Кулинарски прашања, совети и брзи идеи

Ми личи на капучино со шлаг

 

Можеби ја преваруваш тестенината.По правило таа се остава малку ал денте.
За оризот,најважен е размерот.Еден дел ориз три дела вода.И температурата треба да биде погодена.Значи интензивна и брза ,а не да се остава да крчка.

 

Ја сакам кујната,сакам да готвам.Здраво.Во врска со советите,имам дома еден прирачник,`1000 златни правила за секоја домаќинка`.Издание на Феникс.Има доста интересни совети кои не сум ги знаела.Некои од типот:
-Пржените колачи во масло се многу полесни ако во нив се стави пиво.
-Рацете истриени со магдонос ќе го отстранат мирисот на лук,а со целер,мирисот на кромид.
-Омлетот ќе биде посебно воздушест привлечен ако во текот на матењето се крши едно по едно јајце и се додава по една лажица милерам.

Инаку,ќе гледам во слободно време да ви пишувам по некој совет плус од ова прирачников.

 

^
Зависи и од тестенините. Поевтините така се лепат имам приметено, на миско пример не се лепат, исто и дивела, рискоса...

 

А јас сум речиси сигурна дека е до тестенините Не велам дека сите евтини се лепат, но тие јас што сум ги земала било така. Оние на илу мислам така се викаше што и да им правиш такви се, се лепат, а и јас скоро секогаш ги варам без зејтин. А другите што ги спомнав погоре и да им ставам зејтин не се лепат...

 

Мислам дека Шкорпионка е во право, Дивела и Рикоса не се лепат никогаш, јас и без зејтин ги имам варено(на одмор еднаш останевме без скршен денар у нас и немавме што па макарони и шпагети варевме и тоа без зејтин и не се залепија).
Не е можда до парите,ама има разлика од макарони до макарони.
А да пробаш да ти мешаш убаво првите минути па поклопи и остави така да се варат уште 5 минути...
Или смени марка на макарони/шпагети, друго чаре не знам што да кажам.

 

1000 златни правила за секоја домаќинка
БРАШНО,ЛЕБ,ТЕСТЕНИНИ
-Домашниот леб ќе биде поквалитетен ако се измеша со неколку видови брашно.
-Квасецот треба да биде свеж,а ако е сув да не биде постар од 6 месеци.
-Парче квасец се става во врела вода,ако плива на површината значи дека е свеж.
-Квасецот побрзо ќе стаса ако се стави во млако млеко со малку шеќер.
-Свежиот леб полесно ќе се сече на тенки кришки ако се стави во фрижидер 1 час.
-Лебот се чува покрај расечено јаболко или расечен компир,така што нема да се суши.
-Стариот леб ќе ја поврати свежината ако се стави во цедилка,се прекрие со мокра салвета и неколку минути се држи над врела вода.
-Во пита се става малку квасец,за да се испече убаво и малку да нарасте.
-Тестенините подобро ќе се сварат ако се стават во врела солена вода.
-Во текот на месењето леб температурата на брашното и водата треба да биде иста како температурата на просторијата во која се меси лебот.
-За правење леб потребно е 1 кг. брашно,30 гр. свежили 15 гр. сув квасец.
-Брашното се чува на студено и суво место.
-Во кутијата,каде што се чува брашното,се става ловоров лист.Брашното нема да се навлажни и ќе остане свежо.
-Една лажица брашно тежи околу 12 грама.
-За мешање на тесто најдобро е да се земе меко,а за разни кремови остро брашно.
-Ако брашното се срави во ладно масло,се загрее и се меша,ќе се добие подобра запршка.
-За да не се залепат,тестенините треба веднаш по вадењето од врелата вода да се прелијат со млаз студена вода и да се процедат.
-Во водата во која се варат шпагетите се додава малку масло за да не се залепат.
-Во текот на варењето на 100 гр. тестенина,се става по 1 литар солена вода.
-Врелата пита полесно ќе се исече ако ножот е врел.

