Сте се сретнале ли со вакво нешто на вашиот факултет? Еве баш сега слушнав за новиот систем за пријавување по електронски пат. Што мислите за ова ќе успее или? Добро е што може да се пријави корупцијата и што тоа може да биде и анонимно, бидејќи нашиве студенти се многу исплашени. И на мојот факултет имаше ваков случај. Го пријавија професорот, го суспендираа и после некое време пак го вратија на работа да биде угледен професор. И каде е тука правдата? Дали и вреди да се пријави корупцијата кога и така нема ефект?!
Исто и кај мене имаше таков случај и после кога го вратија во таа сесија сите ги бутна оти бил многу изнервиран па да им врати на студентите Постои корупција на факултите и тоа посебно на тие потешките факултети каде што намерно те бутаат за да си го платиш испитот а ако не ќе треба да пишеш квадрат и да губиш цела година. На економски сите знаат дека математика и статистика од 1000 души од генерација во прва година, можно е само околу 200-300 да го положат преку колоквиуми,а на тие што ќе им остане за на испит или ќе го платат или ќе губат година. Таква е ситуацијата на нашите факултети. Сега може ќе се сменат работите затоа што многу студенти се запишуваат на приватни, па државните губат студенти па може ќе омекнат малку во оценувањето, ама кој знае? Кај нас корупција има во секој можен сегмент од општеството и во секој сектор од стопанството, па така нормално е дека и во образованието ќе има. Не може да очекуваме одеднаш да се искорени корупцијата,затоа што и самите власти колку и да викаат дека прават напори за борба против корупцијата, они и самите учествуваат во неа. Ќе фатат еден професор и ќе се збори на ТВ дека демек многу вешто се борат против корупцијата, а реалноста е дека додека го фаќаат тој професор, во исто време има уште 50 други проф. што земаат мито. И тие сите професори се јаки луѓе и се поврзани со политичарите така да не ми се верува баш дека може да дојде некоја влада и да ги отпушти од работа затоа што земале пари за испит Они самите со себе се штитат. Затоа не гледам дека во скоро иднина би се решил тој проблем. Добро е барем да се намали до некои размери, ама за целосно да се искорени потребни се многу поголеми напори, мерки и контрола.
Е па редно време беше да ги подберат малку, иако ова е далеку од подбирање, ама ај да речеме дека е прв чекор. Како прво со книгите на некои факултети 'ршум направија. 2000 денари книга, па морало сите да ја купат, а секоја година - ново издание! Направи ја 500 денари, сите ке ти ја купат, и онака толку ке платат за копија. Плакање испити верувам дека има на секој факултет. Не кај сите професори, ама кај дел од нив дефинитивно. Ќе ги протресат, тие се на ред. Во Хрватска парче ги направија. Се надевам и тука ќе ги средат.
Ако почнам да кажувам за на мојот факултет, отиде темава во полиција Шала на страна, многу имам да зборувам ама ќе се задржам на кратките и прецизни работи. Има. И во никој случај нема да се сопре, затоа што ова е Македонија(не дека во другите држави нема, но полесно се sправуваат и побрзо) и затоа што тука никој нема храброст да се проба да му се спротивстави на професорот. Уствари има, но малку се, и така сите само си чекаат, на некој ќе го фати шестар системот, некој и ќе даде, а некој ќе учи факс и до 35 година од животот. Има професори кои се директни и отворено си кажуваа колкава им е тарифата, има и онакви кои одоколу си кажуваат, а има и кои ништо не велат, ама се некој ќе се најде и ќе им даде под рака. И сите на крај земаат. Имам еден професор кој не бара, ама зема. Како? Пуштил мушичка уште од денот кога станал професор и кај него се знае како се поминува. Да ви ја кажам таирифата ли? 10 000 денари за една шестка. Не е скапчија, нели? И си го влечам неговиот предмет од втора година, за џабе, ама немам да давам пари и точка. На крај изгледа сепак ќе мора И бил суспендиран еднаш, и платил казна за тоа, ама џабе бе, пак го вратиле на работа, сите го сакаат и почитуваат( демек). И сите студенти го знаеме тоа, јавно зборуваме, се жалиме секаде, ама никој не слуша. Сите викаат имaл добра позадина . Па да , знаеме тоа, не е само тој, тој е еден од многуте такви. И мислам дека ни тајно, ни јавно кажување нема да помогне, ниту интернети, ни телевизии нема да ги спасат студентите и учениците од корумпирани професори.
Исто мислам дека нема да се искорени оваа корупција додека има корупција во погорните сегменти. Значи професорот и да го фатат, пак има врски и ќе се извлече. Затоа проблемот мора од корен да се исече, па да се тера понатаму. Ееееј професор да го фатат за корупција со цврсти докази и пак да го вратат на работа. И после ќе биде угледен човек што треба да постави пример. Па каков пример ќе биде тоа? Меѓу предавања седнале пијат, локаат и после едвај се додржуваат до предавалната. Па не знае што зборува и треска некои глупости. Се придржува на таблата да не отиде. Ццц еее таков ни е образовниот систем.
Стандард појава, за жал. Бараат пари за да пишат повисока оценка или за да те пуштат да поминеш со 6ка. Форсираат да ги купуваш нивните книги. Ако те види со туѓа книга, сонувај дека ќе поминеш кај него/неа. Од инает ќе те бутка. Да не споменувам професорка од Правен факултет. Сигурно ќе ја препознаете. Бараше да и ги купиш книгите....и кога ќе одиш по оценка да ги носиш со тебе, ама на нив да стои твоето име и презиме.
Ооо да. Имав дури и понуда од професор да се дружиме во хотел па да ми пишел оценка. 6 месеци по судови одевме и џабе он пак си е на работа. За пари нема да зборам сите професори зимаат, страшна работа.
