Можеш да направиш тиквици во рерна. Ќе ги исечеш на кругчиња подебели, ќе ги посолиш убаво. Во друг сад ќе изматиш едно јајце(за две тиквици едно јајце), во друга чинија ќе ставиш презла. Тиквичките една по една ќе ги брцнеш прво во јајцето, па во презлата и скалесто ќе ги редиш во намрсена тепсија. Откако ќе ги наредиш, одозгора ќе им прснеш малце зејти. Можеш да им додадеш зачин по вкус. Ја ставаш тепсијата во загреана рерна и печеш додека да заруменат. Прво на потивко ги печеш(150.160), па потоа пола саат при крај зголемуваш на 180 Ц. Можеш пред крај да им изрендаш кашкавал. Превкусен и здрав начин за тиквица(а да не е пржена, нормално)
Имам дома спанаќ, а со оглед на фактот дека јас не го јадам никогаш и не сум се интересирала како да го подготвувам. Вереникот го обожава па решив да му направам некој пита, барав по нет и најдов неколку рецепти, но дали некоја од вас знае проверена рецепта за добра пита со спанаќ, м ?
ние со мајка ми диетално малце зејтин, пржиш кромид, 2-3 патлиџани, пиперка сецкано и морков рендан малце соја трошки(или месо) и пола шака ориз! тиквичките ги сечеш на тркалца, ги обаруваш малце, колку да омекнат! редиш од тиквиците, додаваш од филот (овој што си го пржела) и се така ко мусака и најгоре додаваш магдонос, можеш и матено јајце, по желба ние без јајце го јадеме! јадењево е диетално, мф мф мф, за мерак, 20 дена само ова би јадела едит- обожавам тиквички, ама пржени со зејтин ги избегавам зашто ко сунгер се, полни со зејтин инаку и така може да си ги направиш
Правам кофтиња од тиквички многу се вкусни: 2 тиквички 1-2 моркови 200 грама шунка 200 грама сирење се се ренда и се мешаат заедно се додаваат 3 јајца пециво магдонос зачин Вагета(по вкус) сенф 12 лажици брашно се вади со лашица и се пржат во загран зејтин доколку ти се многу водени, се цедат
Еве од мене рецепта за многу вкусни тиквички... Тиквичките се пржат или печат, по желба, на колца исечени, и само со сол посолени. 10-тина чешниња лук се толчат со малку зејтин во нив, се мелат 150-200 гр. ореви и се додаваат во лукот, се меша се тоа убаво, се додава уште лажичка маслиново масло, ситно сецкан магдонос, 1-2 лажици оцет или балсамико, биберче малку и убаво се промешува. Тиквичките се додаваат во смесата и убаво се меша се заедно, се остава во фрижидер да се оладат и да впијат... Со лепче, сиренце и домат е перфектен, најубав летен оброк... Кој ќе направи нема да се покае... Некој бараше прелив за салати со јогурт, па еве еден од мене , секојдневно на мени кај мене со се и сешто 100 мл. јогурт, 2 лажици големи павлака, половина мала лажичка сенф, 1/2 лажичка вегета, малку лук во прав, 1 лаж маслиново масло, повеќе бибер, и малку свеж копар, кој е љубител нормално, кој не без копар, и се ова го мешаш убаво, и имаш 5-ка прелив за секоја салата, а за салатите со марула во овој прелив додавам и две жолчки сварени, и убаво изгмечени, и многу е вкусен... Е сега во истиов прелив додајте само место 2 лажици, цела павлака, малку сецкана шунка, 1 ситно сецкана свежа краставица, малку дробено сирење и една рака сецкани ореви и имате прелив за ладни тестенини, шта да ти причам...за доручек, совршено...
Е морам да ви дадам уште една толку брза, здрава, толку вкусна старинска рецепта за јајца на око, што прсти ќе излижете...верувајте ми на збор... За 2 јајца на око... Во тава ставаме неполн филџан за кафе вода, малку сол и маслиново масло 2-3 лажици, и го ставаме на оган да зоврие, додаваме сушено нане, буковска сол повеќе, и малку сув или свеж босилок (ова стрикно за љубители на аромата на босилок, на останатите им е гадно, им мириса на црква ), и ова си проврива минутка две, па ги ставаме јајцата, поклопуваме со капак, исклучуваме шпоретот и оставаме така 5 минути, тргаме од оган, и поубаво здравје... Ако имате печурки, свежи, ги сецкате на тенки листови и ги додавате во водата со масло, штом ќе почне да врие, па 5 минутки оставате да проварат, и продолжувате со постапката од погоре, јас и пред да го тргнам од оган одозгора додавам крупно исечен спаноќ, само измиен и посолен, поклопувам и оставам уште 2 минутки само да омекне, и веднаш откако ќе ги тргнам од оган ставам и по некоја лента кашкавал, па и сланинка... Инаку ова е потешката варијанта и посложената демек, ама изгледот и вкусот е....мхмхмх...се настрвив... А првата варијанта, 5 мин, и воала...оброк, вкусен, здрав ...
