Кулинарски прашања, совети и брзи идеи

Не
Ако се извалкани во јајце и презла, тогаш мора да се пржат.Во спротивно на ништо нема да личат- презлата и јајцето во рерна ќе се подгорат, месото ќе се исуши и ќе бидат камен тврди.

 

Знае некој да ми каже дали марципанот е посен или мрсен??

 

Марципанот се прави со бадеми, шеќер и белка од јајце, така што не е посен. Јас колку што знам, тоа е основниот рецепт. Ако има некоја модификација, нека сподели некој, слободно.

Санфемина, мислам дека може да се печат. Има една смеса од Маги, пишува на пакувањето Хрскавци, се валкаат пилешките прсти во таа смеса и се печат во рерна. Не се исти како пржените, ама вкусни се, имам пробано неколку пати. Можеш да пробаш, само не ги печи на премногу висока температура.

 

женскии како да подготвам дроб само да не е дроб-сарма или пржен

 

500 грама дроб
1 Црвен пипер
малку Сол
1 главица/и Кромид/а
100 милилитри Доматно пире
100 грама Брашно
малку мала лажица Црн пипер

Дробот исечкан на резанки се динста додека не омекне. Ситно исечканиот кромид се пропржува во масло. се додава брашно, црвен пипер, црн пипер и доматно пире.
Се налева со топла вода, се меша и се додава приготвениот дроб. Сето тоа крчка на тивок оган додека сосот не згусне.

 

Пред малку се јави тетка ми, ќе поминела а кафе, ама нели, кафето никогаш не се сведува само на кафе, размислував што да подготвам така набрзинка, што нема да ми одземе многу време, а сепак ќе биде вкусно и благо Ми текна на еден стар рецепт, што го подготвуваше мојата баба, а јас го јадев со сласт:

ШНЕНОКЛИ

1л млеко
6 јајца
6 лажици шеќер
1 лажица густин
ванилин шеќер

Време на приготвување 30 мин.
Начин на приготвување:
Млекото се става во длабок сад на оган додека не се загрее убаво. Од јајцата се одделуват жолчките од белките. Белките се ставаат во сад за матење и се матат со миксер се додека не се добие цвртса бела смеса. А потоа, со лажица се зема дел малку по малку од смесата и се пушта во зовриеното млеко да се вари. Се добиваат еден вид кнедли кои кратко се варат, најмногу 1 минута, првин од едната, а потоа се превртуваат од другата страна и потоа се вадат и се ставаат во садот за сервирање, кој треба да е голем и длабок. Откако ќе се сварат белките, започнува приготвувањето на жолтиот крем. Жолтките од јајцата се матат со 6 големи лажици шеќер, 1 лажица густин и малку ладно млеко (како за подготовка на пудинг), а во зовриеното млеко се додава ванилиниот шеќер. Смесата со жолтките се додава во зовриеното млеко и се меша, се додека кремот не се згусне. Откако кремот ќе стане густ, се сипува врз претходно сварените кнедли од белки во садот за сервирање.

Рецептов трпи многу модификации. Врз шненоклите може да се стави прелив од карамел или чоколадо или да се посоли со цимет, мелени ореви, мелени бисквити и сл. Дури во жолтиот фил може да се наренда кора од лимон или портокал заради подобар вкус. Некогаш во нив ставам и цели бисквити или пишкоти, некогаш ресана, зависи што ќе најдам по дома. Дури може да се направи и микс од повеќе намирници што одат во комбинација. Како и да е, превкусни се и моето семејсто ги обожава. Топло ви ги препорачувам.

 

Mи треба одговор на едно можеби глупаво прашање ,значи сакам да правам стек со кари и со хопла за готвење,но никогаш ништо не сум готвела со таква хопла и незнам како да ја ставам дали така дирекно од пакувањето или трба нешто да и се направи претходно

 

Јас кога правам пилешко во кари сос (што претпоставувам и ти тоа ќе го правиш) купувам павлака за готвење и ја растварам во малку млеко поштоо е погуста а за хопла незнам не сум користела тоа со павлака е повкусно мислам.

 

Јас директно ја ставам. Значи ќе го запржиш пилешкото и тек на крајот ќе ја сипеш хоплата (таа без шеќер нели). И си ставаш лажиче кари зачин, мешаш малце да се прокрчка и готово Барем јас вака имам правено

 

Па и јас го правам вака само користам павлака за готвење.

 

Павлака за готвење и хопла е едно исто чинам....
Хопла е име на една од павлаките за готвење

 

Не не јас оваа што ја купувам е жолта не и го знам името ама каде каде е погуста од хоплата!

 

И јас мислам дека е исто Хопла, Халта, Саниа...имиња на фирми, иначе производот е ист, солена и блага павлака за готвење На овие без шеќер на амбалажата има слики со тестенини обично

 

Еее Халта се вика и на неа има тестенини и погуста е така да јас ја растварам со малку млеко.

 

^ Нема врска марката и бојата на опаковката, ние дома и Саниа,и Халта и Хопла сме ги земале и не сум приметила разлика. И со двете ќе го добиеш оној кремаст вкус.

Месото (по можност да не е саламурено, бидејки е многу солено така) на парченца со средна големина го пропжуваш на тивко, додека фати боја.
Ја ставаш цела хопла, ние не ја мешаме со млеко, туку директно цела, се додава кари, бибер, можеби малку сол и се остава да прокрчка уште некоја минута.
Некогаш ако е за послужување, мајками го претура во земјени тави или во некои подекоративни и го запекува во рерна колку да фати коричка.

Во било кој случај, според мене како дегустатор, важно е да е тазе и топло. Ако остане неколку часа или ако остане за друг ден веќе губи од убавина и вкус, и станува тешко за јадење.
Барем според мене.

 

Иде во комбинација со леќа за ручек и јогурт? Кога јадете леќа со што ја комбинирате?

Инаку леќата јас ја правам со масло,запржен кромид,вода,парчиња кисела зелка,леќа,1-2 компира,сол,мелен бибер и вегета..Не е гола вода,компирот и зелката си завршуваат работа.И убава е.

 

покрај цената на павлаките друга разлика им е тоа што поефтините во составот немаат млечна маст ( путер) имаат растителни масла, а поскапите се со млечна маст и барем мене ми се повкусни, една ја семам од хрватска фирма е и се вика МУ, а иначе истата функција ја имаат и двете

 

За нас леќата ја правам вака: динстам на вода малку сечкан кромид, две-три чешниња лук и рендан цел морков. Потоа ја додавам леќата и ја динстам и неа, зачинувам малку со К+ зачинот од храна и вино, додавам малку куркума или кари, и на крај вода, па оставам да се крчка. Кога ќе се свари, ја пасирам леќата и добивам густа чорба од леќа. Некогаш само ја потпекувам во рерна и тогаш на синко му ја давам да ја јаде со кисело млеко, така ја сака повеќе.

 

Леќа и јогурт не оди заедно.

Вака ја правам леќата: сецкам кромид и морков, ги ставам во тенџере заедно со леќата со многу малку вода да се вари.
(Ако ставам кромид, не ставам лук и обратно).
По желба доколку имам, ставам на крајот (2-3 мин. пред да го тргнам од оган) сецкан спанаќ, многу малку. Спанаќот прави чудо во леќата, многу е вкусно.

На крајот ставам малку путер, сол и црн пипер.

Не ставам масло, не го пржам на масло, не ставам запршка. Вака изгледа многу едноставно, ама е превкусно и поздраво.

 

Ѓумбирот во прав како се користи во чај? Т.е дали е потребно да се исцеди или се пие така ?