Јас сакам да прашам од каде црпите идеи, инспирација за готвење? Од каде наоѓате рецепти? Кажете некој апликации, инста профили, канали.. Нека ме префрлат во соодветна тема ако не е за тука прашањето
Инстаграм. Многу спрски профили следам што профилот и е поврзан со храна, што ми се допадне го зачувувам. Од таму секогаш наоѓам идеи.
Мал прилагодлив калап за кружна торта најдов, е сеа уште некој да ми каже кај можам подлога за торта кружна да најдам и уште да ја направам ми остана
Кога правите ориз со печурки во рерна, дали печурките ги пропржувате или директно ги ставате во оризот па на печење?
Јас запржувам мелен кромид и морков, ги додавам печурките да пуштат вода, го дадавам оризот, запржувам минутка, две, додавам топла вода, оставам 10 мин да провари и во рерна. Имам 10 зрели банани, ајде две чак и три ќе искористам утре за банана леб, со другите шо можам да напраам? Или исто леб па да го замрзнам??! Шо не ми е некако многу по ќејф, ама па да ги фрлам..
Не знам по кој рецепт правиш ама еве ти еден совршен, и јас не бев фан на банана леб ама оваа е друго, пробај. Може и 4 банани да ставиш во доза, и 2 ама запази ги другите мерки.Може и како мафини, и во векна, и во тепсија,да печеш.
Ќе ја префрлам дискусијата тука, да не полниме во мајчински. Пилешкото ако го користам за 2 дена во обичен фрижидер. Ако не ми е за одма, печено во замрзнувач. Топлам во микробранова. Болоњезе - брза верзија, пржам кромид т.е динстам, додавам мелено, немам мерки на ова. И исто ќесичка од Кам ми се највкусни. Инаку по мое, за од старт што се вика, на подолго. Исто кромид динстам, малку лук, месото, моркови, кога е сето убаво испржено тоа, зачини, сол, бибер, оригано, конзерва со сечкани домати, ставам вода и оставам да се вари. Ова кога сакам повеќе зеленчуци да "скријам" внатре, да е и за дете похранливо, бидејќи јаде иста храна со нас. Опцијата со болоњезе може и за полнети тиквички да ја искористиш. На пола пресечена тиквицата по должина, издлабен дел од средина. Тоа што ќе го извадиш од тиквицата додај го во сосот пресечено на ситно да омекне. Со сосот ги полниш половинките тиквици, малку ептен вода ставам јас на дното на садот и во релна да се печат. Пред крај кашлавал од горе и уште 10 минути печење. Во главно ме практикувам да користиме нагетси или да пржам месо. Ептен е ретко тоа сега, гледам сето да е опција што дете може да ја јаде. За пилешко пример стек на коцки ситни пропржувам, исто со кромид, морков, печурки, зачини по вкус и на крај повторно во релна да се допече во тава. Во главно користам рерна или Air fryer ради што времето додека се готви храната го трошам за друго. За пржење компири и нагетс и слично треба да стојам до шпорет подолго и дете да ми се плетка низ нозе. Отколку да ставам се во рерна и да го "заборавам" 1 час.
Бомбици со банана Состојки: 1 зрела банана (средно голема) 200 г мелени бисквити (плазма или слични) 50 г мелени ореви или лешници (по желба) 2 лажици какао 2 лажици шеќер во прав или мед (по вкус) 1-2 лажици млеко (по потреба, ако е смесата сува) Кокосово брашно или мелен орев за валкање Подготовка: 1. Издроби ја бананата со вилушка додека не стане пире. 2. Додади ги мелените бисквити, какаото, шеќерот и мелените ореви. 3. Измешај сè добро. Ако смесата е многу сува, додади малку млеко. 4. Остави ја смесата 10 минути да отстои (за да омекнат бисквитите). 5. Формирај мали бомбици со рака и валкај ги во кокос или мелен орев. 6. Стави ги во фрижидер најмалку 30 минути пред сервирање. Совет: Можеш да додадеш и малку рум-арома, парченца чоколадо или суво овошје во смесата за побогат вкус.
Тефал е мојот.Ги печев на програмата за зеленчук, таа е 180 степени, 15 мин Зависно колку имам ставено менувам време и степени. На пола време ги превртувам пиперките. Убаво излегуваат печени и лесно се лупат. Ајде ќе чекаме да кажеш исход.
