Јас го имав земено онака на тепка пред некое време и не ми се допадна. Малку е потежок(отколку шо очекував) како за флуид, имав слабо пецкање откако го нанесов и лицето ми светеше како лампион(како масло да сум ставил). Ептен ми го мастеше лицето и едвај издржував преку цел ден.
Прва СПФ што ја купив, не ми се допадна воопшто. После едно носење ми го исфрли цело лице и не знаев како да го средам, ја искористив на раце.
Може ли слика? Имаше повеќе врсти не можеш да се одлучиш. Не употребувам СПФ кога не користам киселини, немам потреба затоа што имам темен тен. И немој сега да ми скокнеш, совет не побарав. Фала на почит!
Ама Бубаче, како за личност која се прокламира дека води грижа за кожата, треба да знаеш дека спф е задолжително, па макар и само обична крема да ставаш на лицето и дека тенот нема врска со тоа. Ултравиолетовите зраци се подеднакво штетни за сите. Но, добро. Нема за што, повели и друг пат
Знам јас многу добро, не се секирај ти за мене многу. Гледај за себе грижи се, тебе никој ништо не те праша ама си кажа колку да не останеш недокажана. Ако јас сметам дека не треба да користам Спф значи не треба и тебе не треба да те засега. Гладна за драма си,ништо повеќе. Нема да повелам друг пат
Јас ја користам. Многу е убава, многу смирува, ок состојки има. Не е мат, дава многу убав суптилен здрав сјај. Јас имам комбинирана накај масна кожа, сега за овој период ми одговара. Само ме плашат две работи. Не знам искрено колку штити после многуте дешавки со корејските спф креми. И второ, не знам како би се однесувала на топлото време.
Јас до сега Еуцерин користев ама некако ми фаќа око оваа. Истото и мене ме плаши со корејскиве бреднови и СПФ,а мене баш за лето ќе ми треба.
Frezyderm тонираната крема многу ме буни, без или со хидратантна крема ми го перути лицето и ми е помрсничка од Дуглас што беше на акција во зегин.... А, ми се допаѓа што е тонирана, само очекував повеќе... веројатно нетонираната варијанта е подобра. Инаку, Дуглас треба до јуни да се отвори и да се користи 12 месеци, јас така сфатив, а вие горе сте пишале до јуни да се употреби. Не пишуваше нигде датум на пакувањето.
Обично кај СПФ рокот на користење е 12 месеци од датумот на отварање. Не би требало да е поразлично. Ако нема датум на паковањето тогаш треба да имаш едно знакче како кругче (како кутиичка со капаче мало) и треба да има 12М ознака, што би значело 12 месеци од прво отварање има рок. Еве сликава на гугл ја најдов. Провери кај тебе. Значи ова е ознака штп означува колку време има рок на траење приизвпдот од коа ќе се отвори
На пакувањето би требало да има лепенка со македонски текст, таму пишува дека рокот е до јуни. Патем, дали во рокот се мисли до крај или до почеток на јуни? Инаку не сум сигурна дали овој пат би се сметале 12 месеци од отворањето. Штом во затворена, неупотребена форма рокот истекува, не сфаќам зошто по отворањето тој „би се продолжил" на 12 месеци. Отворањето обично го забрзува истекувањето на рокот, а не обратно. Така, можеш да купиш крема која има рок од 3 години, но со самото отворање тој се редуцира на пример на една година, иако официјалниот рок не истекол (и трае уште 2 години). @Glossy-girl, која крема со покривност ја купи, онаа што има исто пакување како обичната Фрезидерм (жолта боја)? Прашувам затоа што пред некој месец и јас сакав да ја купам таа, но ја немаше, па купив една од новите, во сиво-црно пакување, што е 3 во 1: хидратантна, СПФ крема и плус има покривност. Сѐ уште не сум успеала да ја отворам, затоа што и јас ја купив оваа од Даглас, па ме интересира на која мислиш.
Чудно. Зашто ако производителот навел рок на користење 12 месеци од отварање (според сликиве од гугл, јас лично ја немам), тогаш увозникот сам да си менува рокови и да става мнооогу пократок рок на неотворена крема. Ако е вистина вака тогаш единствено што ми паѓа на памет е дека се работи за многу стара пратка и јас не би ја купила. Или грешка во декларација. Ај ако може сликајте тие што имате. Да видиме може различно ќе протолкуваме
@AlicaInWonderland Spoiler Низ текстот никаде не пишува ништо за рок, но би требало некаде да има, не може да е без рок и во затворена форма . Тој долгиот код на втората слика да не го кажува датумот на производство некако (пример, последните 4 цифри - 0218 - околу 3 години се става обично рокот на неотворен СПФ производ ми се чини, тоа би одговарало)? Можеби нема врска, само и на храна кога сум барала датум на производство/истекување, имало само ваков чуден код кој не сум знаела како да го прочитам, иако дел од него наликувал на дата . @eva993, знаеш ти што е работата?
Ова е рокот. @pdb123 Ова знакче значи дека производот има рок на траење 12 месеци после првото ортварање. Нема никаде точно наведен датум пошто рокот кај овие прозиводи зависи кога ќе се отвори.
