А кај реков дека јас ја подржувам, реков дека е нејзина одлука, не дека ја подржувам во тоа.. Секој има право да верува во што сака, не велам да верувате во тоа што и јас.. Ако се носат закони според стариот завет да сурови се, ама христијанството се темели на новиот, стариот е да се покаже животот пред Исус и неговото најавување. Поентата на целата Библија е во стариот завет Бог дава закони и насоки што да прават луѓето за самите да се спасат и влезат во рај, бидејќи не можеле сами го праќа Исус како жртва за сите наши гревови... Не ми е намерата некој во ова да верува ама Исламот и Христијанството не се на исто ниво.. И голем дел од правните закони се закони исти во Библијата.. Порано може немало толку писмени луѓе што би ја воделе државата па морало да оди преку црквата, денес има така што нема логика да ја води црквата.. А секој кој е на власт користи колку може се за да биде во негова корист.
Ај белким ќе се разбереме. Зошто за мене, Перса, Трпе, Стојна би требало да важат библиски закони кои се штетни за нас? Тој што сака да си верува - никој не му забранува - тоа е смислата на секуларноста. Дали во Исус, во Алах, во Зевс или во Велес... не е мој проблем. Ние што не сакаме да се водиме по библиски/курански морал, не смееме да бидеме принудувани на истото.
Јок, вујна ми ти е крива за твоиве мислења во кое нема едно логично нешто наведено. Сакам кажам не знам речам...
Озбилно еве. Физичка библија немам тука, кај моите ми е, еве скриншот од апликацијата. Куранот е превод, ако пишува "краток коментар" - мора да пишува така оти "вистинскиот" Куран е само на арапски Всушност, апликацијава (You Version) ја препорачувам на сите христијани од сите деноминации, ги има сите стари и нови преводи на Библијата, вклучително и сите македонски преводи.
Ако еден од вас го има исчитано Q'uran -от колку што се фали ама онака вистински да го учи не како книга да седне да го чита, ќе знае зашро девојкава се преобратила во Ислам. Се останато ви е само муабет за пред коопирација, кој е бољи, Исус или Мухамед.
Не мора цел Куран да го прочиташ, доболно е неколку сури за да сфатиш за што станува збор, напишани се неколку сури низ темава, прочитај ги. А иначе девојката кажа дека го нема прочитано куранот, можеби и затоа се конвертирала.
Немора она што е во Библијата да е и државен закон, Библијата исто кажува дека се што е државен закон треба да се почитува. Секој треба да има право да бира во што ќе верува во што не.. Тоа е и она што го вели НЗ (барем јас колку што го разбирам), дадено ти е што добро, сакаш прави го, сакаш не, никој нема право да ти суди, затоа што но тој самиот не се држи до законот... И јас си имам за одредени делови од Библијата кои што сметам дека се застарени и важале за тогашните луѓе, и не се согласувам со нив..
Сум го читала, и ми ги објаснувале особено Q'uran -от. Затоа што за мене беше страно нешто, а бидејки е света книга од друга религија на која не припаѓам не си земав за право сама да ја толкувам. Исто како што не сакаж некој од друга религија да ја толкува Библијата. Иако не сум религиозна, не верувам во цркви, сепак имам почит кон било чија религија. Девојката не знам како преминала во Ислам ама знам дека за да преминеш во Ислам не е само да веруваш во Алах и Пророкот Мухамед, туку си има правила, се оди на часови во Џамија каде се учи Q'uran. Самото носење на Хиџаб не те прави муслиман.
Јас лично го читав и по потреба читам поради стручна теза, подарок ми е од драг пријател муслиман, колега на факултет пред 15+ години. За дадената теза имав потреба од Куран, логично на македонски и не знаев каде да најдам, колегата, сосема свесен за мојата неверност во религија, ми го подари. И не проба да ме конвертира Многу пати од тогаш до сега сум читала делови само што конкретно ме интересирале, а религијата и понатаму е доста централен дел од моите стручни истражувања и пишувања. Апсолутно на двете книги (и други, не само овие две) им пристапувам најнепристрасно што можам, и од двете имам омилени цитати, имам омилени поуки/мисли/филозофии, но, ниту една не ме направи верник. Библија прв пат читав кога научив да читам (околу 5-6 години), на саем за книги од протестанти ми беше подарена детска Библија и моите тотално секуларни родители не ни сфатија дека е протестантска Како и да е, ден денес ја имам, скоро ја забележав кај моите во библиотеката и ја разлистав, спомени Ама таа книгичка, што се вика Мојата Прва Библија, беше повод од најмала да ме интересира да читам, учам и истражувам, до ден денес е исто. Прв пат "вистинска" Библија читав на почеток на средно. Затоа ги нејќам кога ќе ми кажуваат "како е" луѓе кои со прст не пипнале ни една од овие две книги, кои за мене се тоа, филозофски книги значајни за она за што сум се определила да истражувам и учам.
