Ми се допаѓа што се развила дискусија, ама многу далеку сте отишле. Сте зборувале за дуализам, за триста чуда, а гледам во другата тема има членови кои бараат телефон од гледачите. Голем е јазот помеѓу тие што се за и против овие работи, особено вака комерцијализираните измами на гледачи и гатачи. Мене ме интересира некој што верува, што бил или што планира да оди кај некој гледач, бајач или каков и да е растурач на магии и натприроден феномен, да каже што е причината поради која верува дека ќе му помогнат. Од тоа што сум прочитала, најмногу и не веруваат нешто посебно, туку им е како една сламка за која се фаќаат за да се извлечат од некој проблем, а во меѓувреме биваат измамени.
Не, бидејќи секој од тие ставови е тема за себе но кога во еден пост би се обиделе да ги објасниме подетално, текстот би бил предолг. п.с. подфорумот „Другата наука„ врие од теми за хороскоп. Во интерес на поголема прегледност апелирам до модераторите да ги сместат во засебен под-подфорум со наслов хороскоп и астролигија.
За да постои гатање, треба да живееме у универзум со детерминистичка природа. О да, живееме у таков универзум. За да постои гатање, треба сите информации да бидат ставени у компјутер кој ќе може да ги симулира сите тие податоци, забрзано. Треба у тој компјутер да биде ставен и самиот компјутер кој пресметува, пошто е дел од самиот тој универзум. Се јавува ли вака парадоксална грешка во пресметките? Да. Од тука, не е реално ниту теоретски да има гатање. Колд ридинг, хот ридинг, тоа постои, реално гатање не.
Наидов на оваа документарна емисија од Србија за ваквите гледачи, магионичари, врачари, надрилекари и разни останати кои делуваат на тие подрачја. НАЈСИЛНО препорачувам ако имате време да ги изгледате сите три епизоди, ОСОБЕНО третата. Верувам дека ќе имате време, наместо да гледате турска серија, изгледајте ги овие епизоди, одлична критика за луѓе кои запаѓаат во вакви измами. Прва епизода (гледачи, хороскопи, тарот карти) http://www.youtube.com/watch?v=XeS2C2-QgLM Втора епизода (магии, бајачки) http://www.youtube.com/watch?v=hDhcOmkStEg Трета епизода (алтернативна медицина, надрилекари - особено препорачувам да се гледа оваа епизода) http://www.youtube.com/watch?v=fbc60kJ5QNQ Јас се уште се наежувам кога ќе прочитам како некој бара броеви на некои гледачи и врачари во другата тема. Страшно.
Па на некој начин и тие се наука. Еве на пр јас научив да гатам на тарот, наместо да научам некој јазик, е тоа е таа друга наука За позапознаените на овие тематики, не е воопшто контрадикторен. Јас целосно разбирам што кажува и со големиот дел се сложувам, затоа што се пронајдов себе во постот.
