Колку чини животот на луѓето што се доселиле во Скопје?

60 000, од кои 12000 за кирија, 5000 за сметки. 10000 заштеда, 30000 за бензин и јадење.
Ние со дете, трошиме 20000 за јадење, па направи споредба. Ќе имаш доволно само ако менаџираш добро. Да не купуваш патики од 10000, да не купуваш мебел секој месец... Јас се иселив со 12000 плата, и живеев со цимери додека не дојдов до 30000, кога почнав сама. Киријата ми беше 10000, сметки 5000 и остатокот за јадење и океј ме беше. Ова пред 10тина години. Сам човек не троши за јадење ич, многу помалку за сметки од фамилија, многу помалку за бензин...

 

Кирија, сметки и храна можеш да покриеш со некои си триесетина илјади. Плус десетина да потрошиш за други потреби, ваљда ќе ти затреба нешто за себе да купиш и да се прошеташ некаде...Има и за да ти остане нешто на страна. Вреди да се обидеш. Или ако најдеш со некој да делиш кирија би било супер.

 

Повеќе од 10 години живеев во Скопје, под кирија и со плата не којзнае колку висока, но сепак доволна за да имам добар живот. Кога си помлад и кога си сам, ништо не е проблем, сигурна сум дека ќе ти бидат доволни. И не е лоша платата, сосема доволна за сам човек, па дури и за кирија и за се друго.Се се сведува на тоа, колку имаш толку трошиш. Јас би прифатила да сум на твое место.

 

Како некој што живее под кирија веќе две години можам да ти кажам. Зависно од тоа каде ќе земеш стан под кирија рачунај дека сега кириите се околу 200-300 евра. Сметките околу 50-60 евра отприлика, зависно дали се плаќа парно дали е на инвертер итн, сметка за телефон. Ако возиш кола, сигурно 1000-2000 ќе ти одат во месецот за колата, ама имаш и поевтина варијанта какошто кажа точак, или евентуално тротинет да си купиш зошо за во Скопјево се покажа многу корисен.

За храна ние двајца трошиме 15 илјади, што значи дека ти сам би трошел сигурно 10 илјади во месецот зависно од тоа што јадеш може и помалку. Е сега види дали ќе имаш првите месеци нешто да заштедиш, тоа зависи и од дали ќе сакаш да искочиш, да пиеш кафе надвор, некоја книга да си купиш, па може на роденден ќе си поканет некаде итн.

Според мое мислење 60 илјади се сосема доволно да живееш пристојно, доколку знаеш рационално да ги поделиш.

 

Пиша дека со велосипед ќе движи, каков бензин. Има и поефтини соби под закуп.

 

Кирија испод 250е нема да најдеш со сметки 300, од облека многу зависи што купуваш.
Горе долу истата плата ја земам ништо не ми останува да тргам а идам пешки сегде ептен ако се брзам такси користам.

 

Па и сам пиша дека можеби некогаш ќе му затреба колата и нормално треба да има пари да си стави бензин.

 

Абе и женска ќе изгледа со тие пари, доста му се за старт

 

За почеток во Скопје не е воопшто лошо. Башка контакти кои ќе ти произлезат, едно-друго. Немој да размислуваш предолго за стан и сл. Дојди, види си и почни. Со тек на време сам ќе си процениш која населба ти одговара и дали ти одговара воопшто да земеш нешто. На почеток немаш доволно јасна претстава, после извесно седење е подруго. Има и доволно случувања/настани воглавно и за ич пари (што не мора да значи дека не чини како што другите мислат), само треба да ги најдеш луѓето кои ќе ти ги кажат. Во врска со седење зависи што претпочиташ. Мој совет е да си седеш сам - оти како ќе си направиш да ти биде, така и ќе си тераш (ти можеш да си мислиш дека со цимер ќе заштедиш, ама всушност за ситни пари само нервози ќе си имаш). Да почнеш и да не слушаш никој. Среќно!

 

Ако живееш вака ко што пиша, ќе можеш да изменаџираш трошоци.

 

Дали е ова плата за почетник или за некој со искуство? Бидејќи ако е за почетник, прифаќај и не мисли премногу.
За останатото, во зависност од тоа од кој град си, разгледај си ги условите и за патување. Има опции и има луѓе кои патуваат секојдневно. Така трошоците ќе ти бидат многу помали.
Според тоа што го напиша, ако знаеш како да ги менаџираш приходите воопшто нема да имаш проблем и ако изнајмиш нешто и во Скопје.
На крај, пробај, ако не ти одговара ништо не губиш туку ќе ти е само ново искуство.

 

Немам никој во Скопје, па се надевам дека некој тука ќе ми одговори.

