Во последно време како да се отугивме, не само со другари и пријатели туку и од нај блиските. Кажете ми колку посветувате време и нежност а семејството? Дали ги бакнувате само кога има некој специјале повод, или тоа заете да го направите и без повод. Значи под семејство подразбирам: мајка, татко, брат, сестра.
Секој ден. Тоа се луѓето кои се нашата најголема подршка,и изразувањето љубов кон нив е нешто најмалку што можеме да направиме за нив. Не треба да чекаме повод за да направиме нешто убаво. Убавите работи и изненадувањата се послатки кога се неочекувани
Си ги гушкам, си ги бакнувам. Тие ми се највредното нешто што го имам. Татко ми има навика штом дојде дома од работа веднаш доаѓа до мене и сестра ми и вели: Ајде да си ги бакнам принцезите мои... и дури после тоа може да седнеме и да си направиме муабет...
Ретко , еден ден ќе жалам , конците ми се во раце , можам почесто да им кажувам и дека ги сакам и да ги гушкам и да ги бакнувам , ама едноставно не можам , па се трудам на други начини да им докажувам
Си ги бакнувам постојано... Моето семејство ми е и сила и слабост, тие се нешто највредно за мене. Голема фамилија сме, но после враќањето од работа, училиште, прошетка, секогаш следуваат прегратки и бакнежи, тоа ни е нешто како ритуал дека сеуште сме најблиски личности едни за други.
никогаш ама баш никогаш не паметам мајками,таткоми или братми да ме гушнат или бакнат,како помала си ја гушкав мајками,се обидував да ја гушкам ама ми велеше дека се ежи или незнам и со тек на време иако некогаш ми беше навистина потребно се воздржував и се одвикнав,последен пат таткоми ме гушна кога бев 13 год а тој се врати по 3 месечна работа во странство,а братми е толку ладна личност што не би можела да замислам да ме гушне или бакне или јас него,кога сум била мала сигурно ме гушкале,бакнувале ама не се секавам,кај нас дома нема нежности многу многу,кај нас само кавги и критики постојат знам дека затоа и не умеам да покажам љубов и чувства кога сум била во врска ама затоа кога јас ке имам семејство нема да дозволам моето дете да има таков недостаток на топлина и сигурност како што јас имам
Секој ден со мајка ми и татко ми многу може денеска повеќе од 10 пати ги гушнав и бацив,само ги гушкам,досадна им станав а со брат ми поретко малце
Колку и да ги сакам, ретко покажувам чувства со бакнежи и гушкање , ете таква сум постегната за изразување чуства понекогаш знам да ја погалам за коса мајка ми , кога ќе седиме една до друга , и тоа се случува еднаш годишно , е сега малку излажав може на почеток, единствена личност која ја гњавам со бакнежи и гушки е внук ми
Не сум толку приврзана за да се гушкам и бацувам, тоа го правам само кога се поздравувам кога доаѓам дома после еден месец и кога си одам. Тешка сум јас за тие работи. Меѓу нив си се бацуваат и гушкаат посебно со сестра ми. Повеќе се гушкам и бацувам со тетка ми тоа од мала ми останало.
Многу ретко..Со мајка ми само кога ќе направам нешто добро во школо или коа ке ми купи нешто.Со татко ми па ич,само за мојот роденден го гушкам,и со брат ми исто така..Незнам,такви сме си ние,односот ни е добар,многу ретко се караме,ама ете ја сум таква затворена личност и не покажувам многу чуства,освен се знае, во одредени моменти.Ама нема врска,они сепак знаат дека многу ги сакам!
Јас не би била јас ако не ги гушнам и бакнам мама и тато секое утро, во текот на денот сто пати и пред спиење. Пред спиење бакнежите ми се омилени
Со сестра ми секој ден,мнг ја гнавам,ја закачкам,си се гушкаме,бидејки е помала од мене .... Исто така и со моите ако одат негде или јас ако одам значи секогаш се поздравуваме со бакнеж.... Исто и со другарките кога и да се видиме исто и на одење....