Тапшајте се по рамо, него шо е со муабетов? На Каме ќе и дадеме 5ка зашто читала детска Библија, тебе медаља зашо Куранот си го читала. Па уште и ке кажува кој бил Гугл теолог, кој читал и кој не читал Библија. Ај мерете си ги во друга тема.
Иронијата е во тоа што ти дојде на темава да си го мериш, односно да ја величаш твојата религија од која очигледно немаш поим.
Излегов од форумот и морав да се вратам да ти цитирам, затоа што ми искочи видео на тик-ток за вакви луѓе. Spoiler: . Најдете го профилов и изгледајте, ако пратам линк се покажува мојот профил. Колку е точно само..
Ај пошто си онлајн, може ли да кажеш што точно те привлече да бидеш муслиманка, нешто по кое си осетила дека е правилна одлука?
Добро. Мојата поента е, пишав поназад една реплика, не се согласувам дека нерелигиозните се тие што објективно ќе ја искоментираат оваа тема. Зошто? Затоа што за нив религиите и верувањата во Бог се прикаски, митологија и сигурно верниците не ги сфаќаат сериозно штом веруваат во такви работи. Тоа не е баш објективност, секогаш ќе тежат на страната дека религијата е лоша, непотребна, за прости, лесни, неинтелигентни луѓе итн. Тешко дека на оваа тема ќе се најде објективност, па и од нивна (ваша, пошто и ти си во нерелигиозните) страна. Кога почна да се коментира во темава против исламот, се вклучија некои членови во одбрана, па ете почнаа со примери "ама па во христијанството е вака, онака". Зошто? За да не се осеќа членката нападнато, а има за исламот да се пишуваат забелешки и критики, знаеш и сама. Не е само дека дошле христијаните на темава да го бранат своето, да шират омраза на туѓото. Напротив, некои членови посочија зошто нејзината одлука не им се допаѓа, затоа што сама избрала од една послободна религија да премине во порадикална. Но, сите пишавме дека сепак таа си знае најдобро за себе. Нема потреба да се напаѓа едно за да се одбрани друго. И неверник и нерелигиозен ќе ги даде истите забелешки за исламот што беа напишани во темава. Еве настрана шеријат и закони, зборуваме за секуларни држави, кој е тој, освен исто така муслиман, што ќе и' рече браво за тоа што почнала да носи и хиџаб? Нејзин живот, нејзина одлука, да, но кога коментираме на темава, сите ќе речеме дека не мора да бира религија што и' налага да се покрива. Мене лично, не ми е пријатно кога ќе видам забулена жена. Не затоа што е поразлична од мене туку затоа што сметам дека нема потреба од одење во таков екстрим, како да оди против сама себе, против она што таа е, се крие себеси. И ова не го кажувам како христијанин кој мрази различни од себе туку така ми кажува разумот. И пред некој да рече "а што те засега тебе тоа", па темава е за тоа и ете си кажуваме што мислиме. Нормално е да имаме мислење и кога нешто не нè засега. А монахињите што се покриени, тие се во монашки живот и во манастир, не е исто. Не мразиме муслимани, не ги мразиме оние со различни верувања од нас, вклучително и атеистите. Само имаме некоја причина зошто ние веруваме во тоа во кое што веруваме, зошто не веруваме во нешто друго. И на крај, тврдиш дека е изманипулирана. Па, сите имаме некој период после кој ни се промениле верувањата. Јас не би рекла дека е изманипулирана, бидејќи самата таа после разговорот со колегите се интересирала за темата, не е одеднаш, требало време за да се запознае, да размисли, да одлучи. И тоа е процес, не е туку така перење мозок.
