Ти благодарам драга,баш ке видам по пекариве,во рамстор пакување само по 900 гр а цени до плафон,а ова сто ни продаваат е чиста лажга нажалост!
Во повеќето продавници за здрава храна обично го продаваат рефус. Сигурно ќе биде поевтино одколку во Рамстор. Во Биона сигурно имаш, ама незнам за цени.
Ние купуваме од на пазар. Таму е 50ден. 1 кг., ама убаво, квалитетно брашно. Го купуваме од кај една женичка. Така да, побарај во најблискиот пазар, мора да има некој кој продава. По Рамстор и другите маркети сигурно е поскапо, а брашното не е толку квалитетно.
Кулинарки едно прашање...дали ќе згрешам ако во рецепти кои содржат маргарин ставам (несолен) путер бидејќи е поздрава намирница. Ќе го упропасти или смени вкусот или напротив..?
Нема да згрешиш само ке добиеш поквалитетен вкус и поздрав јас често употребувам како замена за маргарин путер во се било да е солено или благо.
Да замолам некоја феминка ако знае оригинален рецепт за грчки таратор да го сподели !Ако може и напомена точно каква павлака ! Значи онаков каков што се продава во Веро,каков што служат во таверните... Се мислам дека не се прави со свежа краставица и нејасен ми е моментот како краставицата не пушта вода????
Е каква павлака точно ставаат незнам ама пробај со оние грчките у веро што ги има за салати .Краставицата не пушта вода зашто прво се ренда се посолува и се остава 10 тина мин да пусти вода, и се стиска со раце да се исцеди од водата . Потоа додаваш павлака и зачини ( има у веро готов занзики зачин )и маслиново масло . А ако не сакаш готов зачин тогаш додади свеж копар ситно сецкан, бел бибер , мускатно оревче и сол по вкус
Со копар се добива супер вкус ама не е ист со автентичниот вкус на ѕаѕики, затоа на кептанс специјалниот зачин ѕаѕики го доловува тој вкус
Тука се работи за бирање помеѓу две зла Важно е и каков маргарин и каков путер ќе се одбере, има различни ама тоа е широка тема. Јас ретко ги користам и двете, но сакам путер повеќе..па и ствар на личен вкус е можда. Повеќе инфо тука Spoiler Инфо плус - Вистината за маргаринот Маргаринот на светската сцена се појавил 1869 година, конструиран како ефтина замена за путерот, наменет за работничката класа. Но маргаринот нема никаква допирна точка со путерот.
Утре за ручек ќе правам проја,дајте ми идеи што можам да и ставам на пројата,како е највкусна, да експериментирам малку
Можеш комбинација на спанаќ и сирење. Можеш шунка и сирење ... можеш зеленчук ... зависи што си љубиш да каснеш.
Кулинарски тајни Зошто месото го ставаме во ладна вода кога готвиме супа, а во топла кога сакаме да биде повкусно? Колку е температурата повисока, толку и површинското згрутчување на месото е поголемо. Значи ако месото го ставиме во топла вода, ќе се згрутчи на површината и со тоа голем број на квалитетни состојки ќе останат во неговата внатрешност. Ако пак месото го ставиме во ладна вода, квалитетните состојки ќе излезат низ површината и со тоа ќе ја збогатат течноста во која се готват. Ако сакате сочно печено месо, најчесто се вели дека треба да се испржи на висока температура, а тоа е така за квалитетните состојки да останат во средината на месото. Зошто некои намирници ги солиме пред готвењето, а некои после? Зависно од тоа дали сакаме некоја намирница да биде сочна или крцкава, ја солиме пред или после готвењето. Па така, пржените компирчиња се солат веднаш пред да ги консумирате. Од друга страна, доматот содржи големо количество вода и затоа ќе го насолите и ќе го оставите неколку минути, по што ќе ја исцедите целата течност од него, ако сакате да го употребите како состојка во некое јадење. За посочно месо згответе го во саламура Солењето со обична сол по надворешноста на производот е секако првата идеја кога станува збор за посолувањето на храната, но месото на пример е многу подобро да го готвите потопено во саламура. Тоа е така бидејќи солта обично ја извлекува течноста на површина, па ако сме ја посолиле храната надворешно согласно тоа и течноста ќе ја влече надвор, но истиот процес нема да се случи ако месото го потопите во саламура, бидејќи колку подлабоко навлегува солта во месото така и ја влече течноста кон себе односно кон внатрешноста на месото. Како резултат на тоа не само што ќе имате сочно место, туку и вкусна крцкава кора. Топлата храна се служи на температура од 37 степени Научниците дојдоа до откритие кое вели дека со зголемувањето на температурата се засилува и осетот за вкус, па така ако ја послужиме храната на температура повисока од 37 степени толку подобро и ќе го почувствуваме вкусот. Како да зготвите кајгана, а како омлет? Кога готвите кајгана во јајцата кои ги матите треба да додадете млеко, а кога готвите омлет потребно ви е ладно масло. Млекото при готвење на кајгана се додава бидејќи со тоа добар дел од течноста се задржува во мешањето на белките и жолчките, а тоа е добро за готвењето на ваков оброк, но од друга страна тоа би било премногу влага за готвењето омлет бидејќи тој треба да има многу покомпактен изглед. Затоа кога готвите омлет во смесата додадете ладно масло затоа што тоа побавно ќе се стопи во масата и со тоа рамномерно ќе се измеша со смесата.
