Корици на книги

Мене најмногу ме привлековаат конкретни корици. Сакам да се дебели и еднобојни, доволно е да го пишува само авторот и името на книгата. Никакви слики и пејсажи не се потребни, дури и одбивно ми изгледаат. Се знае бе клот тегет боја, дебела картонска кориса и со златни букви да пишува Л.Н. Толстој Војна и Мир книга 1.

 

Апсолутно не си во право. Се слагаме дека маркетингот е најбитен и во продажбата на книги, но за другото...
Ако станува збор за странски автор, македонските издавачи не е нормално колку не посветуваат внимание на преводот. Имаме преводи од српски на секој чекор на книги кои се во оригинал англиски, шпански, француски. Не зборуваме за свахили па да не може да се најде добар преведувач.

Исто така, македонскиот редовен читател не постои. Добро, претерувам, ама не сфаќам од каде е проценката дека редовниот македонски читател е човек со изградени естетски вредности?! Дури и да е, нема книжарница во Македонија каде можеш да влезеш и да си разгледуваш со часови без да ти се обеси некој на врат како во бутик да си, па „редовниот македонски читател“ секогаш завршува со прашањето, а што се работи во оваа книга, за тетката во Матица да ти објасни дека таа се заљубила, ама он ја изневерил и ја оставил и таа после го нашла принцот на бел коњ и тоа е изборот на книга. Трагично. Нит корица игра каква било улога нит ништо друго освен таа глупава препорака.

И тука е целата приказна, всушност. Погледнете кој продава во Македонија. Лајла Грејс - илјадници фанови на Фејсбук. Дарко Лешоски - исто. Коста Петров - агресивна маркетинг кампања на секој можен медиум, билборди, реклами... вложени пари, за да земе пари, по американски систем, ама се сомневам дека си ги извадил парите како првите двајца. Игор Џамбазов, ситна маркетинг кампања, ама име на легенда кое продава. Кориците, дамла да те мавне. Катастрофа. Сите книги на Три издаваштво, мора да го има ликот на авторот, а Дарко Лешоски не се потрудил ни боја да стави, као нешто минимализам, ама барем корицата е квалитетна, на рака е различна од стандардното.

Ако себе се земам предвид, никогаш не сум бирал книга според корица и никогаш не сум влегол во книжарница без да знам што барам. Но, кога би требало да го направам тоа, дефинитивно би се закачил за нешто кое е unordinary. Да, на полица сите изгледаат убаво, ама купувањето книга за мене, а сигурен сум и за многу други претставува чин ист на купување на шал или капут. Сакаш да ти биде топло на душата само што ќе го видиш.

Додуша, откако ќе заврши, најлошата корица на светот ќе ти биде убава кога ќе помислиш пак на неа, ако содржината била одлична. А сите ги памтиме книгите по корицата. Кога ќе се сетиме на нив од иднината, не ни паѓа на памет каков проред имале буквите, туку таа грдата корица за која зборуваме токму тука. Затоа и најнебитна е за добра книга корицата, ама па, мајку му, тооолку е убаво кога ќе ја купиш, а корицата е прекрасна.

 

Мене не ми е воопшто битна корицата,барем дизајнот.Сакам книги со подебели корици,имаат подруг осет,ама што има насликано,не ми влијае многу на одлуката дали да ја купам.
Порано знаев да влегувам во книжари и да очекувам да ме привлече некоја книга со уникатен изглед,но кај нас нема ништо такво,нашиве изданија се ужасни,со прости слики и никаква естетика.
Сега се знае,одиш на Goodreads,таму списокот си го отвараш и ја бараш книгата во книжара,барем знаеш содржински што да очекуваш.
Се разбира дека многу поубаво е кога поседуваш книга со одлични корици,како и убава содржина,прекрасно изгледа на полицата,ама не ми пречи грда корица,се додека уживам во напишаното внатре.
Од таа страна,повеќе влијание ми има насловот и често сум испаднала од книжара празна бидејќи навистина очајни преводи прават некои издавачки куќи.

 

Апсолутно е важна корицата на книгата! Можеби не најважна , но сепак треба да е солидно упадлива во очи на читетелот, како тој би се заинтересирал за неа.Изгледот на насловната , може да и даде голема продаваност на книгата, и да ја прослави истотака, а патем убав дизајн на една книга, прави таа, да изгледа естетски и уредно.
Неодамна бев фасцинирана од една насловна страница на роман од чик-литература, кој како роман бил доста популарен , и имаше некаде околу 500 страници.Можеби некогаш и содржината на книгата која најчесто ја има , назад на последната страница , од другата страна на корицата, е важна , ама како и да е добрата насловна ме натера да ја купам таа книга , и бев изненадена мошне позитивно.

А и мора да признаеме, автентична корица, секогаш не интригира повеќе , нас читателите.Бар мислам за повеќето дека е така.

 

Па да, јас сметам дека кориците се доста важни. Некогаш одиме во книжарница без да имаме сознание за некоја книга, дали е добра и дали треба да ја купиме, па тогаш она што ни привлекува внимание е корицата. Мене кога ќе ме привлече корицата, веднаш ја вртам книгата на задната страна да прочитам кратка содржина.

 

Сакам убави корици, ме привлекуваат да ги читам книгите. Но, не ми се до толку пресудни. Сепак, мислам дека и кориците и насловите имаат некаква улога во бирање книги, барем кај мене.

 

Не ги бирам ниту според корицата, ниту според насловот. А и повеќето што ги имам прочитано си имале најобична тврда еднобојна корица

 

Критика за лош дизајн

Особено затоа што нема ознака дека е поделен зборот, на македонски не ни има логика она „ничка“ па уште доаѓањето до израз на буквата „п“ заради дијагоналната линија, уште полошо изгледа.

 

Касија, те цитирам во темава зашто ми се чини поприкладна за прашање поврзано со илутрациите на книгите.

Има ли илустрации и внатре, во самите книги?

Текстот "со илустрации на Емил Бајар" укажува/подведува дека ги има и во книгата, ама сепак ми треба потврда. Се надевам не се однесува само на кориците.

 

Да, има и внатре по некоја црно-бела, но не се многу.