Кој ќе оди на одмор во Грција?

@Ahoy @awkey Фала ви многу на одговорите. Значи Парга и Лефкада се добра опција и дефинитвно би разгледала втор и трет крак, дека не сме баш по журки и бучава.

 

@Ahoy Помагај! хахахахаха Годинава цениве некако во вис. Предложи ми некое убаво место 3крак или после трети. Не можам да се одлучам. Фала ти најмногу

 

Некои критериуми имате, да знам што да предложам?

 

У принцип мирни места, и плажите да се убави. Немаме деца такви работи, сакаме да шетаме. И да не е мн скапо местото

 

Лефкада ако ви се шета. Мора да се посети пред деца.

 

Јас сум била да преубава е, меѓутоа скапа е годинава, ние сакаме полупансион многу е мал изборот и тоа што го има е околу 1000 евра или е само спиење

 

Олимпијада
Местото е и повеќе од мирно, плажите и повеќе од убави, локацијата топ. На 3-5км. имате преубави плажи, ако сакате можете и плажите што се на третиот крак околу Неа Рода и Уранополис да ги посетите на околу 40-50км., а и Амулијани и островите Дрениа (Магарешки Острови). За шетање навечер блиску се Ставрос, Неа Врасна, Аспровалта, Јерисос, а малку подалечку и Неа Рода и Уранополис. Одлична пристапност до секаде.

Друго, можете Неа Рода на трет крак, иако прв избор за тој дел би ми била Олимпијада. Јерисос е некако без душа, а може и Уранополис, ма да повеќето ја преферираат Неа Рода.

Исто во обзир може да ја земете и Кавала, односно Неа Перамос, Неа Ираклица и Палио. Кавала е преубава за шетање, плус има одлични плажи во околината, а за помирно може да се сместите во набројаните селца/ градчиња околу Кавала. Овој регион ви е поскап да бидам искрен.

 

Леле фала ти многу дефинитивно ќе побарам. Само уште нешто, што знеш за Тасос што можеш да ми препорачаш и дали е многу по скап?

 

Грција секогаш е прескапа во хотел да се сместиш. Јас секогаш бирам апартмани, ама годинава и тие се прескапи.
Никана и грчкаинфо побара?

 

Да да, секако, поскапо е било каде хотел. Ама приметувам порано имаше и апартманчињата/собите имаа договори со тавернички, така сме иделе, сега го нема тоа за жал :/ Годинава цените и за сместувањата се поскапи, апартманите односно собите за двајца се движат околу 80е и тоа за краци, што не беше случајот до лани...

 

Даа, ние дека ке сме со дете, барав апартман на сама плажа, се беше над 80 евра ноќ, ни лежалки, ни модерно наместени апартмани, се што видов беше бедно.
Сега најдов апартман по топ цена и модерно наместен и ке си возиме на плажа секој ден ако локалната не ни се допаѓа.

 

Сега те прочитав за полупансионот и морам да кажам дека на Тасос секогаш се наоѓал добар хотел со пристапна цена. Годинава немам проверено, ова е искуство од претходниве години, но ако го планираш Тасос гледај само на Никана.гр., имаат многу избор затоа што таму им е седиштето и свашта може да се најде. Пример Алое Хотел можеш да го видиш (едно време и наши агенции го работеа) и Лоутроу Бунгалови што ми текнуваат во моментов.

Исто, за смештај попристапен е Јерисос на трет крак. Можеш да го видиш хотел Алкионис на сама плажа, баш беше океј со цена претходниве години, претпоставувам и сега е. Имаше и во Неа Рода исто еден пристапен хотел, на Никана беше, не ме фаќај за збор ама мислам Xerxis. И Теоксенија кај Уранополис би требало да е пристапна за полупансион во сезона.

А ако се одлучите за Тасос, преубав е, секако нема да се покаете, особено што немате деца и не ви е проблем возењето

 

Фала ти најмногу, ме просветли

 

Како е на Крф почетокот на јуни? Температура, забави, цени во маркети/ресторани и за лежалки?

 

За почеток не знам, но лани бев на крај на јуни.

Времето нам ептен ни се погоди, темп. се движеа околу 30-35 преку ден. За забави, зависи каде ќе бидите сместени, во Кавос претпоставувам има многу, јас бев сместен во Ипсос и таму има околи 5-6 кафичи со музика до кај 01ч и барем два ноќни клуба кои работат после 01ч. Во градот - Крф/Керкира само во кафичи бевме и општо градот е доста раздвижен до доцна, за забави таму не би знаел конкретно, но сигурен сум дека има.

Цени - во малите продавници цените се највисоки, во Ипсос има еден АБ маркет во средината на таа долга улица и тука цените се најниски. На влезот на градот Крф има Лидл, па доколку сте со кола или евентуално мотор можи да си пазарите од таму. Гиро е од 3,5-5€, морска храна вообичаено над 10-15€, коктели од 7-8€ па нагоре, пиво во кафич 3-5€ итн. Лежалки околу 8-10€ за пар.

Водата најладна беше на Палеокастрица, а на останатите беше таман. Сепак, Јонско море е вообичаено поладно од Егејско, особено рано лето.

 

Колку често има траект до Амулијани и која цена е за со кола? @Ahoy ако знаеш.

 

За Лето 2023 уште не е објавен календарот и ценовникот, ама лани конкретно и преклани траект имаше на секој 15-30мин. од 7 наутро до 7 навечер, цената беше 2-3€ по лице и 10€ за автомобил, во еден правец.

Сигурно ќе објават наскоро и за лето, може да следите тука: https://ammoulianilines.gr/en/schedule/.

 

Здраво споделете искуство за одмор во Торони втор крак со две деца 5 години и 2 години .? И дали некој бил во хотелот blue sea ?

 

Блу си го имаат нашиве агенции, не сум била ватре но од надвор хотелот изгледаше убаво и доста средено. Торони како место не е многу големо но нема некоја претерана гужва и не е панаѓур како на прв крак. Плажата е со плаво знаменце, преубава е долга има место и за сам да с ставиш пешкир и сл., но има и бич барови со лежалки, чадори. Водата е чиста и морето е мирно на тој дел и е релативно плитка, она нормална, но не е одма длабоко што би ви значело за со децата. Моја препорака е да седнувате што е можно повеќе накај брдото со замокче натаму е поплитко.
Немам деца, но лани видов многу деца од сите взрасти така што сметам дека не ви е лош изборот. Покрај плажата што е плитка, имате и две три од оние како флипери за деца така што имаат кај да се забавуваат а видов и лулашки и сл.
Ако имаш уште некое прашање слободно