Пирамитче сакаш да кажеш дека мусака можеш и да си направиш со претходно сварен компир ?? не знам дали сум во заблуда, ама ако е така, убава е мусаката?
Да Ама сосема е сеедно, некои и така ја прават затоа што не сакаат да ја печат долго во рерна. Секако месото ти е веќе подготвено претходно, а компирите можеш да ги свариш исто така претходно, но не до степен да се сосема сварени, онака на пола. И потоа мусаката побрзо се прави во рерна Ама јас не можам така, но некои ете и на тој начин ја прават. Јас редам живи компири и оставам да се скрчкаат во рерна. Ама јајце не употребувам. И не оставам сосема да ми испари водата, туку онака до пола. За крај, кога веќе ја сервирам, знам да си ја залеам жешката мусака со сос од јогурт со копар, или со обично кисело млеко Многу ми е вкусно така и ми ја разбива мрснотијата. На пример турска мусака е нешто сосема поинакво, тие воопшто не ставаат компир. Само мелено месо и модар патлиџан и тоа е тоа. Интересна е и таа, само тука треба да се внимава со зејтинот затоа што познато е дека модриот патлиџан впива големо количество на зејтин.
Оваа мусака со син патлиџан е многу мгноу вкусна... Ама за да не впие синиот патлиџан многу мрснотија, претходно се става да отстои некои 30 минути во солена вода...и јас не го пржам туку го напрскувам со зејтин, и во рерна...не е исто ко да го пржиш, ама пак е вкусно. Првиот пат кога ја направив ми отиде скоро пола кило зејтин за пржење од тогаш строго потпечени! И тајната во оваа мусака е да се стави оригано
Вечерва два специјалитета. Бидејќи јас не јадам леб, цимерките се ,,борат,, со еден/два леба неделно. Денес четврток, ноу мани, ноу фуд, а две половинки леб останато. Земав, прво, намачкав тавче со маргарин, лепчиња со маргарин, изрендавме замрзнат патлиџан одозгора, сирење, оригано и на печење. ААААААА, ептен беа убави. Е, другата идеја. Бидејќи лебот беше КАМЕН сув, го натопив со вода, му ставив зејтин, домата, оригано, сол и сирење. Го пржев така некое време, па сиренце ставивме пак. И кога почна да крчка, да прави ПУФФ, како ајварчето што прави. Лупнавме две зденки внатре, уште една тура сирење и го потпековме. Прекрасно. Испадна како домашна пица, баш таков вкус. Многу брзо се за правење работиве, а се многу убави. Немавме, инаку во лебот што го пржев ќе ставев кашкавал, саламче, печурчиња и многу малку домата... или пак кулен, кашкавал... Ама моравме да се снаоѓаме со тоа што имаме. Ту, како не ми текна порано вакво нешто да зготвам, глупости јадеме некогаш. А ова ем вкусно, ем брзо.
Mи се чини дека во студентските денови најмногу се разработува креативноста, од ништо да направиш нешто. И тогаш се е највкусно. Понекогаш ти здосадуваат и јадењата од менза и сите можни лиснати, сендвичи, погачи и 300 чуда (ми се чини само ајварот нема никога да ми здосади). Пред некој ден ги ставив моите "кулинарски" способности на тест, ама резултатот дефинитивно вредеше. Еве што направив: Сварив тарана, ама домашна (од мојата најмила бабичка), онаа купената воопшто не ми е вкусна. Во водата ставив малку сол и масло. Кога се свари убаво и водата изври додадов една чашка јогурт (200 милилитри) и вегета. оставив да се вари уште малку и после го тргнав да се излади. И така добив еден вид на солен сутлијаш Сигурна сум дека ќе им се допадне на тие што сакаат сирењасти работи, како мене
Сум приметила дека кога правам руска салата, кога ќе постои малку - мајонезот се прави ко на дупчиња, незнам како да објаснам, како да испарува. Е сега, незнам дали треба да ставам повеќе мајонез количински (а не го сакам многу) или пак треба да ставам и павлака? Или треба да отстои во фрижидер пред да се сервира? Кога ќе купам руска не е таква, па незнам кај ми е грешката.
