Користење ВИ за пишување мислења на форум

Кога го прочитав името на темава мислев се работи за Ви ко персирање. Си реков што им стана на жениве, 15 години скоро тука се расправаат ко јатрви или си се нарекуваат како "сестри" сега ќе ќе си персираат.

Ако забележам мислење или ФБ статус пишувано со AI го прескокнувам. Тоа тој што го објавил прашање дали го прочитал, зошто јас да го читам?

 

Пред скоро, можеби нема цела година, Универзитетот во Цирих спроведе истражување на еден subreddit(r/changemyview) користејќи ВИ профили и генерирани коментари и мислења(AI chatbots) со цел утврдување на способноста на ВИ да влијае врз мислењето/размислувањето на определени индивидуи во однос на најразлични теми.

Експериментот беше спроведен во тајност, без претходно известување на модераторите на овој форум. Тек откако го спроведоа, ги известија, што предизвика голем скандал, бидејќи луѓето се осетија изманипулирано од страна на ВИ.

Беа покренати многу прашања во однос на етиката на спроведување на ова истражување. Модераторите покренале и официјална иницијатива за прекин на публикацијата, што за жал беше неуспешно.

Одговорот што го добија беше во прилог дека етичките прекршоци што се случиле биле многу мали/незначително, во однос на значајноста на резултатите што се добиле од истражувањето.

Еве ви еден многу близок пример, каде бил инволвиран форум и како ВИ може да влијае во ваква средина.

Еве ви и линк доколку сакате да прочитате подетално за целото збиднување.

 

Не сум побарал, ама баш ќе побарам деновиве.

Можеби уште е рано да биде објавено, бидејќи сепак се работи за истражување што треба да помине низ неколку филтри пред да биде објавено во научно списание или сл.