Кулинарски прашања, совети и брзи идеи

Да ми пишеш рецепт како ги спремаш,ако може.

 

Мешано мелено месо го пржам со кромид и лук сецкан и зачини додека добие убава боја потоа додавам доматен сос и малку вода. Се пржи додека испари водата. Спремам и бешамел сос. Путер да се растопи па додавам брашно и млеко, се меша додека згусни.
Лазањите ги потопувам во жешка вода две минути.
Редам во тава ред лазањи па сосот со мелено месо па бешамел и така додека се потроши се. Покривам со фолија и на печење на пониска температура, ќе проверуваш со вилушка кога се готови треба да се меки. Се трга фолијата па се става рендан кашкавал и се печи уште кратко.

Е сега за количина јас правам за двајца па ставам месо 300 грама 1 главица кромид 2-3 чешниња лук, 500 гр доматно пире и околу 250 мл вода.
За бешамел 2 лажици путер, 1 лажица брашно и млеко околу 600 мл.
А лазањи пола пакетче.
И околу 200 гр кашкавал од горе.
Рецептот ми е од тетка ми од Италија.
Има за два пати јадење од ова. Значи за 4 луѓе.

 

Корите неварени се ставаат со тоа што малку повеќе течност ќе ставиш во тавата пред печење.
Оригиналниот рецепт за лазањи секогаш оди со запржување на целер, кромид и морков пред месото. После се прави стандардно рагу, а во бешамелот обавезно оди мускатно оревче покрај сол и бибер.

 

Јас не ги варам претходно.

 

Не сум многу по благото па прашање до вас поискусните, сакам да украсам колачиња со мрвици, кога и со што да ги премачкам за да се залепат мрвиците и дали после ги враќам да се допечат? Читав со белка дека мачкаат, а се мислам ќе ми се стопат мрвиците ако ги вратам во рерна...

 

Со топено чоколадо премачкај ги, и посипи ги со трошки, нема потреба од допекување.

 

Една тура намачкав со мед и поросив со мрвици, а другата намачкав со белка па мрвици и се печеа така. Кратко се печеа, не се стопија мрвиците. Нареден пат со чоколадо

 

знае ли некој за што се користи брашно тип 400 а за што тип 500? Кое е подобро за меко лепче?

 

Сакам да направам ќофтиња во сос од домати.
Последниот пат направив со сос од конзерва, ама некако многу ми излезе.
Меленото е пола кг, отприлика колку домати треба, кило, две?

 

И мене типовиве на брашна ми се неразјаснета енигма

 

Јас знам дека тип 500 е за леб а тип 400 за колачи и слични ствари. А зошто и како незнам .

 

Еве накратко околу брашното
https://www.podravka.hr/clanak/2001968/ukratko-o-brasnima8230/

 

Ве молам итно! Рецепт за "топло-ладно" колач, а да можам да ги печам во филџани во рерна. Знаете во тавче со вода ставени филџаните во рерна. Има вакви рецепти во шољи за во микро, ама немам микробранова па сакам во рерна.

 

Потребни намирници:
2л какао
100гр шеќер
100мл млеко
100мл масло
8л брашно
1 прашок за пециво
1 ванилин шеќер
1 јајце
Чоколадо за готвење

Подготовка:
Со миксер се матат јајцето, ванилиниот шеќер и обичниот шеќер. Се додава млекото и маслото. Се продолжува со матење, па се додава брашното и какаото, последно прашокот за пециво.
Садовите (филџани) се премачкуваат со путер/маргарин и се тура од смесата до пола. Во секој филџан се става коцка чоколадо за готвење.

Поголемо тенџере се полни 1,5цм со вода. Во него се ставаат филџаните, наполнети со приготвената смеса. Се става крпа врз тенџерето и врз крпата се става капакот.
Се вари 15 мин.
На здравје

 

Сакам некој добар и испробан рецепт за потпечен карфиол во рерна.
Знам отприлика што како, да го обарам па во тавче за печење малку иситнет и некој прелив одозгора јајце, млеко, павлака, зачини вака некако го замислувам не сум правела до сега, не се смејте ако е глупост
Сакам навистина да биде вкусен, зошто инаку карфиол не јадам свеж а сакам да каснам малку, ме фана стрв

 

https://sezahrana.mk/запечен-карфиол-со-јајца-павлака-и-каш/

 

E фала ти.
Не сум била далеку со идејава

 

Да, ептен блиску си била.
Јас не јадам карфиол, ама имав една цимерка што си го спремаше рецептов и уживаше да го јади.
Се надевам дека ќе уживаш и ти.
На здравје

 

Фала ти, се надевам ќе го пробам деновиве, само ми е страв кога ќе го варам да не ми се згади од мирисот? Ти го чувствуваше мирисот?

 

Да, ама полош ми е мирисот на брокула мене. Ама сепак си правам зеленчукова чорба со брокула, превкусна ми е, колку и да мириса гадно.