Маја,мајками секогаш става мајонез и павлака(плус и бибер и сол).Со павлака добива свежина,која ја одржува салатата,и ја прави полесна,за разлика додека би била само на мајонез,што за мене е неподносливо тешко. Мајонезот сепак ке доминира(мајонез 60%,павлака 40%),и превкусни и се секогаш салатите,бидејки додава павлака во секоја во која оди мајонезот(пр.салата со макарони),и остојуваат со истиот вкус до последниот ден,а сега за овој период од годината,не е проблем да се стави павлака или мајонез,си седи салатата иста во фрижидер,додека во лето е критично ако не се изеде за некои си 2 дена.
Сакам да направам пица, да ги изненадам моите. Ќе ја правам со свежи печурки (шампињони), ама не знам дали треба претходно да се пржат па да се стават на пицата, или како што се такви, па да се печат само? Anyone?
Хмм најверојатно мислиш на гулаш такво нешто ? За отприлика 4 особи, се зема околу 700 грама месо и се сецка на коцки или може и да е мелено. Исто толку кромид се сецка ситно, патлиџан изрендан, морков рендан и ситно исецкана пиперка, и се динста на зејтин.Се додава месото, сол, црн бибер, црвен пипер и се продолжува со динстање со постепено долевање водичка додека месото сосем не омекне. Јас го правам и со џигерчиња. А за ќофтиња, истиов рецепт само нема да динсташ месо туку ќе ги ставиш готовите ќофтиња да вријат во водата.
Кажете ми начин да припремам свинско месо,ама да е вкусно со зачини,ова она.Единствено сум го правела динстано,со црвено винце,а не е на одмет некој сос.Само не спомнувајте печурки зошто не јадам Фала однапред
може ако сакаш да го подвариш малку, па потоа да го испржиш заедно со кромид, ама кромидот исто предходно ке го подвариш во малку вода, па заедно со месото ке го испржиш преубаво е, и плус има и течност за да си макниш со лепче
Во кеса за печење за во рерна ке го ставиш месото со бело вино и малку вода.Од зачини јас ставам морска сол бибер во зрна ловоров лист (3-4 ливчиња),рузмарин.А зеленчукот по избор го варам
еве овде објавив еден преубав рецепт да го пробаш позз. http://forum.femina.mk/recepti/svinsko-file-vo-bel-sos-t9309/ Maja еве ти нешто од мене како да ја правиш руската салата 500 гр компири, сварени, исечкани на коцкички 250 гр шунка, исечкана на коцкички 250 гр кашкавал, исечкан на коцкички 4 големи моркови, сварени и исечкани на коцкички 10 корнишони, исечкани на коцкички 300 гр грашок 1 тегла мајонез 1 лажица сенф сол, црн бибер и пред да сервираш на маса во пајнчина со 1 лажица мајонез ќе ја премачкуваш салатата и ќе декорираш со кругчина морковче и магдонос... по желба. за тоа што ти испарвало сигурно ги имаше премачкано и потоа по сат време си служела пајнчината ..
Со мелено месо јас правам кофтинја во сос : 500 гр.мелено месо на кое се додава пола главица кромид рендан 1 јајце сол бибер и една рака ориз претходно малку подварен и 1 мало лажиче оцет .Се замесуваат и со влажни раце се прават топчиња со големина како орев. На страна на масло се пржат 2 главици кромид ситно сецкани и кога ке се испржи се додава 1-2 чаши вода кога водата ке зоврие се ставаат кофтињата но водата мора да врие за да не се распаднат кофтињата и се остава да се динста некаде половина час ако има потреба во тој половина час се додава и вода но не многу пред крај се додава 250 гр. доматно пире или во лето 2 домати рендани , сол вегета бибер по вкус и магдонос сецкан .Пробајте одлично е
Белисима не сум сретнала до сега да се става оцет во меленото месо, знаеш ли да ми кажеш што е неговата улога? Го подобрува вкусот или што?