Не сум од Скопје, но планирам да се преселам таму за брзо. Најдов работа, меѓутоа ми нудат 800 евра за старт. Прашањето ми е: каков е стандардот за живот таму и дали 800 евра би биле доволни за живот, земајќи во предвид дека ќе треба да плаќам кирија, сметки, јадење, хигиенски производи итн.? Не сакам да превземам ризик и да останам за никаде, па подобро да си се распрашам со време.

Би ви била благодарна за секое мислење и совет.

 

200-250 евра е минимум што можеш да најдеш гарсоњера.
Сметки околу 100 евра.
250 евра минимум за јадење.
И ќе ти останат околу 200 евра за останати активности и потреби.

 

Spoiler: /

Моментално ништо солидно не би нашла под 300 евра (оти имаш и за 200, ама реално се прави дупки и не ти препорачувам да ги гледаш), тука стави и сметки за одржување на зграда хигиеничарка+лифтови (никој не води сметка колку „често“ се расипуваат лифтовите и секој месец имаш различна сума на плаќање, да речам може еден месец да платиш 700 ден., следен 1200 ден., ако ти се зачести и посреќи расипувањето и до 1500+ ќе стигнеш, не се шалам). Сметки за струја/вода не би ти биле повеќе од 5-6000 ден., зимно време спремај се за повеќе (особено ако си во тие „модерните“ гарсоњери кои имаат прозори-тераси и немаш баш како да проветриш, а ќе ти бега топлината. Тие строго избегнувај ги, барај нешто со добра изолација). Воедно, барај си увид од претходно платени сметки, доколку седеле кираџии (посебно битно за струјата и електронски се гледа дека е платено); интернет нормално - без интернет да не си седнала, немој таму да биде да бараш нешто на долг рок и да те тераат ти да го средуваш тоа, од каде да знаеш дали ќе седиш долго. Тоа од нив да си е веќе средено. Секогаш сум претпочитала комуникација преку вибер, праќање од е-банкарство, што се вика подобро од пишено/пратено нема, така да тоа ти е најдобро. Обично бараат една кирија однапред, ама кога ќе ти се расипе нешто очекуваат ти да си мајсторот. Значи убаво од старт, тоа што ќе си се расипе - газдите. „Паметниве“ подметнуваат нешто скршено, затоа убаво проверување на кревети, комоди, плакари. И ако ме прашуваш, најубаво договор и мирна глава. ЈСП месечна карта 1400 ден., јадење е дискутабилно (некогаш надвор поевтино ќе поминеш неголи да готвиш т.е зависи и како се храниш/што практикуваш повеќе). Стави непредвидени трошоци како добри чизми (да не ме сфатиш погрешно, ама вистина требаат) за зимно време (што од мое искуство и те како е битно да ти се и удобни и практични - во смисла да можеш да ги забришеш и брзо да ти се чистат, но и да не пропуштаат), такси ако некогаш заглавиш (а ќе заглавиш сигурно кога-тогаш), повратна автобуска карта до дома, може да не ти е толку битно во моментот али стави си и трошоци за пломбирање заб или било што поврзано со заби (инцидентно може ќе ти треба пломба, цените се повисоки ако не ти е матичен стоматолог).

Не дека е невозможно, ама ќе треба сето да го прерачунаш убаво (ама и дури тогаш не излегува баш така, особено не во период есен). Според мене, за овој период треба многу, многу повеќе. Ако те интересира поврзаност од-до и имаш конкретно дилема за далечина на локација работа-стан; поврзаност со автобуси; бутици со добри цени и квалитет (но не толку познати), настани, итн. неспомнато, пиши ми во лп. Најискрено ти препорачувам доста брзо да се мешаш со луѓе и адаптираш.

 

Ти благодарам ПРЕМНОГУ! Имам свој автомобил, плус и се трудам да штедам што е можно повеќе, но сепак после сѐ и јас мислам дека со 800 евра е скоро невозможно да живеам нормален живот. Додади на тоа цело време непланирани трошоци, свадби, регистрација на автомобил, факултетски трошоци, стварно испаѓа невозможно. На почеток и јас размислував 300 за кирија, 200 за трошоци, па може 300 ќе ми останат за мене, но кога ќе размислиш подобро реалноста воопшто не е таква. Штета

 

Во тој случај сметај дека треба да плаќаш и за паркинг место (под 50 евра секако нема), гориво, што одма се гледа дека 800 се премалку (нема врска ова со тоа колку штедиш, едноставно и да сакаш да штедиш не можеш). Башка факултетските трошоци (не мислев дека си студент, што отежнува уште толку, свадби некако па ич не ги вметнува оти тука си влече отповеќе сосе спремање). Првото вселување повлекува и „ситници“, буквално да земеш средства за чистење (вц шолја, под, рерна..) и за хигиена (сапуни, шампони) онака почетно и скромно - нема шанси да поминеш евтино. Можеби(?) и би поминала со овие пари ако седнеш со цимерка, заборавиш на колата и си на ЈСП карта.