Кој ќе оди на одмор во Грција?

Се мислам дали тука или Солунска регија (има апартман за одлична цена, дури и ефтино е), па да шетаме на прв крак Калитеа Ханиоти Пефкохори по еден ден.

 

Да си го надополнам постов од лани
Погоре со медузите и Калитеа како да сум се урочила. Лани бев првата недела од септември, првите денови не видов ниедна, ама последниот ден огромни имаше бев просто шокирана, од оние кафеавите. Ама водата беше сон пречиста, само лично ми е негативно што е многу плитка. И препорака за плажичка и смештај Галини.

Го шеткав малце поише вториот крак па да споделам импресии.

Метаморфозис се наоѓа на преубава локација во борови шуми, има многу патеки за шетање во шумата и ако сте за поактивен одмор е идеално. Централниот дел на плажата е многу тесен и не ми се допадна, меѓутоа делот накај кампот, десно од центарот е широк и скоро жива душа немаше лани крај на јуни. Е сега мене не ми се допаѓаше што не е песок, туку во водата има камчиња, мене лично ме нервира тоа, да сакав со камења ќе се бањав во Охрид Ама водата е поприлично чиста и топла, медузи не видов. Има паркче и мини луна парк за деца, по некој кафич и ресторанчиња, пекара, слаткарница, ама нема нешто кој знае колку за шопинг да речеме ако си сакате џиџи миџи.

Вурвуру мене лично ме воодушеви, посебно Кариди плажата леле сон е. Бистра плава вода и плитка е, секаде е песок, се осеќаш ко на некој остров да си, а не на заливче. Сабајле рано кога отидовме немаше жива душа, ама до 10:30 плажана беше преполна. Не препорачувам за време на викенди оти е ту мач немаш кај да се свртиш. + За тоа што има дрва па можеш да се стационираш под сенка.

Неос Мармарас лично мислам дека не би се сместила, премногу бучно ми е и ради пристаништето не би одела баш на градската плажа. Инаку преубаво градче е, живо, како за млади идеално, посебно ако сте со кола може да си шетате на околните плажи.

Геракини е мало местенце, меѓутоа има продавници, ресторанчиња, не е до толку досадно да речеме, ама сепак повеќе е како за пензионерски одмор Плажата е ептееен широка, водата е убава и чиста, и е песок.

Сега последнава недела од јуни одам на трет крак, смештај имаме во Јерисос и ќе го шетаме тој предел па ќе споделам импресии. Желба ми е Амулијани да го видам, ама ќе видиме дали ќе се натерам да се качам на брод

 

Солунска регија каде? Неа Флогита/ Плагија/ Каликратија/ Мудања или Переа/ Неа Триада/ Неа Михаониа? Многу зависи од тоа.

 

Каликратиа, Флогита, Плагија.
Последните две сосема ми се непознати.

 

Ве молам мислење за Дионисиос? Каде се наоѓа ова место? Какви се плажите, има ли за шетање навечер?

 

Дечки какво искуство имате во Неа Плагиа?Плитко ли е ситен песок?Водата каква е?

 

И тие ви се супер опција, слични со Неи Пори. Јас би избрал некое од нив пред Неи Пори веројатно, меѓутоа не рачунам на опцијата шетање на кракот, според мене е далечку, посебно во сезона кога се прави огромна гужва и неретко се заглавува во сообраќај. Еден ден да, можеби, и тоа не подалеку од Калитеа или Сани на другата страна.

Другиве се одма до Солун, и не се многу познати меѓу туристите, освен Переа можеби, па затоа и веројатно не ти се познати.

 

Во план е еден ден во Калитеа да одиме, еден во Ханиоти. Останати денови на Сахара. Ова од Каликратиа.
Со мало дете сме, станува рано, би тргнале околу 8 и пол, и тоа време може да фатиме гужва?
Вредат околни места како Плагиа Флогита да се посетат или исти се со Каликратиа.

 

Јули и август обавезно, посебно па кога ќе ви дојде за враќање. За Калитеа можеби и нема да ви биде толку проблем, најжустро е после Калитеа кај Криопиги па натака.

 

Здраво дали може некој да ми даде мислење за местото Никити? Како се движат цените, цени на лежалки и некои искуства?
Би ви била многу благодарна бидејќи одиме прв пат во Грција.

 

Луѓе дајте предлог за сместување во Сарти !

 

Препорака на најубава плажа и beach bar во Ханиоти, Пефкохори или Полихроно?

 

Ако сте во Каликаритија нема што да ги посетувате Флогита и Плагиа.
Флогита е иста скоро како и Каликратија , А Плагиа си е селце ,споено со неа .
Плажите се исти на сите три места
Е веќе Калитеа ,Ханиоти ....сосема друга димензија е натаму

 

На 3 км пред Неа Модења или поточно после Неа Каликратија .
Нешто како населба му доаѓа
Две улици се
Има 2 -3 таверни , 3 кафичи , 2 за гиро , една преубава слатката , и 3 малски продавници за храна . И убаво игралиште за деца .
Плажата е солидна .
Не е скапо , вилите се скоро сите исти .
Со големи тераси и бавчи скоро во секоја вила .
Нема за шетање нешто навечер .
Ако сте со дете е ок да одите , ама за помлади лица искрено Не е .
Додуша не знам што "бараш" од одмор за да дадам конкретно мислење

 

Фала.
Таков е планот, да одиме по еден ден во Калитеа и Ханиоти. Трет предлог имаш? Од 8 дена планот е 4 дена на шетаме. Ако има уште убави плажи, сподели ги да ги ставам во план.

 

Не знам колкаво ти беше детето , т.е сака ли да се вози.
Ние лани со 8 мес бебе бевме на еден ден до Калитеа , супер пројдовме .бевме сместени Дионсисос.

Би ти дала предлог и до втор крак да појдете еден ден
Или Вурвуру или од другата страна до Неос Мармарас .
Вториот крак е неспоредливо поубав од првиот , има шума , морето е "другчие" ...
А не е со мн подалеку од местата кои планирате да ги посетите на прв крак .

Едит :
Ханиоти би го скокнала
Мене ми е мн џунгла таму ,нервоза за паркирање , гужви ...
Ама вие си знаете

 

Морето на прв и втор крак не се споредува со овие Каликратија,Флогита,Плаја.
Ако е малку разлика во цена па и малку разлика бирајте прв или втор крак .

 

Точно
Нема место за споредба на плажите и водата на краците со оние на Кал,Флогита ...
Но цените на краците се малку повеќе од дупло повисоки , на све .

 

Не знам како е годинава и лани(бевме друга дестинација)
Но порано и не беа нешто многу разлика апартманите на прв крак,вториот бил поскап од секогаш ама и со право.

 

Големо е, тогаш ке биде 4 години и обожава да се вози.
Еден час возење има, дефинитивно и Неос Мармарас ке го посетиме. Фала.
Уште бич барови ако имаш да посочиш, средена плажа со јадење, многу ке сум благодарна.

Разлика е дупло, буквално. На краци не најдов ништо под 80 евра. И тоа за 70 беше мизерно. Овде најдов нов смештај за топ цена.
Плус тоа ке ни е втор одмор.
Патем во Каликратиа не, Сахара ни е изборот.

Пишав и погоре, втор одмор ке ни е, и немам намера да плаќам 80 евра ноќ. Во Никити најдов на сама плажа ама премногу е за спиење само во апартман.