Девојки дали некоја од вас била на Крит? Со што стигнавте до таму, колку ве чинеше аранжманот и преку која агенција, како се цените во маркетите и рестораните? Дали сте задоволни со плажата, песоклива е или со камчиња?
Крит е еден од најубавите острови во Грција. Може да се стигне со кола (траект од Атина) или авион од Солун. Цените се поскапи, така да ќе ти треба малку повеќе пари за таму. Плажата, таа што ја имаш замислено, е добра и песоклива со чиста вода. Ако сакаш да пројдеш поефтино, најдобро ти е пред или после сезона.
Е да де.. таа нема спомнато плажа, а ти која плажа и ја препорачуваш како добра и песоклива со чиста вода? Не си ставил ни име ни место каде што се наоѓа плажата.. На Крит има еден куп плажи.. Ама изгледа и ти не знаеш што препорачуваш..колку да се пише нешто
Најверојатно мисли на Балос, бидејќи таа е најдобрата и најубавата на островот. Имам доста познавање во сферата на туризмот.
Знаеме Марик сега битно се разбравме на што мислиш.. да видиме дали и членката мисли на истата Ма да мене поубава ми е Елафониси... Само што овие се далеку од местата што ги нудат агенциите во МК.. а ако одат во сопствена режија рент а кар не им бега ако не одат со кола..
А зошто мислиш дека не работам во некоја од туристичките агенции? Не знам дали ви е член Марик или нешто друго, но не сакам да ме поврзувате со други профили кои не се мои.
Пфф... да имаше познавање немаше да и кажуваш да оди со траект кога картите од Солун се 120еур повратна (ова зборам јули август сега сигурно се и поефтини). Друго @PinkQueen имаш понуди од српските агенции со чартер летови од 350еур па нагоре во зависност од сезоната, градот и хотелот. Јас овде разгледував летово, меѓутоа за 2019 сеуште немаат ставено https://www.filiptravel.rs/sr/location/krit
Крит е најголем грчки остров долг 150км. и широк некаде околу 40-50км. Од Атина е одалечен 400-500 км. Се оди со траект кои поаѓаат од Пиреја ( пристаништето во Атина). Картата кошта некаде околу 30-40е во еден правец со спиење на палуба, а доколку сакате кабина - накнадно ја плакате. (50-60е) за цела кабина ( 4 особи). Обично траектите тргнуваат попладне после 17ч. а се стасува во утринските часови во Ираклион или Ханеја ( двата најголеми градови на Крит). Доколку одите со кола ќе треба да одвоите уште 50-60е за колата. Има повеке линии ( Аегеан.минолине.. идр.) и цените кај сите се различни. Со Авион можете преку Солун до еден од аеродромите ( Ираклион или Ханеја) и пак цените се различни и во зависност од времето кога патувате. Јас овоа лето бев за 160е повратен билет по човек мислам од Солун до Ираклион. Сместувањето е исто како и во останата Грција. Цените на производите во дуќаните се 5-10% поскапи ( бидејки се се носи со траект дотаму а тоа кошта), но пак е задоволително и не многу скапо. Плажи..... Подобрите плажи се далеку на перифериите и со нив најлесно се стасува со кола ( рент а кар). Овие коли коштаат по 30е. од ден. Имате и возила за 6-7 особи ( фиат добло со 7 седишта) за 50-60е. по ден. Моторите се мислам по 20е од ден. Најпознати плажи се Vai , Плажата е цела со палми, бистра вода, паркинг(6е цел ден),шанкови,ресторани. Соблекувална, туш.Оценка 10. Balos, Песочна плажа, две лагуни со длабочина од70цм а другата од 30цм и многу топла вода,сенка нема,има чадори ама се сите зафатени , пешачење до неа надоле20мин-нагоре по скали 35-40мин. паркинг бесплатен, возење со кола по црн пат 15-20км. Оцена 9-9,5 Matala, Плажа со ситен песок, топла вода, паркинг 2е цел ден ама има и бесплатен паркинг, сенка има ( дрва), гардероби, тушеви. Оцена 9 Ellafonisi, Песок, гардероба,туш, бесплатен паркинг, има чадори. Оцена 9-9,5 Malia, Песок, чиста и бистра вода, тушеви, гардеробери, паркинг,. Оценка 9 и др. Најдобри места за посета спрема мене се: Агиос Николас( оцена 10), Агиос Галини( 9), Ретимно (10) ,Ираклион (,Ханеја( 9) и до неа се наоѓа Платанија ( 9) идр. Вкупна оцена за Крит (- Добра дестинација за посета и за одмор.
Некој што бил на Крит, може ли да ми предложи место (гратче, селце) кое има своја плажа? Не мора да е одма во местото ама да не е повеќе од 10-15 пешки. Преголем е островов искрено, немам желба секој ден да користам превоз за плажа. Chat GPT ми предлага Каливес, Малеме, Панормос, Мохлос...?
