревата, и како нови се се уште.
А од васидора имам фустанчиња, и многу ми се допаѓа скоро се таму, само не знаев дека е Македонски бренд...

 

Шијат за грчки пазар најчесто. Барем така беше изминативе години.

Нашето производство е далеку од тоа што некогаш беше.

Сега и тие набавуваат кинески, неквалитетни материјали, па и самиот краен производ не е со тој квалитет како што бил некогаш.
Оставена е убава слика уште од веремето на Југославија, ама умре тоа време.

А, башка знаат да си набијат цени, глупаво, знаејќи го нашиов стандард.

 

леле и јас мислев дека васидора е грчко,браво,имам неколку нивни парчниња,имам балетанки биана,кошулки од кара,хулахопки си носам македонски и тоа..

 

^^ Точно.
Васидора шие најчесто за грчиот пазар и ради тоа повеќето не ни знаат дека уствари е македонски бренд. Во секој случај јас од тука имам земено само едно фустанче пред некое време, а незнам зошто не ни имам навика кога сум излезена да влезам и да разгледам . Можеби е ради малце нереалните цени според мене за некои работи, а во случај да начекаш добар попуст кој дозволува да излезеш од тука со повеќе од едно парче, тогаш е веќе друг муабет.

Во секој случај не можам да кажам дека сум постојан купувач на македонски производи. За разлика од мене, на мајка ми скоро целата гардероба и е од македонско производство. Најчесто Стружанка и е на мета и скоро сите пижами дома ни се од таму. Панталони, сакоа, блузи, фустани и сите останати работи ги купува од Марди со години уназад и е презадоволна. Хулахопки, такви ствари, обавезно од Санда зема, додека чевлите порано најчесто од Пеко ги земаше. Иииии, за други работи не ми текнува .