Енца дедо ми ги ги правеше слично на вода, ама без никакви зачини, само сол и буковец. Најубави се, како е за мацкање, убајна Само малку поинаков е рецептот - на мааалку загреано масло се става пиперот и веднаш (за да не изгори) се става филџан вода, па потоа јајцата се кршат одозгора. И цело време додека се прават се полеваат со водичката. Е малку мириса кога ќе се прават, облеката после ми мириса на јадење, ама затоа го терам татко ми да ги прави Омилени ми се.
Да, старински рецепт е ама верувај за комбинацијата нането е пресудно, пробај вака и пиши Вака со водата воопшто не ни мириса, тоа најмногу ми се допаѓа, брзо, вкусно, здраво, и нема мирис на зејтин низ цела куќа, јас најмногу сакам јајца на око, ама многу избегнував ради пржењето, а сега вака, па посебно со спаноќот и кашкавалот, 2 пати неделно обавезно на мени ми се А на сите што ќе им направам мислат којзнае што филозофија е, па како сум успеала да направам за 5 мин, дека од печурките, спанаќот, па и сланината, богато многу и шарено изгледа, мислиш часови работа било во прашање
Фала многу на сите што се потрудија да ми пишат прекрасни се рецептиве, некои и пробав веќе ај сега кажете ми рецепт за сутлијаш тоа ми се пријаде,ама ако знаете како малку чоколаден да го направам, со какао или сл. се извинувам но, сама живеам,знаете како е и корисни ми се вашите совети.фала
2 финџала ориз , шекер по вкус 3-4 супени лажици и вода да го прекрие оризот (2 прста над него)се вари но со постојано мешање , ако не се вари во тефлонски сад , кога ќе набабрат зрната се додава 2 финџала млекце и пошто сакаш чоколадно кога ке биде готов сутлиашот додека е врел можеш да искршиш ред два чоколадо , било за готвење било милка м м м ... јас така го правам се надевам дека ке ти се свиѓа не е ништо комплицирано бон апетит
Еве јас како го правам иако не го јадам 1 л млеко 1 шоља вода 1 шоља од 150 мл ориз 10-12 лажици шекер 2 ванилин шекер Го ставам оризот со водата на тивко да врие.Кога ќе испари водата додавам млеко во повеќе наврати.Продолжуваме со варење на тивок оган.Мешаме често за да не загори.Кога ке го потрошиме цело млеко и кога ке почне да се згуснува го ставаме шекерот и ванилиниот шекер. Одозгора ставаш какао или цимет по желба Овој рецепт го најдов на нет и го правам редовно, маж ми во суклијач да го бркниш сув ќе испадни
Некој праша за совет за искористување спанаќ? Еве ви многу здрава, вкусна, малку скапа, но прекрасна салата! Ви требаат два страка спанаќ, 100 гр. сечкани урми, 200 гр козјо сирење, кесичка сенф, 3 лажици мед, оцет балсамико, рака толчени ореви и маслиново масло. Спанаќот убаво измијте го, искинете го на парченца, со прсти (не со нож, за да не пушта сок) и ставете го во длабока чинија за салата. Урмите ситно исечкајте ги и оставете ги на страна. Козјото сирење исечете го на мали коцки и стопете го неколку минути во рерна, или микробранова, само да омекне. Во друг сад, измешајте го сенфот со медот, оцетот балсамико, маслиновото масло и оревите. Посолете по вкус и прелијте го спанаќот. На крај, додајте ги урмите, стопеното сирење и промешајте. Неверојатен вкус има, многу е хранлива и здрава, а оваа количина е супер за двајца и може да се јаде со двопек, како лесен ручек. Бон апетит!
Да не го ставам ова во СДП некако повеќе тука ми одговара. Знаете ли дали некаде по пазариве или маркетиве во Скопје има аспарагус??? Ама свеж, не ми треба од оној скиселен во конзерва што е. Еве вака изгледа чудово:
