Види во Рецепти од ФИ има едни воздушести крофни кои нема шанси да ги утнеш. Формата до чаша ќе вадиш кругови а со нешто помало(пример капаче) ќе правиш дупка на средина. На вторите две слики тоа е чоколадна глазура, растопиш чоколадо и ги бркнуваш само одозгора, можеш да ставиш шарени мрвици врз чолодато, плазна, да попрскаш бело чоколадо. А на првата слика напиши на јутјуб mirror glaze ќе ти излезат куп видеа , лесно е јас сум правела успева, бело чоколадо+бои прехрамбени.
Се спремам да направам домашни крофни за прв пат во животов , ако некој има да сподели проверен рецепт за убави крофни би било супер ако не ќе бараме на интернет.
400мл. јогурт 2 јајца 2 лажички шеќер 2 ванили 1 пециво 20 лажици брашно прстофат сол Се мешаат со жица за матење. Се вадат со лажица и се пржат. Многу се вкусни и лесни за правење.
Еве од мене еден рецепт, наследен од бабата на мм, проверен, без утка, веќе 16 години ги правам 400 мл млеко, се топли заедно со 100 гр шеќер, да е млако а шеќерот да се стопи. Во друг сад се матат со вилушка две јајца. Во подлабок сад се става 700 гр. брашно, еден сув квасец ( кој е за доза 800 - 1000 гр брашно) и рендан кора од лимон. Промешуваме, ги истураме јајца та, млекото, 50 мл. масло, простофат сол. Во самиот сад се меша додека се добие компактно нелепливо тесто. На крај сосем кратко се домесува и по потреба се додава уште максимум 50тина гр брашно. Го оставаме во истиот сад покриено со крпа да кисни 2 часа. Најважно во цела процедура е по киснењето, тестото да НЕ се премесува, со тоа ќе биде воздушесто и крофните ќе се шупливи. Наросуваме малку брашно на работната површина, благо го тапкаме тестото да се рашири и со сукало многу нежно го расукуваме да биде дебело два сантими. Вадиме форми по желба и ги префрламе на крпа и покриени со друга крпа ги оставаме да нарасна уште 20 минути. Загреваме масло на средна температура ( јас на 2 од 6), по можност тенџерето да е со дупло дно. Крофните на крпата пред пржење ги боцкаме со вилушка на страната која е горе и таа боцнатата страна ја ставаме надолу во маслото. Со тоа растат додатно. Пржиме по една минута од двете страни. Ги вадиме кратко на хартија и додека се жешки ги валкам во прав шеќер измешан со ванилин шеќер. На крај со чоколаден прелив Превкусни!
Се исплати ли апарат за крофни или е само уште еден гаџет за украс во кујна? Моиве сакаат крофни, да можат секој ден би јаделе, ама многу масло се троши со пржењето, башка што не сакам такви прженици да им давам често. Па мислев да земам апарат и такви да им правам, ем помалку масло, ем побрзо треба да оди процесот. Знам дека на вкус не се исти ко класичните крофни, ама не се така лоши (имам пробано).