во недела сум на крштевка кај близначиња (машко и женско). е сега дека сама ќе купувам поклон а не сум многу при пари не знам што да им земам. има некој идеа?
Ај ве молам, еден совет... Утре сме на крштевка и се земавме поклон за бебушот и нарачавме и цвеќе за мајката мало внимание, и сега тетка ми кажува не се носело цвеќе на крштевка... Сте слушнале ли нешто за ова? Поголема глупост немам чуено, а многу скапа и голема икебана нарачавме...
И јас прв пат слушам за тоа демек не се дава цвеќе,абе се тоа се бабини глупости тоа не се купува оноа не се купува не знам каде ги пишува тие правила па ние да се ориентираме по тоа
А зошто не??Мислам јас не сум била до сега на крштевка освем на моиве ,ама не гледам причина зошто не.Убав гест, да се посвети внимание и на мајката
Дали има некоја феминка од куманово која ке знае убаво да ми ги каже адетите кумановски за крштевка:што и кој се дарува,и слично,зошто јас знам дека овде се прави крштевка до 40 дена а и слушнав некои муабети дека требало да се даруваат и свекор и свекрва и мајка ми и татко ми.А мене кој ќе ме дарува??? Шала на страна ако некој знае нека ми каже стварно сум збунета и не знам што и како.Јас би си купила се предвреме затоа што не планирам тогаш да трчам па и на тоа ладно време
Можеби некого ќе бидам од помош, тазе ми се сеќавањата па да пишам. Прво си одите во црква и закажувате ден и час на крштевката во консултација со попот. Ви дава едно ливче да го пополните и таму се` убаво е напишано што треба да се однесе во црква: -извод од матично на детето, може и копија, -зејтин за здравје, пешкирче и сапунче од родителите, -две свеќи носи кумот, треба да се купени од црква. На денот на крштевката истото ливче му го давате на попот, а по завршувањето на церемонијата Ви дава Крштеница. Така беше за ќерка ми кога ја крстевме, а сега ни рече попот да си ја земеме за една недела. Таткото плаќа 2000 ден., а кумот 1000 ден. Инаку свеќите треба да се однесат наредната недела или првиот празник после денот на крштевката во црква да догорат и детето да ја прими првата причесна. Е сега кога станува збор за дарувањето т.е. бовчи, ние спремавме само за кумовите и старосватите. Spoiler Со кумовите се договоривме да им дадеме пари и тие да си купат што сакаат, а на старостватите им купив постелнина за нив и за детето. Сметав дека е доволно врз основа на претходното искуство.
Ние сега на 11ти ќе правиме крштевка, шетам шетам и се мислам што да и облечам на малечкава за до црква , се што најдов беше преголемо па ако има некој вакво искуство со по малечко бебенце нека го сподели
Било што Јуник само велат бело да е. Ние па се мислиме скоро 40 дена ќе правиме па треба голема молитва да земиме само не знам што и како оди тоа ако некој има поголем инфо да ми даде.
Aко не е крстено детето само ти одиш во црква. Постиш 3 дена (четврток, петок и сабота) и во недела наутро одиш на молитва во црква па потоа по гости (нели треба во 3 куќи на гости да одиш иако немора да значи дека обавезно мора). Не ти треба ништо освен свеќа што ќе си купиш во црква - ќе ти каже поп и пари за попот за молитва
Ноелле знам дека кумата треба да ја облече во бело ама не сум знаела дека и јас треба да ја облечам во бело..
и ние сакавме на молитвата да направиме и попот ни рече дека тогаш е најправилно и убо ама бевме покуси со пари и направивме по еден есеч. а инач е за облеката да голема му беше (како и се останато во тој период) а и син ми беше во бело кошулче и бели пантолончиња.
Ние правевме крштевка минатиот месец и моето бебе не беше во бело облечено. Ниту јас, ниту пак кумата донесе бели алишта. Исто и кога сум присуствувала на крштевка на други бебиња/дечиња не биле во бело. Да требаше да бидат во бело сигурно ќе ни кажел попот. Исто и ќерка ми кога ја крстевме, ова мора да е нешто ново, првпат слушам. Всушност ова е кај Католиците, тоа сум го видела на филм, дека децата без разлика дали се машки или женски се облечени во бели фустанчиња специјално само за крштевка што се продаваат. И ова ми е чудно. Нас 40 дена ни се погодија за работен ден, баш среда беше. Мм зема слободен ден од работа и сабајлето околу 9ч отидовме во црква, купивме една свеќа, дојде попот, испеја молитва, а детето т.е. децата си ги држев во рака, не беа крстени. Откако ја испеа молитвата отидовме да ја бакнам (само јас и попот) иконата на Мајка Богородица и иконата на Светецот на тој ден, плативме 440 ден. и толку. Потоа отидовме на 3 места на гости и пред зајдисонце се прибравме дома. Со тоа всушност и заврши 40 дневно седење дома. Не постев и никој не ми ни рече дека треба да постам и сигурно немаше да се нафатам затоа што никогаш за време на доење не би постела, па од каде ќе се наполнам со млеко, од сокови и компоти и посни јадења Јас не постев ниту за едното ниту за другото дете. Немојте да сфатите погрешно, не наметнувам ништо, кажувам за себе.
Мојот помал братучед знам дека од дома беше облечен во бело, а кумата мислам дека му облече комплетче, бело сина комбинација беше. Така да, мислам дека баш и нема врска како е облечено
И јас прв пат слушам за ова дека децата кога ќе се крштеваат треба во бело да бидат облечени.Досега татко ми од кога памтам јас има крстено две детенца,и памтам дека само бела крпа(пешкир) зедовме само,а алиштата си беа за девојчето женски боички,а за машкото машки. А имам гледано по филмовите,дека кај католиците е така се во бело да е облечено,мислам.
уф добро е .. лолитке ме просветли па јас си мислев дека треба без детето да се оди во црква.. чим може супер
Кога се зема Голема молитва, се оди заедно со бебето во црква, без разлика дали е крстено или не. Ако е крстено, свештеникот го зема бебето, и ако е машко, го внесува и во олтарот, а ако е девојче, само во црквата.
јас се крштевев пред да се венчавам и незнам од кај излезе то ама ми рекоја бела блуза да си купам мајками купваше за крштевката на син ми и купи бело, незнам дали му текна дека така ми рекоја или така се погоди. белото претставува чистост и невиност зато требало во бело кизнај шо е вистина прајте си како што ви одговара
не знам јас лично првпат слушам,никој не ни кажал за тоа,на керка ми и правевме крштевка на 23 октомври минатата година имаше 4 месеци,јас ја облеков во фармерчинја и блузичка и розово капутче(беше цуцка мала),а кумата во бело-розево тиролче и розе хулахопки.крштевката помина супер во поблискиот круг на семејството а мојата цуца беше мн мирна глас не и се слушна додека ја крстеше попот.
Бевме на повојница пред некој ден кај кумашинчето мало, и однесовме облека. Ни соопштија дека крштевка сакаат да прават почеток на февруари, што сега за подарок за повојница? Некој да ми пише ако не е соодветна темава барем во лп, да дадам идеја дома да ни помогнете одамна кај бебе на крштевка не сме биле, а моите не крштевале цели 24 год )) Ви благодарам!