вечер ќе имам гости на црно винце па барам помош од феминки што прилог(мезе) да направам со тоа време значи немам воопшто бидејќи денес сум до касно на работа така да очекувам брзи рецепти и предлози
Салатата од туна е една од наједноставните, најбрзите и највкусните салати. Може да се послужи како оброк, но исто така и како закуска. Што е потребно за овој рецепт: 2-3 домати 2 зелени пиперки Една рака спирални тестенини или макарони 2-3 јајца 1 голема конзерва со туна малку мајонез сол бибер магдонос лук (по избор) Како да ја подготвите салатата? Сварете ги јајцата и тестенините и потоа оставете ги да се оладат целосно. Потоа јајцата исечете ги на четвртини. Исцедете го маслото од туната, а зеленчукот исечете го на поголеми парчиња. Измешајте го мајонезот со туната, додајте сол и бибер по желба, ставете го ситно исечканиот магдонос и лукот (доколку се одлучите да ставите) и сето тоа помешајте го со тестенините. Во направените тестенини додајте ги јајцата и зеленчукот. Лукот одлично ќе се вклопи во салатата и ќе им даде посебен вкус на туната и јајцата.
Колешке, што не кажуваш вакви работи. Трк у супермаркет после работа, купуваш малку пршутче или некое суво мевце ама многу тенко насецкано, некое парче сиренце овчо, кашкавалче ама не сецкано туку цело парче, малку сланинка сецкана тоа, маслинки обавезно, зденки, некое парче биено сирење или ако џебот вика ОК купи едно парче пармезан ама не рендан туку цело парче, некои јаткасти плодови, бадемче, лешниче, индиско оревче и купи една две чоколади, оние што ти се на Нестле со јаткасти плодови, ама не обично пакувани туку во картонска кутија. Дома виткаш парчиња сиренце и кашкавалчиња во пршутче и сланинка, мешано, малку така, малку така, на тавче, ако имаш грил тавче уште поубаво, потпржи од двете страни по малку, колку да се спои мевцето со млечниов прозвод и да зарумени. Со јајца и презла испохувај ги зденките како што похуваш било што, прво во јајце па во презла и пак јајце па презла, бидејќи зденката бргу се топи па да не ти се растече, и таа колку да зарумени. Свежа салата уз винце не ти иде, ама можеш да декорираш така што на тањир или даска ќе ставиш од овие пржениве сиренца и кашкавали уз пршутката и сланинката врз зелена салата секако, на друга страна пак лист салата и похованите зденки со маслинки низ нив, во средина, ако имаш мали садови за апетисани, стави ги на тањирот или даската, пример 4 тањирчиња, во едни лешници, во други бадеми и во трети индиски ореви, во четвртото чоколадо искршено на парчиња неправилни, колку една коцка отприлика. Во кујна имај на готовс извадено се и само ќе притураш кога ќе снема. Тук там по некое шери со малку сол на него и тоа е тоа, ќе изгледа отмено и убаво А за вкус не дискутирам, ова ти е мезе ипол за црно вино!
