Кој ќе оди на одмор во Грција?

Најверојатно оваа година ќе биде Лефкада, ама уште ништо не ни е прецизирано. Само знаеме кој период ќе одиме

 

јас

 

Девојки здраво,

Ми треба ваш совет. Разгледував вчера понуди за Грција преку српски агенции, па сакав да ве прашам дали некоја од ваш имала некое вакво искуство. Или да не се нафаќам?

 

Сегаде каде да отидеш на одмор убаво е .Во Грција сум била највеќе , топла вода сончево, убаво е !

 

Ако не биде одмор, ќе биде викенд дефинитивно во поблискиве места, а кое ќе одлучиме пред да тргнеме

 

Ве молам некој да ми каже нешто за местото Сарти во Грција, на втор крак? Планирам да одам годинава, па ме интересира какво е. Има некои факултативни излети/тури организирани од тоа место? ВИ БЛАГОДАРАМ.

 

Сарти е селце, има голема плажа на која нема гужви (барем пред 2 год. немаше) и многу Срби. Местото е мало, за пола саат преку сила го шеташ, има ресторанчиња, има кафулиња, дискотеки знам дека имаше 1 паб, за дискотеки не ми текнува За пензионерски одмор е.
Мислам дека имаше тури со бродчиња, ама стварно не се сеќавам добро, не знам ни дали од Сарти тргнуваа. Ако одите со автобус изнајмете си мотор/кола, ако одите со кола супер. Во близина на Сарти има диви плажички со пре преубава чиста вода, најпознатата е Оранж Бич (ќе треба да се паркирате меѓу дрвата и да се спуштате на малку стрмно до плажата) ама нема да зажалите.

Стварно е рај. Во близина има малечки плажички каде водата е секаде ваква.
Ние бевме и во Арменистис кампот, убава плажа, преубаво море, многу млади (кампот е преубаво среден).
За со возило, се ќе видите и супер ќе си поминете, ако сакате да се одморите. За журки...не баш.
Сонцето изгрева од зад Атос и има супер поглед

 

Galijan се сложувам со тебе!

 

Јас сум одела приватно, и гарантирам дека така е подобро, бидејќи секогаш наоѓаме апартман на максимум 50м од плажата за најмногу 30 евра, а гледам преку агенции дека и до 60 евра одат цените што е ненормално. Од Битола не знам како да стигнеш до Солун, но имаш агенции што може само превоз да ти обезбедат, а ти да си најдеш сама сместување. Секоја година во тој хотел каде што одиме има гости на „Бела роза“, битолска агенција и мислам дека се задоволни бидејќи со многу се запознав. Ако не можеш така, тогаш од Гевгелија има агенции што нудат превоз до Лептокарија секој викенд за 10е.

 

Некој да бил во Порто Карас? Како е? Детали?

 

Еј фала ти, ја малце каснам Инаку сепак преку агенција испадна не сме доволно храбри за такви излети .

 

За на Крф не знам,не сум била,ама Тасос сум била и е прекрасно.Прекрасни плажи,убава,чиста вода,а и има и за шетање.Има неколку стари,традиционални селца онака чисто за да се прошетате.Парадајз бич и мермерна се најубави од сите според мене.
Парадајз бич е огромна,има малку гужва,ама водата е од чиста почиста.Е сега,на некој ова им се допаѓа,на некои не,ама треба да одиш да речеме 20 метри за водата да ти стигне до грло.Плитко,плитко,плитко,па после почнува длабокото,ама не нагло.Зависи од времето,има бранчиња мали,ама не сметат.

Мермерна ја има најубавата и најчистата вода од сите.Плажата е цела со мермерни камчиња,нема песок.Ама дека мермер,секогаш се ладни,така да нема да ти гори под нозе додека одиш.Водата е чиста, плажата не е некоја голема,ама ќе го занемарите тоа покрај таква вода.Веднаш покрај плажата има и бар.


Вака општо островот е преубав,јас би ти го препорачала.Ние бевме сместнени во Потос.Е сега,ако веќе одите,подобро би било со кола,затоа што островот има толку многу убави плажи,штета би било да не се посетат.

 

Се наближуваат годишните одмори па ќе ве молам ако некој знае или бил во Геракини Грција во CORAL BLUE HOTEL да ми опише подетално за морето плажа сместување затоа што го нудат за прилично евтина цена па ме интересира и би ви била благодарна.

 

Аспровалта ли спомна некој??? Лани бев, убавини, прекрасно, абе најубаво!!! Градот е речиси најубавиот град во кој сум одела на одмор. НАЈУБАВИОТ!!! Во мај не знам какво е, ама Август е прекрасно. Ако сакате одете летово.

 

Годинава ќе биде Калитеа, едвај чекам, сега на 22ри. Се надевам на убав одмор.

 

Да купувам од Скопје купаќи или ќе најдам во Лептокарија некои со нормални цени?

 

Сум била на Крф и не сум особено воодушевена, за Тасос знам од слики и муабети и мислам дека е многу подобар избор

 

Си се замарам дури и самата себе. Може да замислите што му правам на момчево мое . Споулавев овие 2 дена по понуди и агенции, мислење и тврдење дека сепак е подобро во сопствена режија, ама пустото прв пат одам за Грција па ми е шубе затоа што воопшто не ја познавам.
Туку сакав сега да прашам за Калитеа. Најдов прилично ефтино понудиче, 30 евра на ден за двајца, ама ме интересира цените како се таму. Да не се до небо, па да немаме сиромашките ни за 4 дена. Планирам од тука да понесам нешто основно за јадење, па таму да се купува по потреба. Ама кажувам, врска си немам од цените.

 

Јас лично не сум била во Калитеа,но една блиска роднина вчера се врати од таму,и баш зборевме за местото.Убаво било,не било многу големо,имало премногу руси и срби,а водата преубава и чиста.Во врска со цените,ми кажа дека било многу скапо(гирото било 3 евра итн),и дека ќе ти се исплати ако си носиш јадење од дома.Е сеа зависи вие кој период ќе одите.Она беше од први јуни до 11ти,и цените биле прилично високи,што е сепак вонсезона

 

Јас ќе одам наредниот 20 во Грција на одмор.Сакам да си прашам нешто.Ќе бидеме сместени во куќа си носите храна од тука или се си купувате од Lidl?