Колку често кажувате "БЛАГОДАРАМ"

Секојдневно, во секоја можна прилика кога има потреба од тоа. Важно е да покажеш дека цениш кога некој ќе направи нешто за тебе.

 

Многу често. Почнувајќи од домот.
Кога барам, те.замолувам син ми нешто, и кога ми го подаде му заблагодарувам. Кога му го подавам нешто, му велам повели.
Така и тој се научи, секој пат се заблагодарува.

Башка на јавни места, јавни услуги и слично.
Нашата државичка би била за нијанса поубаво место за живеење кога повеќе луѓето би кажували "благодарам".

Тоа не е само обичен збор, или реда ради. Освен што е одраз на култура, многу повеќе преку тоа се оддава почит и вреднување на личноста на која е упатен зборот.
Зборовите имаат сила, да те срушат или подигнат. Благодарам за сигурно има позитивно влијание

 

Јас мислам да кажеш Благодарам значи,
Прво да се почитуваш самиот , потоа останатите и не секој може да се заблагодари .
Второ ,многу е важно детето да го воспиташ да се заблагодари секому (дури и на невоспитаните) и да не му биде срам да го изговори тоа .

 

Najcesto t.e sekoj den mu se zablagodaruvam na Gospoda, a I ne se stedam da kazam edno blagodaram I na lugeto okolu mene dokolku imat potreba.
Dobro e covek da bide blagodaren.
Na nekoi gordosta im e pogolema pa I da imat potreba tie ne go kazuvaat toa.
Takvite se molat da bidat podaleku od mene, ic ne sakam luge so pregolema gordost

 

Благодарноста е убав гест кој значи за оној што е наменет, а и многу кажува за личноста што се заблагодарува.
"Благодарам" кажувам секогаш кога чувствувам потреба да возвратам на културен начин и да покажам дека го ценам и почитувам трудот на другите за мене.

 

Секојдневно кажувам благодарам
Кога ќе ми направи некој некаква услуга од почит, кога ме послужуваат во маркет, кога ми честитаат за нешто

 

Ретко кажувам благодарам. Почесто кажувам фала. Така сум навикната.

 

Секогаш, секојдневно. Многу загледувам и почитувам култура кај луѓето, убав збор, добра мисла, и искрен поглед..
Зборот "благодарам" е моќен збор со искрено чуство, а оној кој го поседува е моќен и голем човек.

 

Секогаш секојдневно ...

 

Многу често,многу сум културна

 

Секојдневно и не од навика, навистина го мислам тоа...

 

Секогаш кога е потребно, а тоа се случува често.

 

Многу често. Секој ден речиси.

 

Секојдневно.

 

Секојдневно по многупати.

 

Многу често ,секогаш сакам да се заблагодарам за било што

 

Секој ден му се заблагодарувам на Бога.

Инаку не знам дали сте приметиле дека благодарам како збор кој е во официјалниот литературен јазик мн ретко се употребува, углавном сите фала велат во неофицијален разговор, дури и во јавни институции не сум слушнала некој благодарам да каже, на тв често може да се слушне или кога Македонци гостуваат во странски тв програми...

 

Секогаш се заблагодарувам. За било што, за било која личност што придонела барем малку, имам навика да искажувам. Ако пример добијам кафе во кафич искажувам благодарност што сум го добила. Ако личност ми направи мал гест и запомнила нешто што во глобала јас мислам дека се заборава, се заблагодарувам. Исто, почнав да практикувам изрази како те почитувам зашто.. и за ова мислам беше пресудна една друга култура.

Кога искажуваме благодарност и почит ништо не губиме. Баш имам забележано дека кога се дава до знаење и ценење на оние кои се околу нас, истите тие понатаму се трудат да се подобрат барем за нијанса. А секое малку, практикувано секој ден вистина дава многу плод.

 

Постојано го употребувам овој збор. Едноставно ми е дел од речникот. Дури понекогаш го употребувам и кога не е потребен.