Кој ќе оди на одмор во Грција?

Никити супер, а афитос плажите и се е убаво, ама дали можете да пешки да одите зошто афитос е мн на угорници/ удолници и тесни улички и кора пешки. А и двете како градчиња се супер и имаат се. Јас би одбрала никити, башка и околу имате преубави плажи

 

А дали има за шетање на двете места, каде да се прошета? За навечер со децата каде да се излезе?

 

Ако сте со мали деца одете Сивири. Долго плитко море , преубаво чисто. Блиску е Калитеа , Афитос ...
За Афитос и погоре пишаа дур се симнеш до морето со две мали дечиња... и Калитеа е така исто.
Ние во Афитос на шетање одиме , не на плажа.

 

Има да за шетање и играчници и се ама сепак еве и членката погоре како што ти напиша и Сивири ви е добра опција ако не ви се вози до втор крак

 

Здраво, ми трева за крај на Јули превоз до Кавала. за 2 лица. Ако знаете цена и некој шо ќе не однесе со мајка ми.

 

Побарај ги Импала Травел вршат превоз за Грција ...

 

Мислење и искуства за Скијатос дали е раздвижено навечер и какви се плажите, цените? Планираме да одиме крај на јули.

 

Имаш посебна тема за Скијатос во оваа категорија, доста е објаснето таму за овие прашања…

 

Здраво!
Дали некој скоро време бил на одмор во Платамона?
Ние резервиравме сместување во близина на кампот Каламаки, и според фотографиите, плажата изгледа убава и песочна. Ќе патуваме со двегодишно дете, па ни беше важно да бидеме блиску до плажа.

Ако некој има искуство од претходните неколку години, би ми значело да сподели информации околу:
-какви се плажите
-какви се цените (во ресторани, маркети, лежалки итн.),
-дали има каде да се прошета во близина,

и општо – дали сте задоволни од местото?


Фала однапред!

 

Сум бил во Платамона пред некоја година на викенд. Преубаво е местото, има шарм, навечер посебно, со супер таверни и места за седнување и вистинско уживање. Мало е, ама некако доволно, има вајб.

Не е претурено со Срби како другите места во таа регија, а има и доста Грци. Платамона не е само летна дестинација, таму си живеат луѓе преку цела година.

Градската плажа и потоа накај Пантелејмон е со каменчиња, ама кампов кој го спомна е накај Неи Пори така што плажата натаму е голема и песочна, без грешка.

За шетање во близина, можете пешки до Неи Пори, пола час отприлика лесно пешачење, денски можете на ручек во селото Пантелејмон и да ја посетите тврдината таму. Исто накај Пантелејмон од тој крај на Платамона има многу убава патека меѓу шините (не функционираат тие) под сенки, ако сте по трчање или пешачење стварно вреди, покрај море и многу убави сцени и погледи има.

 

Може некој да ми предложи сместување во Неи Пори кај шо сте биле? Само да не е прастаро внатре зошто за повеќето шо ги читав коментарите имаше многу такви. Не дека барам некој луксуз ама барем да е пристојно, а не скршен кревет.
Се мислам дали таму или Полихроно.

 

Лани бевме тука сместени, пиши и на вибер ќе ти пушти видео +306972214594

 

Со дете Неи Пори или Платамона, Неи Пори бевме едно лето и единствено што не ми се свиѓа е нема дрва за сенки па мора со чадор, а е многу топло така за со мали деца. Користевме лежалки ние/ Песочна плажа, и во морето е песок. Има долга плажа за шетање и активности за деца за навечер.
Платамона не сум била да кажам ама читам дека е добра.
Лептокарија е камењеста. Има дрва за природна сенка, и доста активности за деца.
Искрено нас не ни сметаа многу камењата во морето оти носевме чевлички, ама чисто море. Мене ми беше преубаво. Ако нешто ти значи еве 3 год. одевме по ред.во разни вили и во Вила Томас ни беше нај ок, и таму таа плажа беше многу подобра и со многу помалку камења од останатите, и вилата е одма на плажата.
Годинава еве се решивме пак за Неи Пори ама сигурно ќе одиме и до Лептокарија и до Платамона.
Така да и да се одлучиш на било од кои места можеш да одиш на сите 3 да видиш како е.

 

Зависи од плажата, ние кога бевме лани беше плитко бааги. Имаше доста до длабокото и немаше многу камења. Претходните 2 год. одевме кај дрвата што се на тие плажи и таму да е подблабоко ко ќе влезеш, ама па после им е плиткото

 

Здраво дечки, ние сме со мали деца од една и две години па би сакала совет кои места се најпогодни за одмор годинава Грција и што би било подобра одлука според вашите искуства, хотел со доручек, вечера или прив. сместување. Поздрав

 

Здраво на сите.
Имам едно прашање.

Прв пат одиме во Кавала, појма немам како е.
Ме интересира доктор се наоѓа ли таму ?
Фала ви

 

Какво е тоа прашање? Па апсолутно дека се наоѓа, Кавала е град со над 100К жители.

 

Прашањето е такво, и пишува горе зошто е такво.
Од кај да знам јас дека Кавала е град над 100 000 жители.

Ти Благодарам сепак. И за шибањето и за информацијата.

Ако сите учени се родевме, немаше прашања да поставуваме.
Убав ден.

 

Дали сериозно ми направи контра-напад?
И дали сериозно се правдаш од каде би знаела дека Кавала е град со над 100К жители?

Постои нешто што се вика Google што сите го користиме секојдневно за секакви работи, па и за ова.

 

Исто е.
Пак ќе биде прашање ваму или наму.
Само тука има кој да суди...