Ах, свадби, за мене непотребен луксуз на денешницата. Не знам колку е во ред да се носи, гледаме да сме пристојни со сопругот кога носиме подарок на свадба, иако во моментов само тој работи. Одиме кај најблиски и сакаме да сме коректни со барем 100 евра зависи од блискоста. За сопствената "свадба" имавме 55 луѓе (најблиски), носев едноставно бело фустанче од Зара, платив секојдневна евтина шминка и фризура и не дававме покани туку телефонски си ги викнавме најблиските (млади од фамилија и друштво). Да нагласам дека сите ни донесоа пари ИАКО немаше ниту покани ниту нешто беше нагласено, на сите ни е полесно да ставиме пари, кој се замара да оди да ти бира подарок и да те мисли, едвај за роденден успевам да најдам на блиски нешто, а да не ги промашам. Ние конкретно прославивме на место кое нас ни се допаѓаше, со побогато мени од основното и навистина ни беше важно сите поканети да дојдат бидејќи сакавме тој ден да го поминеме со најблиските од друштво и фамилија. И покрај многуте расправии со моите и неговите, направивме по наше свадбичка со млади и тоа не би го променила никогаш во животот. Свадба со 300+ гости за да може некој да си плати рата за кола/стан со преголеми очекувања за мене е непристојно и сосема не е во ред на стандардот кој го имаме и тоа што голем дел од луѓето едвај успеваат да одвојат финансии за пат и организација да дојдат на таа свадба.
За кај комшии колку? Свекрва ми не можела да даде исто колку шо тие ни дале нас пошто поскапено било требало појќе. Молам? Ами и за мене е поскапено нели? Нивниот трошок за мојата свадба не е ист со мојот за нивната така? Сори нот сори ама ни денар повеќе од тоа што ми дале нема да дадам.
Па верувам дека исто така и ги 'копкаат' пликовите. @An-na да, во право си, мене на чело ми пишува - долари, марке, лире, девизе
Нормално, кој е тој шо не сака кеш, е сега кога треба да се даде 1000-че е проблемот, не им се дава пак си наоѓаат изговори
Сама кажа дека не веруваш дека тераат фамилијарен одмор со 300 евра, не мора ништо на чело да ти пишува.
Лелеле занес потрес. Морам уште на ова твоево да искоментирам и да се изгасам. Јас и маж ми златна сами се си плативме ниту пак сме побарале пари од родителите ниту пак кредит подигнавме така да според тебе сега имам право да зборам зошто никој не ми плаќал. Дај не драматизирај и не дели памет кој сака и колку сака нека остава. Ако за тебе е премногу да дадеш 100 евра за свадба за некој не е. Некој ако има финансиски проблем многу нормално дека ќе остави колку има . Не ругај и не се прави светица зошто секој има право на свое мислење на форумот. Ако нешто не ти се допаѓа не мора одма да напаѓаш.
Нормално дека не верувам, посебно па не со цениве сега. Па најмалку во Грција. Тоа што сум реална, а вие продавате овде некоја скромност е друга работа.
Браво за вас, одлично. Парите на гранка ги собравте или вие си знаете како ги заработивте? Истото важи и за гостите. Сите знаеме како доаѓаме до финансии и што ни е приоритет во моментот. Ќе рече пак некој, со време те поканувам да собереш пари. А тој/таа не сфаќа дека постојат и луѓе кои и три години да им кажеш однапред, пак ќе немаат да дадат колку што имаш ти очекување. Како не сфаќаш дека јас како гостин не сум ти должна да ти ја плаќам порцијата. Сама сум ти се наканила, или ти си ме викнала? Не е ни битно колку имам јас, срамота е да ме анализираш и врз база на твоите анализи да одредиш дали имам или не. И да сум богата и да не сум, тоа не е твоја работа.
Ај најди ми одмор за 200 евра. Во сезона, да не се молам убаво да е времето. И лекови, нешто храна за по пат и таму, гориво, алишта ако фалат.
Не знам како ги свртевте муабетите дека тоа што за некои од нас поклон не е одлика на почит, значи дека ние од инат не даваме пари. Ако не дадеш поклон од инат или намерно ги потцениш младите, тука има веќе отров во намерата, исто како што не е добра намера да дадеш скап поклон за да ти се врати скап поклон.
Што ти менува дали јас одам на одмор за 100, 200, 300 или 1000 евра и поврзаноста да се тупи упорното истото на темава. За мене одмор е и во планина, и во викендица и во Крани и во Стење и во Дојран и во Албанија и вон сезона во Грција. Одмор не значи луксуз, одмор значи да си ја избристриш главата 5, 6, 7, 10 или 20 дена. Со оглед дека перцепциите што значи одмор не ни се компатибилни, како јас да ти помогнам и ти да заштедиш некој денар.
А какви факти сакаш? Зошто мислиш дека твојот начин на живот е стандард за секој? Си имаш зацртано некоја шема во глава и мислиш дека или сите така живеат, или сите треба така да живеат. Стварно делуваш ко да немаш претстава како живее едно просечно македонско семејство, плус и го негираш истото. И што толку ве тригерна одморот? Членката си кажа за себе, може на улица спие. Тоа не го негира фактот дека 100 евра се половина од нејзиниот одмор. Никој не ви брани да одите сред сезона во хотел со пет ѕвезди ако ви се сака, баш тоа е показател дека секој има различни гледишта и мерило на работите. Никој не ви ни брани да ставате колку сакате во плик, првичната дискусија беше дека сумата не е одраз на почитта.
