Колку сте задоволни од козметиката на Афродита?

^Mims,го имаш ли користено серумот на Афродита Hydra thermal? Ок ли е за млада кожа?Ми треба нешто екстра хранливо зошто веројатно од агресивен шампон ,ептен ми е суво челото.

 

Општо линијата Хидра Термал не е баш наменета за млада кожа(-24) затоа што е доста интензивна, што значи дека серумот е уште поинтензивен. Содржи хијалурон кој е наменет за многу длабока хидратација. Кремата е предобра за многу сува дехидрирана кожа и кожа која се лупи, серумот го немам користено но знам дека серумите се уште поконцентрирани од кремата така да не би го препорачала за под 24-25 години. За млада кожа од Афродита можеш да си ја земеш со маслинка или бадем, тие се екстра хранливи.

 

Гледам пишувате влажилна крема и дека не ви текнува соодветен наш збор, според мене тоа значи хидратантна крема .

Мимс, во право си- нека си го мирисне гелот и млекото пред да ги купи, оти не сите се заљубуваат во мирисот, има и исклучоци, како мене .

 

Спојлер

хидратантна, не е баш наш збор, ама ајде околу овој збор може да има еден куп дебати, ама доколку бараме соодветен превод на хидратантен, тогаш македонскиот би бил: крем за навлажнување. ама ете, си преземаме странски и еден збор понекогаш е полесен за употреба отколку 3.

инаку јас сум задоволна од млеката за тело, друго немам користено.

 

Го користам млекото за тело од грозје,360 е 400 мл и да ви кажам дека е афродизијак за партнерот

 

Ја користел ли некој кремата за лице од невен од Афродита, или некоја слична за чувствителна кожа?

 

ЏинТоник јас ја имам користено, ок е за посува кожа, за мрсна не би ја препорачала може дополнително да го светне лицето. Двената е по лесна, додека ноќната е похранлива, погуста и потешко се упива.
Збориме за оваа така?

Може слика од таа со алое кремата што ја зборите, никако да ми текне која е

П.С. Сесилија јас мислам дека е нешто како навлажнувачка крема, затоа што и хранливата може да е хидратантна, уствари во принцип сите се хидратантни

 

Има ли некој шампон од овие на Афродита за волумен? Ми се видоја ефтини 99ден. па сакав да земам еден?

 

Да таа е, мене кожата ми е комбинирана, но на образите ми е доста чувствителна затоа сакам со невен да земам нешто за да ми се смири. Фала ке пробам со дневната

 

А зарем хидратантна и навлажнувачка не се синомини?
Само некако покористен е зборот хидратантна, некако сме посклони кон присвојување странски зборови, отколку користење на нашите.

Кога веќе пишувам пост, сакам да прашам за кремите околу очи- каква е таа со камилица, може ли малку подетално инфо, и дали има и некои други за наша возраст, ~25?

 

Па во сите кремови се спомнува дека се со анти ејџ состојки, ама и самите состојки во нив како бадем, алое вера, невен, делуваат на тој начин да заштитуваат и спречуваат стареење.
Доколку има хијалуронска киселина, колаген ( и слични состојки ), тогаш стварно е за постара кожа.

Ама, ако немаш мрсно и проблематично лице, не ти ја препорачувам таа со Оил контрол, зошто можеш да си го расипиш лицето.

Таа од невен, камилица, и зелен чај се понеутрални и убави за чувствително лице. Иако никоја од кремите не е агресивна, состојките се многу благи и меки, и со никоја крема нема да згрешиш.

ДА ПРАШАМ: Дали кремата од маслинки (уште таа ја немам пробано) е мрсна ???

И за зборот *влажилна* кренавте бука, а јас го спомнав прва зошто не ми текнуваше во моментот хидратантна да напишам.

 

Јас го користам шампонот од коприва, многу сум задоволна, имав првут пред да почнам да го користам, но сега немам, другите производи не ги имам користено, баш сега ја отворив страната на afrodita-beauty care ќе разгледам што има

 

Силвер, а зошто да си го уништи лицето со оил контрол кога баш за мрсна и комбинирана кожа е наменета кремата???

Сесилија - за кремата за околу очи од камилица во каталогчево пишува дека има смирувачки и навлажнувачки ефект, ги елиминира темните кругови и ги редуцира малите ситни брчки. Јас ја немам пробано така да за искуство неможам да зборам.