 

За тестенините да не се лепат ставајте сол во водата, не ја прибираат при варењето а и така ќе ги исцедите од неа, и да, ал денте ги тргајте од оган оти продолжат да се варат на чинијата. Јас си правам домашно месени шпагети, макарони и равиоли и ги варам во солена вода секогаш. Купечки кога ме мрзи да месам или немам толку време да се бафтам, ама и нив почнав да ги варам така и не се лепат.

 

Јас имам еден рецепт за чоколадна торта, ама овој пат сакам да уфрлам во филот вишњи..
Во каква состојба да бидат кога ќе ги додадам во филот (замрзнати, сецкани, зашеќерени)?
Со вишњи би добила некој вкус како тортата Шери од Шарлота?
Незнам дали да експериментирам...
Совет?

Морав да редактирам, заборавив да прашам дали знаете од каде да набавам тенки чоколадни таблички за да напишеш среќен роденден?
Како оние во слаткарниците што ги ставаат на тортите

 

Jaс со ова не се соглаувам ич, затоа што со миењето со ладна вода им се одмива и вкусот на макароните и шпагетите. Имам и гледано на една тв кичен еден готвач баш го нагласи тоа дека не треба да се мијат со ладна вода после тоа, туку паш напротив така жешки се преливаат со сос од домати и пармезан, мене така ми се превкусни.

 

Вишните, претпоставувам дека се замрзнати, стави ги во сад и посипај ги со шеќер. Тие ќе си пуштат сок, и не ги ставај во филот, туку нареди ги врз пандишпанот, можеш и да го премачкаш со сокот што ќе го пуштат, само внимавај да не е многу сок, да не омекне многу пандишпанот. А филот стави го врз вишните.

А такви таблички можеш и сама да направиш, од растопено чоколадо, истури го чоколадото врз најлонска фолија и со нож израмни го. Кога ќе се стврдне исечи каков сакаш облик и ете ти табличка.

 

Мене најбитно ми е да НЕ СЕ преварени,као што се кај нас Македонците по обичај.Инаку ова е ИЗВАДОК од книгичка.

 

Имам еден рецепт за некој колач што сакам да го правам во калап за мафини. Денес се обидов, но тестото ми излезе премногу ровко. Мафините едвај ги извадив и ми се испокршија, па не беа воопшто претставителни. Што да направам тестото да не е толку ровко? Да ставам малку повеќе брашно, или?

Мафините по стандардните рецепти од темата за мафини ми излегуваат некако многу суви, па решив да пробам нешто друго. Сакам да ги декорирам со шлаг за роденден, па важно ми е да изгледаат убаво, ама и да бидат вкусни. Смесата е прилично вкусна и евтина, ама не ми успева во тавче за мафини.

 

За мафините да се истават цврсти и цели, наjбитно е прво да се оладат убаво во калапите, а отпотоа да се истават.
Мене најпрактично ми е да ги ставам прво во хартиени корпички, па во калапите.

 

Ќе се проба во брзо време.

Oven Fried Blue Cheese Olives

1 15-ounce canjumbo pitted black olives, drained well on paper towels
1 1/2 ouncesblue cheese
2 tablespoonslight cream cheese
1/8 teaspoonblack pepper
1/3 cupegg substitute
1 cupItalian-style dry bread crumbs
canola cooking spray

Instructions
Preheat oven to 400°F. Coat a 9 x 9-inch baking dish with canola cooking spray. Add blue cheese, light cream cheese and black pepper to a small bowl and blend well with a fork. Using your fingers or a pastry bag, fill each olive with the blue cheese mixture.
Add egg substitute to a custard cup. Add breadcrumbs to a shallow bowl. Dip olives in the egg mixture then roll in the breadcrumbs to coat well. Place olives in prepared dish and coat the top with canola cooking spray.
Bake in center of oven for 12-13 minutes or until golden brown. Let them cool, and then serve.

 

Девојки, ај некој убав сос или прелив за риба ама да не биде оној универзалниот со лук и магдонос...

 

Онаа Ана,хрватката,што ја имаше на ТВ едно време мислам дека еднаш правеше,сос за лосос,од инчуни...
Звучи интересно...Но,неможам да го пронајдам видеото.