Секаде го има, ретко кога го нема низ рафтовите, евентуално кога го ставаат на попуст, па нијансата ivory ми ја снемува за час. Јас најчесто одам во ДМ во ГТЦ и во Веро, па секогаш ги приметувам, има доволно избор. Провери таму ако те носи патот натаму.
Јас го имам овој коректор на Alverde,околу 200 денари ако беше или помалку не паметам од ДМ го земав и нема јака покривност.Го користам за да ги покријам подочњаците
Како го нанесувате Кетрис коректорот? Јас си го земав, ама сега ова ми е мака. Девојкава го става со сунѓерче, па ме предомислува да си купам и јас.
^ Со прсти, најубаво ми е. Пробав и со четка и со сунѓерче и со апликатор најобичен. Златен прст, повеќе не експериментирам, не ми се допаѓаше ефектот. Пробај со сунѓерче, така ми игледа дека се добива поголема покривност, но мене ми се собира во линиите на очите кога правам фацијални експресии или без разлика, кога ќе помине некое време од нанесувањето.
Не, од самата топлина на прстите се затоплува смесата и полесно ми се нанесува. Си се топи со кожата и си останува така цел ден. Со сунѓерче беше тотална спротивност, навистина не ми се допадна.
Jас го ставам на топло малце над печка да се „стопи“ и после со прст го мачкам. Ама ставам и камена пудра малце врз него.
И јас го користам Camouflage коректорот на Catrice и морам за истото да се пожалам, односно дека после неколку минути од нанесувањето ми се познаваат линии под очите. Ставам со прсти а имам пробано и со четка ама џабе, пак се познаваат. Мислев и јас да набавам суѓерче (до сега не сум користела) ама штом и тоа нема ефект ќе набавам крема за под очи, а можеби на крај краева и ќе земам некој друг коректор иако навистина овој има солидна покривност.
Нај задоволна сум од пан стикот на Макс фактор, го користев и Артдеко но не ми ги исполна очекувањата некако
Уште малце ќе биде „дајте ми од тоа Кате-то два комада.“ И мене ми се дешавале такви мешанојазични бисери, па знам.
И јас пробав да го подгреам и супер ми се размачка и не ми се направија линии. Може има врска со кој прст го размачкувате. Имаше некоја статија и прочитав дека до-малиот прст имал најслична структура со кожата на лицето, па затоа најдобро е со него да нанесувате. Јас така правам и океј е.
Инаку мал совет до незадоволните од коректорот на Катрис. Јас секогаш го нанесувам со прсти под пудра, а потоа нанесувам пудра со четка и убаво го блендирам делот под очите за да се соединат на некој начин. Со ваквиот распоред и начин на нанесување никогаш не сум имала проблем со правење линии под очите, а имам такви мимични брчки. Пробав да го нанесам коректорот и со четка ама не ми се допаѓа ефектот. Иако секоја кожа различно реагира, сепак мислам дека треба да се пробаат повеќе начини на користење и кој би дал најдобар ефект.
Мислам дека е 010 Ivory, посветла од неа нема. Мене нијансата ми се слева со природниот тен, многу ми се допаѓа.
јас мислам дека 03 е посветла од 010 бидејќи јас ја имам таа, а мене ми е посветла од тенот, а @Mishela јас и ти имаме прилично исти тен (мислам и ти ја користиш 150 Buff од Colorstay)..нијансиве и бројкиве се чудни, сите се прилично светли, @Waka-waka мислам најубаво да си пробаш
Како и` е називот на твојата нијанса? Ништо чудно, најдобро е да се проба. Јас ризикував , немаше тестери и не пробав тогаш, па одев по логика - ivory е единствена нијанса која најдобро ми одговара, па ја купив неа. И без разлика што нијансата е еднаква со мојот природен тен, сепак темните кругови ми ги покрива одлично.