Инаку ме буни тоа со хидратантна и навлажнувачка затоа што на некои креми си е наведено како хранлива и хидратантна, на друга пишува само навлажнувачко дејство, на трета стои само хидратантна ... Така да јас вака по читање на етикетите под хидратантна подразбирам некоја што е + хранлива и длабински дејствува во кожата, а како навлажнувачки ми се повеќе оние со моментален ефект на освежена кожа, тие се некако по лесни ... Незнам дали сум во право ама јас се раководам според тоа...

 

Напишав дека може да си го расипи, бидејќи кремите ОИЛ фри, се претежно за пубертетска кожа, склона кон акни, очигледно мрсна и нечиста.

Инаку, ако имаш мрсна/комбинирана кожа, има кремови кои се за таа намена, ама не се типично пубертетски.

Овие ОИЛ фри, претежно се за пубертетлии со акни.
Но, сепак, на кожата и е потребна и определена маснотија, затоа и лошо е ако со кремот премногу го затегните, исушите лицето.

За кремовите, само два вида се: хранливи (тие се помрсни, погусти), и хидратантни (влажилни), кои се полесни и попосни.
Првите се попогодни за постара кожа (не е правило) и за посува кожа. Повеќе и одговараат, ама не мора да значи.

Секоја крема различно делува на секое лице.

 

Кремата е Оил Контрол, незнам дали е Оил Фри. И како што прочитав е намената за мрсна и комбинирана кожа, а не беше наведено дали е за нечиста кожа и за лечење на акни... Како што разбрав наменета е за контролирање на прекумерното лачење себум, матирање на Т зоната и хидратирање на сувите делови...
Јас немам искуство со кремава, само го кажувам тоа што го прочитав. Може и да побарате на официјалната страна на Афродита сигурно пишува нешто повеќе

 

Јас да кажам за кремата за околу очи од камилица. Ја имам користено и тоа беше првиот производ од Афродита кој не ми се допаднал. Значи, кремата е ПРЕмрсна, премрсна. Не знам зошто толку маснотија кај крема за очи , мислам знам дека е против подочници и брчки, ама ова е претеризам.

На почетокот не ми пречеше толку, си викам и онака навечер ќе ја ставам пред спиење. Ама како поминуваше времето и како сфаќав дека и утрото областа околу очите сеуште ми е мрсна, ја баталив Значи, воопшто, ама воопшто не се упива во кожата, си стои мрсна на површината Ја зема мајка ми да ја користи, сува кожа има па ми вика дај да ја пробам, може на сува кожа ќе се упива подобро. Ма јок, два пати стави и ја фрливме.

Значи ПРЕМНОГУ, ПРЕМНОГУ масна, а искрено и не видов некој ефект на намалување на подочниците. Поголем ефект кај мене има кремата за очи од Балеа. Не ја препорачувам оваа на Афродита

Туку, која е таа крема со алое вера? Може сликичка? Лесно кремче ли е? Мене кремите наменети за комб. кожа многу ми ја сушат кожата и ми се лупи иако ми е комб., ми треба нешто похидратантно, ама не мрсно

 

http://kozmetikaafrodita.rs/negalica/al ... 50-ml.html

Еве ја кремата со алое (од телефон пишувам па полесно ми е линк да оставам), за оние што прашуваа, ама кај оваа е назначено дека е anti-age.
Јас освен шампонот од кокос и едно млеко за тело (појма нема кое беше) немам ништо друго користено, но од овие бев доста задоволна.
Сега сакам да си ги земам дневната и ноќна од невен што се, се размислував дали овие две или хидраактив, ама вторава бидејќи е за ептен дехидрирана и сува кожа се одлучив за првите.
Деновиве ќе ги набавам па ќе пишам впечатоци за некоја недела.

 

Фамозниот шампон со екстракт од лук наменет против опаѓање на коса.
За спречување на опаѓање на коса за кој е и наменет, не сум многу сигурна бидејќи сеуште ми паѓа во речиси исти количини. Но за конечен одговор ќе почекам одредено време, секако дека треба повеќекратно користење за да покаже резултат.
Откако го користам, косата почна почесто да ми се мрси и ми се појави првут, а досега појава на првут сум немала. Сега за сега, не сум задоволна. Ќе почекам уште некое време па ќе напишам целосен впечаток.



Имал некој друг слично искуство?

 

Феминки, ај некој поупатен нека ми каже колекцијата аква за која возраст? Фала