Јас кога славам нешто го правам тоа за себеси и канам луѓе што се радуваат на мојата среќа. Ич нејќам да ми носат поклони ниту за роденден, не ги частам за поклонот туку од кеф, истото е и со свадба, не ми требат луѓе што водат рачун кој колку дал па и тие толку враќаат.
А што стана со, колку имам ќе дадам? Или месецов ќе мизерувам, затоа што некој планирал свадбата од тие пари да си ја плати. Налет и таква свадба, ич не ни одам.
Баш заради тоа премерување и мерење луѓето се се повеќе отуѓени. Ќе ти дојде на свадба некој немтур пто ќе седи цело време и бистри политика зашто има пари да дојде, а онај што има душа и ќе ти ја направи весела свадбата и со душа ќе ти се израдува нема да дојде зашто еве 50 евра му се побитни за детето патики да купи или рата за кредит да плати, или слично..
Се сеќавам имаше некаде случај, (друга земја зборам) фотографот побарал порција да јаде, младенциве не дозволиле оти нели, како така без пари, ние више те плативме за сликање. Овој фатил сите слики delete
Па збориме за свадби на блиски кај кои знаеш дека за брзо ќе имаат свадба. Не знам кој веќе прави свадби со покани на луѓе што не ги ни знае како изгледаат. Не сум била викната на свадби кај некои толку далечни последниве години па да ми е изненадување свадбата. И реков веќе во првиот пост дека претежно сум во кругови на работа и кај познаници каде што повеќето се добро ситуирани и се даваат големи подароци. Не може ја да носам 1000, а секој колега по 5000 да давал. Нема сврха. Ако немам, нема да одам подобро, него да правам за инает нешто и да ме зборат после.
Ме заболе кој колку дал. Мој џеб јас си знам дали можам да дадам 1000 или 5000. А ти сама си патиш од тоа " да те зборат после".
Нема да се сфатиме. Јас обожавам да купувам поклони од срце - имам, ќе купам и ќе дадам затоа што те сакам. Но, во ниеден момент не очекувам некој да го мери нашето пријателство според колку сум парично вложила во подарок. Ниту познавам некој што така размислува, освен моите и моите роднини итн. Што зрачиш то привлачиш. Како што кажа @nena2010, не сакам вакви отуѓени односи во мојот живот. Сакам свадби кај што сите до еден ќе ми е мило да ги видам, а не да канам далечни роднини затоа што е срамота да не ги викнам, а два пати ги имам видено. Сакам свадба да е мој момент, не би ми текнало да размислувам отпосле кој како се однесувал, што дал, колку пиел, колку јадел. Добра намера се препознава и тоа го сакам од луѓето околу мене. Ти да ми дадеш 300 евра за јас исто толку да ти дадам, не е добра намера.
Па и блиски да се, да земам брз кредит ако не. Ако парите се мерило вие утре да си расипете односи, за каква блискост правиме муабет? Не знам дали знаеш, но поради ваквите размислувања, луѓето замразуваат свадби. Кој колку дал, колку ми дал, чекај јас да му вратам исто толку. Се веселите кога одите по свадби или правите калкулации и пресметки за порцијата и колку сте должни?
Ако немаш пари..не мора да одиш. Многу е едноставно(секако не зборам за брат, сестра туку за подалечни роднини и познаници). Давање одредена сума на свадба ми е едно од оние непишани правила кои може немаат многу смисла ама па не иде ни поинаку, бидејќи сепак треба да се покаже таква некоја куртоазија. Свеченост е, не е роденден или частење во кафич, се трошат многу пари и најлогично ми е да се дадат пари кои ќе ти ја покријат барем порцијата(како рамка да речеме). Сите знаеме од прилика колку е просечно порција. Плус, на свадба не се оди секој ден. А носење празен плик ми е искрено ко индиректна навреда, само што не верувам дека се случува до толку често.
А ова "колку мене толку тебе" како го применувате за поклони што не се пари? За помали пригоди како роденден и слично. Пример ви купиле накит/ташна/козметика/облека и барате по продавници да го најдете да видите колку чини?
Знаеш отприлика кој бренд колку чини, не сме од марс паднати. Не глумете на форум дека нешто не се замарате за некој лајк плус. И не водете инает на луѓе за подарок и за да не биле во ќар само, очајно делува, нема следен пат сигурно да бидете поканети од нивна страна.
Јас кога правев свадба, имаше мени од 60 евра од човек, што вклучува интегрални грисини, копито од камила, шепа од рис, што ти ја знам. Во случај да сакам да глумам лудило, дали тоа значи дека требаше да очекувам 60 евра минимум секој да ми донесе?
