Тестото не треба да е премногу меко (треба убаво да држи форма), ако ја отвориш рерната да ги ѕирнеш додека се печат може да се сплескаат или ако ги извадиш прерано. Одма после печење боцни ги малку за да се исушат побрзо.
Можеш да ги замрзнеш. Можеш цела, несечена да ја завиткаш во најлонска фолија или на парчиња во кеса. Кога ќе се одмрзнат се ко да не биле замрзнати и многу брзо се одмрзнуваат.
Ај и тука . Вчера купив јунешки бут и го ставив во маринада (не следев рецепт сама ставив што ми дојде: чаша вода, филџан киселина, крупна сол, ловорови лисја,бибер и мајчина душица,и немсв обично вино имав отворено тоа што е со златни ливчиња внатре па за да не отворам друго ставив од тоа пола чаша) ама денеска ми испадна да не го правам,дали може вака да стои во фрижидер до утре или морам денес да го готвам?
Чичко гугл вика до 5 дена може да стои јас не би го чувала толку време. Зготви го утре обавезно, види го да не има променето боја, мирис, да не е “лигаво”.. некој ако има повеќе искуство може ќе ти каже подобро.
Го прашав чичко гугл пишува од 3-5 дена, ама премногу е тоа реално, па реков да не има некој готвено така затоа прашав и тука. Денес обавезно ќе го готвам.
Дали се замрзнуваат визитарски слатки (купечки)? И ако да дали може директно да ги ставам во пакувањето?
Да, нема никаков проблем. Секогаш го замрзнувам вишокот што ми останува, најдобро во пластична кутија.
Ја има некој пробано бамјава, на што има вкус? Слично е ко кисели краставици или има ептен друг вкус? Со што се комбинира?
Неутрален вкус има, не е баш како краставичките, тие ми се покисели. Вкусна е, не е лоша вака. Јас инаку сакам бамја, во манџи ја јадам, ова ми е нешто поинакво, и повкусно.
Немам пробано бамја, некако нејзиниот изглед ме плаши, не ми делува вкусно. Се готви како боранија на пример?
Па така нешто, јас како додаток ја ставам во манџи, боранија и грашок може да се искомбинираат со неа, не посебно манџа од бамја. Ама може да се зготви или како вариво, или потпечена во рерна, баш како што е боранијата. Нема интензивен вкус, само дава некој шмек на јадењето, лично турлитава без бамја не можам да замислам. Треба да пробаш за да знаеш дали ти се допаѓа. Кога ја сечеш свежа испушта лигава материја како пектин нешто, ама тоа не се осеќа кога е зготвена. Во туршијата па ич.
