Крварење за време на бременоста

Здраво девојки. Имам едно прашање, доколку имате слично искуство, да смирите една уплашена девојка
Бројам дека сум во 5та недела. Од вчера сабајлето имам крварење (бледо-розево/кафен исцедок). Најпрво само на долната облека, па после и на бришење. Бев на доктор, ми даде cyclogest вагиналети и ми кажа ако има нешто до следната контрола, да го барам. Прашањето ми е, како да знам дали треба да го барам, што е нормално, а што не? Имам некои повремени тапи болки во стомакот, поручеква некако чувствувам и лошење. Дали сè додека немам големи болки и црвена крв, значи дека е во ред? Извинете што глупаво звучи прашањево, ама се трудам да сум смирена и рационална, а некако тешко ми оди. Претпоставувам од вагиналетите за неколку дена треба да очекувам да го нема веќе исцедокот, ако го имам и понатаму да се јавам? Некако испаничена бев кога отидов кај него и многу работи што сега ми доаѓааат на памет не го прашав.
Не знам ни дали треба да одмарам повеќе време, да лежам, или може да излезам на прошетка 10-15минути, без напрегања...
Фала ви однапред.

 

Ехо пожелно е да мируваш и да ставаш прогестерон. Јас прокрварив на 4 недела точно и два три дена бев со крварење и прекина, циклогест сабајле вечер ставав вкупно 800мг. Бета хцг ми беше добра и мирував, само лежење и на 4 дена имав по едно ехо да се види ситуација како се движи. Пиев аспирин одкако заврши крварење, и од 6та почнав клексани ради мутации. Во 8ма недела пак прокрварев се опуштив тој викенд продвижив и пак во кревет. Ама заштитена со терапија, од 12та се ујача плод и немам крварење. Сега сум 27 + 3 недела

 

Гледај да одмараш, да не се напрегаш, не кревај тешко. Јас крварев исто, земав прогестерон орално и кафеав исцедок имав околу 7-8 дена. Ми се смири, после пак ми се појави малку ама еве сега фала Богу терам 33та недела. Ќе биде добро. И слаби болки се нормални, јас ги имав цел прв триместар. Покриена си со терапија, црвена крв и болка како добиено не се нормални тогаш обрати се кај докторот а кафеава крв е стара крв не е страшно, сега секоја втора членка мислам има ваков случај. Лесна бременост ти посакувам.

 

Фала ви многу девојки
Многу сум растревожена, ама се трудам да се смирам... се надевам дека ќе биде сè во ред

 

Ќе биде во ред, лежи, без топли тушеви, само одмор и магнезиум обавезно да не се грчи матка да нема болки. Останав тие два месеци дома, тоа е најважно. Ако е хематом мора дел да се ресорбира дел ќе истече. Додека се ујача плод убаво. Мутации имаш испитано Ехо?

 

Ехо внесувај здрава храна, лежи си и пиј течности. Циклогест се супер, дупла доза од утрогестен се, така да мисли позитивно. За тапите болки магнезиум

 

Не, немам испитано. Не знам дали е касно или може и во бременост да се испитува? Веројатно може, пошто е преку крв. Може да сум помирна треба да испитам

 

Да можеш, јас испитав во авицена беше 2900 и за два дена ми пратија на маил само преку крв, неможев да чекам на имунологија две недели резултат , и среќа брзо делувавме, од 6та се заштитив со клексани. Мојата мутација беше таква да докторов од имунологија ми ги гледаше вика имаш многу голема склоност за абортуси до 8ма недела требало од старт клексани од позитивен тест. И така ми беше посмирена душата после тоа дека сум заштитена и редовно правев ддмери и хемостаза. Еве за разлика од другиве жени кај мене ддмерите се доста високи сега може и различни мутации имаме ама јас сега со два клексани и аспирин имам 2800ддмери.

 

Убав совет ти дала Ladyme, можеш да испиташ мутации, но можеби е подобро како што ти пишала во Авицена, јас за мутации и кариотип за во државна болница чекав еден месец за термин (ова брше пред 3 год) можеби сега нешто е сменето.
Случано да не имаш некои мутации па да треба да примаш клексани.
Поздрав

 

Фала ви многу

 

Ехо, а да се консултираш за пролутекс инекции да боцкаш некој период за boost на прогестеронот додека се стабилизира.
Друго веќе се ти пишале членките, одмор и да испиташ тромбофилија.

 

Ќе прашам, фала ти!

 

Многу често се случува крварење во рана бременост, кај мене со првото до 12та недела редовно си имаше кафеава крв, кај што докторот ми рече да не се грижам дека се работи за стара крв, а сега сум со второ бремена и имав и свежа крв и баш обилни крварења во неколку наврати, па кафеава, па розево на бришење, па пак свежа и така скоро секој ден до кај 12та недела исто. И многу е стресно знам, ама се случува често и најчесто и нема објаснување зошто. Мене ми кажаа сега со ова дека се најверојатно само испукани капилари, ама сепак е најпаметно да се мирува колку можеш. Ако можеш и избегнувај дури и мали прошетки, после 12та кога ќе се зацврсти се, ќе можеш и да пешачиш и да вежбаш и да си функционираш нормално. Сега чувај се.

 

Фала ти многу на одговорот

 

Zdravo devojki, ne znaev vo koja tema da go postavam prashanjeto pa zatoa pishuvam tuka. Momentalno 18ta nedela, vo 12ta imav obilno krvarenje, otkrien golem hwmatom 5.5 na 3.5 cm. Pokriena so terapija, vekje 2 nedeli nemam krvarenje nikakvo, redovno odam na kontrola na 10 dena. Denes bev povtorno, hematomot e ushte tuka, znacitelno pomal no tuka e. Doktorkata rece deka mozno e da ostane i do krajot na bremenosta. Prashanjeto mi e dali nekoja od vas imala hematom koja go nosela do krajot na bremenosta, dali moze ponatamu da predizvika nekakov problem i dali moze da imam normalen priroden poragjaj pokraj hematomot ako daj boze isteram do kraj. I dali posle poragjajot ke go snema ili povtorno se prodolzuva so terapija posle toa?
Izvinete na dolgiot post i mnogute prashanja. Vi blagodaram

 

И мене ме интересира истово.... 16та сум, хематомот цело време све поголем и поголем... Утрогестан два пати на ден земам сабајле орално, навечер вагинално... Дали мирување помага да се намали? Има ли некакви искуства со тоа, дали навистина делува...јас цело време сум во движење и многу тешко ми паѓа вака само да лежам

 

Синоќа имав обилно крварење во 12 недела, ми дадоа да пијам ala 600 sod. Утрогестан ставам насабајле и навечер уште од почеток. Ставам и клексани и пиев и аспирин ама сеа ми рекоа да не го пијам. И магнезиум исто ми дадоа. Дали е ова доволно да не напрвам некој проблем.

 

Лежи колку можеш повеќе,мислам доволна е терапијата,ќе се смири..
Исто и јас имав обилно крварење така

 

заврши ..во 6нед.
нема веќе плод,зошто нз -_-

 

Што ти кажаа? Кај матичниот беше на преглед? Ова ти е прва контрола така?